شوف الشجر شاف السماء واشتكاهـا = يشكي عليها الضيم من جور الأغصان
وشوف البشر وشلون زايد غباها = تحقد وتبغض والحسد بين الأخوان
يشكـون دنيـاً مـا يوقـف غثاهـا = ومن ضيمها يا ناس ما يسلم انسـان
يا ما نهيت النفس عن مبتغاها =أبذر بها معروف والطلع نكران
لا تـامـن الدنـيـا وذا مستـواهـا = لين الغنم تسرح مع الذيـب سرحـان
كم واحدٍ باع الشرف فـي هواهـا =يرقص على كاس الشياطين سكـران
وكم واحدٍ له هامةٍ مـا حناهـا =عزيز عند النـاس ماعـاش منهـان
دنيـا دنـيّـه زاد فيـهـا دنـاهـا =والله يعين الحال من جـور الازمـان
شوف الكرامة كاسيتني رداها = واصبحت فيها طاهرة عرض واردان
واليوم بيرك كان جففت ماها = لا تشتكي جور الظما وانت عطشان
هذي بداية قصتي ومنتهاها = يصوغها قلبي قبل ينطق لسان

صح بدنك .. ولا هنت عالمرور العاطر ..
شكراً لك ..
.
.

سار ة