قررت اشطب علاقه مالها خانه=أكس عليها واطنشها واكنسلها
لاصار تبنا بليا سلم. وديانه=عوجا ولاتنعدل لو جيت اعدلها
البيت مايثبت الا فوق سيسانه=?ينهار لاصار ماتثبت بكاملها
ونفوس بعض البشر ضحله ومرضانه=?تبدي سليمه وعلتها بداخلها
و راع الردى بان عذروبه من اوانه=خوة هل الطيب مايقدر يكملها
ليا بغا حاجته زين لك السانه=وليا قضاها معاريفك تجاهلها
قال المثل ماش عود بدون دخانه=?وكل الفصايل تعود في سلايلها
وقد قالو يوضح المكتوب عنوانه=?والناس بالوقت هذا كثرت عللها
كلن يتابع هوى نفسه وشيطانه=?حقوق الاسلام عاكسها ويجلها
ومدام رزقي على المعبودسبحانه=وشوله ادرى خواطرها واجاملها
النفس في حكمة المعبود قنعانه=ولغير وجه الولي ماني مذللها
تطنيش من غار بين الناس بحصانه=ان مارفع قيمتك ماهو منزلها
ومجالس اهل الخنا وبليس واعوانه=ببلاش لو غليت الاسعار بدلها
ابعدعن المجلس اللي فيه هجانه=?علاقتك بالضعوف اقطع تعاملها
من يرخي لكل كلمة نمه اذانه=?لابد مايكسب العدوى وينقلها
والكلمه بغير وجهة حق خسرانه=وخسران من قالها عن راس قايلها
والهرج وشو ثباته غير برهانه=?وروس الشوامخ ماكل الناس تاصلها
وصلو عدد كل برق(ن) رف بأمزانه=?على رسول(ن) حقوق الدين كملها
الشاعر / محمد جطلي