محاوره بين الشاعرين / علي الجضعان & مقبل بن نمران

قد هي وزت مالي ومالك معاذير=يالشاعر البيطار هيف الثنيه
وأصل الهدف ياصاحبي نية الخير=له عندنا طيب ومقام وحذيه

الطيب مايظهر بليا مخاسير = تستاهل المفتاح مني هديه
وارجوا السموحه كان بالردتقصير = اقلوبنا عن الخساسه نقيه

نبي نغير الطاروق بناء على طلب الصفوف ,,, ههههه

صاحبي والقلب ضامي ومرباعه=فج برٍ فيه للوسم تباعي
فيه نقع الماء على بروق لماعه=يشفي اللي من هواء الزين ملتاعي

وهني من قبل الفجرصفط أشراعه = وعلى الله التوفيق وفجوجه أوساعي
يوم نور الصبح بين اشعاعه = يازين صوت الكفرات بالقاعي

زين خشم الجيب يازين مطلاعه=مع رفيقٍ للتماثيل بداعي
للهجيني يبدع وتصغي أسماعه=وشايفٍ من بنت حواء تمناعي

مقبل بن نمران

الله ، الله

فيه نقع الماء على بروق لماعـه = يشفي اللي من هواء الزين ملتاعي

وتقول ماني بشاعر محاوره وانت غير الطاروق

روووح حنا معكم



علي الجضعان

يوم نور الصبـح بيـن اشعاعـه = يازين صوت الكفـرات بالقاعـي

انت سريتنا الليله وينا ووين نور الصبح الا والله اللي نمنا الى الضحى

واصل ياراعي المكاشيت

سايقه مشعل مع العسر مطلاعه = وعلى صوت جيبه خويه طق الاصباعي
الوقت يمضي معاهم كنها ساعه = ويروح عنك الكسل وتروح الاوجاعي

لتنويه /المقصود مشعل الجضعان

يوم رحت البر شاريكم طماعه=ومن هوى اللي بالدلع فج الأضلاعي
غصن موزٍ فري جيبي تمهزاعه=ماتنام العين والناس هجاعي

آه ماذبحني كودخلي ومفراعه = عامين ماجتني مراسيله والاساعي
مدري علامه عليه غير اطباعه = نسي عهودٍ كتبها يوم الأوداعي

الله الله للجميع مني جل الاعجاب

وارجو ان يسامحني على الجضعان لاني وبكل صراحه قلت لمقبل لا تجيب طاري الغزل ههههه

واعرف انه يحب المشاكسه ونلت ما اريد ههههههه

آه ماذبحني كودخلـي ومفراعـه
عامين ماجتني مراسيله والاساعي
مدري علامه عليه غير اطباعـه
نسي عهودٍ كتبها يوم الأوداعـي


مشكور ابن منديل على التنسيق الجميل