واقلبي اللي طواه الحب يا شفاقــــــــه=طويت اشنون على الديران مطويــه
على وليفن عليه النفـس يا شفاقــــــــه=ماتـــنـردع دايـمــن بالحـب مـبليــه
العين عين الوحش للصيد يا شفاقـــــه=وإن قلت وش نوعها نقول بحريــــه
بحريتن لا اطلبت تعجبك يا شفاقــــــــه=سون على المرتفع بالبوز ماريــــــــه
تلقط له الأرض لين يروح يا شفاقـــه=ثم اشلعت له عليها اكفوف مدميــــه
لا حولت به من اللجـات يا شــفاقـــــه=تقول هذي لها يوميـــن مـــرمــيـــه
صقارها عيد ما يحتاج يا شفاقـــــــــه=له سيرتن بالولع ماهيب مخـــفيـــــه
وباقي وصوفه نقول الموت يا شفاقــه=الشرع في حكمنا لو هي يهوديــــــه ؟
ما يسمح الشرع بالتوصيف يا شفاقــه=وما جاك من وصفها عشرين بالميـه
وجدي عليها وجودن دوم يا شفاقـــــه=فراغ نقطه تكـــملها على حيـــــــــــه
يوم ضحكت له يشوف العز يا شفاقـه=واليوم في بطنها يا كــافي السيــــــــه
أنخاك حيثك سديد الرأي يا شفاقــــــه=ومن غبت الجم لك إدلي مملـيــــــــه
أجزم إفزعتك لا تخمين يا شفاقـــــــه=وأبنتظر ردكم لو طال حوليـــــــــــه
واسلم وسلم على الغالين يا شفاقــــــه=ما لعلعت صوتها بالدوح قمريـــــــه

ابو فايز صح السانك
مايختلف على الخزانه الشعريه لديك اثنين
طبت وطاب اختيارك
وننتظر رد الوا يلي
الله يحييه وياك

اخوي الشاعر
ابو فايز

رددتها من إعجابي بها وفعلاً تستاهل من يرددها
ولاهو غريب عليك الابداع دمت مبدعاً أيه االمبدع
دام وجودك وتواجدك
تحيتي