ياناشد ٍ عني تسرك علومي=انا بفضل الله بخير من الله
مقصر ومذنب واصلي واصومي=وازل واستغفرعلى كل زله
واقوم في وقت اللزوم بلزومي=واشوم عن هرج ٍ مهو في محله
واحب فعل الطيب من عرض قومي=واكره دروب المسكنه والمذله
واحفظ تقاليدي واراعي سلومي=وابعد عن المنقود دقه وجله
ولا واطن مصاحب عيال الرخومي=اللي تناشبني على كل زله
واتوق للبطران نسل القرومي= اللي لارحت بطرقة ٍ ماتمله
واقنع بمقسومي ولا يزيد لومي=لاشك كل ٍ رزقه مقدر ٍ له
وان مت ماني ميت ٍ قبل يومي=وان عشت ماني عايش العمر كله
ماخلد اللي من خطاه معصومي=وقدامنا دار ٍ نبي ننتقل له
يربح به اللي بأمر ربه يقومي= اللي فعول الخير تملا سجله
والا ترى الدنيا مجرد حلومي=اجمع شريط العمر وارجع وفله
نركض ورى الدنيا ونركض ونومي=والحاصله كل ٍ يراوح محله
يا الادمي مهما تحوش محرومي=كن الزمان يقول ما اخذت خله
خيرك لوانك دمت له ما يدومي=وان دام خيرك مانته بدايم ٍ له

المشاركة الأصلية كتبت بواسطة ابن سدحان (المشاركة 52888) نركض ورى الدنيا ونركض ونومي=والحاصله كلن يراوح محله يا الادمي مهما تحوش محرومي=كن الزمان يقول مااخذت خله خيرك لوانك دمت له مايدومي=وان دام خيرك منته بدايم له

أخوي بن سدحان

أردت اختيار بيت كحكمة من هذه الرائعة فوجدت أنه يتوجب علي كتابتها كلها مرة أخرى،،

بصراحة أهنيك على هذه القصيدة والتي هي من أفضل ما قرأت في الحكمة بلا مجاملة،،

أخوي ؛ لا تحرمنا من مثل هذه الروائع من كتاباتك..

ـــــــــــــــــــــــــ ــــــــــــ

و أستأذنك أن آخذ منها توقيع إذا سمحت لي..

يربح به اللي بأمر ربـه يقومـي=اللي فعول الخيـر تمـلا سجلـه يا الادمي مهما تحوش محرومـي=كن الزمان يقول ما اخـذت خلـه

صح لسانك أبيات رائعة

مجروح الزمن اهلا بك اخي العزيز
واذا كان هنالك شي رائع فهو تواجدك

عزيزي منصورالوسوس
يسعدني مرورك واطراك على مااكتب
لك كل التقدير

القسومي
صح بدنك ولاهنت

الشاعر
مقبل بن نمران
اشادتك باالقصيده
يعني انها فعلا قصيده جيده

اخوي ابوبندر
اعدك ان اكون دائما متواجد

اخوي خلف الفريد
اثمن ماعدت به انا
هو قرائتك لقصيدتي

الاخ م/عبد الحمن
اتشرف بأن تاخذ من قصيدتي توقيع اخي العزيز

الاخ عبدالله غنام
الاشاده منك بمثابة الوسام
اشكرك على مرورك

الاخ وابن العم فارس الحرف
اسعدني مرورك لك كل التقدير

اخواني
حمدان الجضعان
ناصر بن راكب
قطرة ندى
شكرا على مروركم واشادتكم