|
اليوم بيرك كان جففت ماها .. حضور بعد غياب ... ... .. .
شوف الشجر شاف السماء واشتكاهـا = يشكي عليها الضيم من جور الأغصان وشوف البشر وشلون زايد غباها = تحقد وتبغض والحسد بين الأخوان يشكـون دنيـاً مـا يوقـف غثاهـا = ومن ضيمها يا ناس ما يسلم انسـان يا ما نهيت النفس عن مبتغاها =أبذر بها معروف والطلع نكران لا تـامـن الدنـيـا وذا مستـواهـا = لين الغنم تسرح مع الذيـب سرحـان كم واحدٍ باع الشرف فـي هواهـا =يرقص على كاس الشياطين سكـران وكم واحدٍ له هامةٍ مـا حناهـا =عزيز عند النـاس ماعـاش منهـان دنيـا دنـيّـه زاد فيـهـا دنـاهـا =والله يعين الحال من جـور الازمـان شوف الكرامة كاسيتني رداها = واصبحت فيها طاهرة عرض واردان واليوم بيرك كان جففت ماها = لا تشتكي جور الظما وانت عطشان هذي بداية قصتي ومنتهاها = يصوغها قلبي قبل ينطق لسان وسلامتكم .. سارة الشهري |
رد: اليوم بيرك كان جففت ماها .. حضور بعد غياب ...
وشوف البشر وشلون زايـد غباهـا=تحقد وتبغض والحسد بيـن الأخـوان يشكون دنيـاً مـا يوقـف غثاهـا=ومن ضيمها يا ناس ما يسلم انسـان يا ما نهيـت النفـس عـن مبتغاهـا=أبذر بها معـروف والطلـع نكـران لا تامـن الدنـيـا وذا مستـواهـا=لين الغنم تسرح مع الذيب سرحـان صح لسانك وعلا شانك شاعرتنا ساره الشهري قصيده رائعة وعودا حميدا ونتطلع الى المزيد من تواصلك عبر الموقع والاطلاع على جديدك وياهلا |
رد: اليوم بيرك كان جففت ماها .. حضور بعد غياب ... كم واحدٍ باع الشرف فـي هواهـا يرقص على كاس الشياطين سكـران أعجبني جداً هذا البوح وأعجبني فيه الحكمة الظاهرة صح لسانك وعلا شانك |
رد: اليوم بيرك كان جففت ماها .. حضور بعد غياب ... اقتباس:
عوداً حميداً ان شاء الله وياهلا اشكرك على هذا البوح الراقي والاصاله الشعريه والشاعريه ابداع راق تختلط فيه التجربه والحكمه والنصيحه كما تتجلى فيه الكرامه والعزه والانفه اشكرك مرة اخرى |
رد: اليوم بيرك كان جففت ماها .. حضور بعد غياب ... احساس جميل.. وصوت مفعم بالاصالة والحكمة والاحساس بالذات الى الامام تحياتي |
رد: اليوم بيرك كان جففت ماها .. حضور بعد غياب ... . . .
شوف الحسن وشلون مر يتباها=بأبيات ترسم دربها بين الأجفان والنفس لو تعرف مرابع شقاها=ماصوتت لفلان وفلان وفلان دام القلوب تعري اللي كساها=ولابه وجه كافي وشافي وهتان خل الحياه تمر باللي كفاها=حتى نهاية جرحها بين الأكفان واللي تسابق للمشاعر نداها=تبقى كذا مبدأ وشرهه وعنوان غربة ضروف إحساس مبطي شفاها=ماجربت في وقتها عطف وإحسان اللي شراها باعها وإشتراها=على حسب نقصه وجوره والأحزان يعني إذا ماطر غرامك سقاها= والله مايلومك على فعلك إنسان |
رد: اليوم بيرك كان جففت ماها .. حضور بعد غياب ... المبرقعه قصيده جزله بمعنى الكلمه ورائعه جداً نتمنا المزيد |
رد: اليوم بيرك كان جففت ماها .. حضور بعد غياب ... اقتباس:
سارة الشهري / شاعرية فذة أشكركـ على هذه الحروٍوٍف تقبلي إعجابي ومروري |
رد: اليوم بيرك كان جففت ماها .. حضور بعد غياب ... صح اللسانك ودمتي بود |
رد: اليوم بيرك كان جففت ماها .. حضور بعد غياب ... اقتباس:
صح بدنك .. ولا هنت عالمرور العاطر .. شكراً لك .. . . سار ة |
رد: اليوم بيرك كان جففت ماها .. حضور بعد غياب ... اخواني الكرام $$$$ اولا صح لسان الشاعره $$$$ والحقيقه انا اعجبتني كل ابيات القصيده $$$$ لؤلؤ منثور وقاف اصيل وكلمات كالصخر الاملس$$$ ما شاء الله تبارك الرحمن $$$ تسلمي من الحر والشر اختي المبرقعه%%% |
رد: اليوم بيرك كان جففت ماها .. حضور بعد غياب ... مشاء الله تبارك الشاعرة ( مبدعة بشكل ملفت لوجدان المتلقي ) ابيات جميلة *** معاني منتقاة بشكل رائع *** الدلالة اللفظية واضحة *** الصور البلاغية معبره للاحساس ( فيها نوع من الندم ) و البيت التالي وهو القصيدة ( وأعتبرة الشاهد ) {{{{ و اليوم بيرك كان جففت ماها @@@ لاتشتكي جور الظمأ وانت عطشان }}}} المعنى بعد مرور وقت من الزمن ( اليوم ) انتهى ( جف ) ماكنت تستمد منة المشاعر ( بيرك ) *** ولكن لا تتألم من الميل ( جور ) لأن (الظما ) اعتصر ماء بدنك وانت مشتاق (عطشان ) والاصل ان الشريب اذا قل ماءه لم ينصف شركاءه وساءة العشرة وتقبلوا مروري والهوامش البسيطة ولكم جزيل الشكر |
رد: اليوم بيرك كان جففت ماها .. حضور بعد غياب ... قصيدة جميلة مشكورة ويعطيك العافية |
رد: اليوم بيرك كان جففت ماها .. حضور بعد غياب ... اقتباس:
إعجابك فخر أخوي عبد الله .. وصح بدنك و لا هنت .. شكراً لـ مرورك سارة |
رد: اليوم بيرك كان جففت ماها .. حضور بعد غياب ... ساره الشهري صح لسانك ويعطيك العافيه على هذه الرائعه وليس غريب عليك هذا الإبداع وانتي تقولي :
يالغيم طمني عسى قلبه بخير = يالغيب جب منه الخبر والبشائر
الى ان تقولي
يالغيم قله كلمة دون تقصير = قطع الوصل قطع الحشا والضمائر
|
| الساعة الآن 09:19 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir