مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   خاطرة التوقيع (http://www.alfredah.net/forum/threads/alfredah6110/)

ابن سدحان 19-10-07 01:18 PM

خاطرة التوقيع
 
كتبت ابيات وهي خاطره وضعتها توقيع لمشاركاتي معكم في هذا المنتدى المميز واحسست ان هذه الابيات لابد ان تكون قصيده فاكملتها واصبحت كالتالي :

ياناشد ٍ عني تسرك علومي=انا بفضل الله بخير من الله
مقصر ومذنب واصلي واصومي=وازل واستغفرعلى كل زله
واقوم في وقت اللزوم بلزومي=واشوم عن هرج ٍ مهو في محله
واحب فعل الطيب من عرض قومي=واكره دروب المسكنه والمذله
واحفظ تقاليدي واراعي سلومي=وابعد عن المنقود دقه وجله
ولا واطن مصاحب عيال الرخومي=اللي تناشبني على كل زله
واتوق للبطران نسل القرومي= اللي لارحت بطرقة ٍ ماتمله
واقنع بمقسومي ولا يزيد لومي=لاشك كل ٍ رزقه مقدر ٍ له
وان مت ماني ميت ٍ قبل يومي=وان عشت ماني عايش العمر كله
ماخلد اللي من خطاه معصومي=وقدامنا دار ٍ نبي ننتقل له
يربح به اللي بأمر ربه يقومي= اللي فعول الخير تملا سجله
والا ترى الدنيا مجرد حلومي=اجمع شريط العمر وارجع وفله
نركض ورى الدنيا ونركض ونومي=والحاصله كل ٍ يراوح محله
يا الادمي مهما تحوش محرومي=كن الزمان يقول ما اخذت خله
خيرك لوانك دمت له ما يدومي=وان دام خيرك مانته بدايم ٍ له

مجروح الزمن 19-10-07 01:35 PM

رد: خاطرة التوقيع
 
ابن سدحان صح لسانك وبيض الله وجهك

قصيده جميله جدا وفيها من الجزاله الشي الكثير

رائـــــــــــــــــعــــ ــــــــــــــــه

منصور الوسوس 19-10-07 01:57 PM

رد: خاطرة التوقيع
 
اقتباس:

المشاركة الأصلية كتبت بواسطة ابن سدحان (المشاركة 52888)
نركض ورى الدنيا ونركض ونومي=والحاصله كلن يراوح محله
يا الادمي مهما تحوش محرومي=كن الزمان يقول مااخذت خله
خيرك لوانك دمت له مايدومي=وان دام خيرك منته بدايم له

صدقت يبن سدحان

صح لسانك ودامت ايامك قصيدة رائعة جدا وتصوير بليغ لايستطيع نظم

عقده ولم جواهره النفيسه الا شاعر متمكن مثلك .

قلت فأبدعت فلك واااااااافر المحبة ورحم الله والدك رحمة واسعه

واسكنه فسيح جناته ووالدينا وجميع المسلمين ...

اقبل تحية محبك / منصور الوسوس

القسومي 19-10-07 02:15 PM

رد: خاطرة التوقيع
 
صح لسانك يبن سدحان
قصيدة رائعة
ادام الله عزكم

مقبل بن نمران 19-10-07 05:25 PM

رد: خاطرة التوقيع
 
ابن سدحان

صح لسانك وعلا شأنك

قصيدة محكمة في لون الحكمة ونابعة من الوجدان

أسعدني وجودها هنا كما أسعدني وجودك

دمت بكل خير

ابوبندر 19-10-07 08:09 PM

رد: خاطرة التوقيع
 
شاعرنا القدير
عبدالعزيز بن سدحان
سرني أن أجد هذه الرائعة بين ايادينا في هذا الصرح
ولا يسعني اخي سوى تسجيل الاعجاب بالقصيدة وبالشاعر
دمت مبدع رائع .
وهذا من أسباب عدم عذري لك في التغيب عن المجالس.

وصح لسانك مليووووون واسمحلي اضيفها الى مكتبتي الخاصة على الجهاز

اخوك ابوبندر

خلف الفريد 20-10-07 12:46 AM

رد: خاطرة التوقيع
 
حياك الله يابو راشد

تغيب كثير ولكن تعود بالثمين لاهنت لاهنت

لك حبي

م/عبدالرحمن 20-10-07 01:23 AM

رد: خاطرة التوقيع
 
أخوي بن سدحان

أردت اختيار بيت كحكمة من هذه الرائعة فوجدت أنه يتوجب علي كتابتها كلها مرة أخرى،،

بصراحة أهنيك على هذه القصيدة والتي هي من أفضل ما قرأت في الحكمة بلا مجاملة،،

أخوي ؛ لا تحرمنا من مثل هذه الروائع من كتاباتك..

ـــــــــــــــــــــــــ ــــــــــــ

و أستأذنك أن آخذ منها توقيع إذا سمحت لي..

عبدالله بن غنام 20-10-07 01:49 AM

رد: خاطرة التوقيع
 
اقتباس:

يربح به اللي بأمر ربـه يقومـي=اللي فعول الخيـر تمـلا سجلـه


يا الادمي مهما تحوش محرومـي=كن الزمان يقول ما اخـذت خلـه

رائعة جداً وتستحق ما خطه الأخوة لها من إعجاب

ابن سدحان نظمت فأبدعت ويقال إن أجمل الشعر هو ماتميز بصدق العاطفة وهذه المقطوعة الخالدة ولا شك تميزت بصدق العاطفة وسلاسة الأسلوب وبساطة الكلمات فجاءت جميلة بكل ما فيها وبكل ما يعني الجمال .

تقبل إعجابي الا متناهي بما خطت يداك

وصح لسانك ولا تحرمنا جديدك

قطرة ندى 20-10-07 02:06 AM

رد: خاطرة التوقيع
 
http://www.moq3.com/img/uploads/JPr35099.gif


قصيده جميلة جدا .... استمتعت بقرائتها

كلها حكمه وقد طرحت باسلوب سلس و بسيط .. شكرا لك



http://www.moq3.com/img/uploads/5Zb35037.gif


الساعة الآن 12:35 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52