:: ابيات لم تكتمل ::

ليه ياحبي من اللي علمك تنساني=من هو اللي ياحبيبي صد قلبك عني
كيف تطعني ولاتدري وش اللي جاني=الله انه عنك ياريم الفلا يطعني
قبل اغني لك وكنت تقول صح لساني=ومن بعد ماغبت عني فيك كيف اغني
تحسب انك كل مادورتني تلقاني=مادريت ان الليال السود ماخلني

كل ما لاح الشفق واللون دامي=اتذكر نزف قلبي والغروبي!!
ليه!! ياقلب العنا تفلت زمامي=وانت تجهل ويش قدمي من دروبي!!
الجفا خلفي ونكرانه امامي=واحسب اني مستمرٍ في هروبي!!
الله اكبر!! الجحود اطول ظلامي=ورغم هذا كم تحرّك به قلوبي!!

متصفح رائع
وفن وابداع
صحت الألسن
التي تجود بالأحسن
يعطيكم العافية

الحمد لله من بغيته خذيته=والعيد عقبه يصبح العيد عيدين
واللي حكا لايحسبني نسيته=في عيده ..المبروك يكفيه بيتين
لوكان مفروض اشكره لو لقيته=دامي عقب حسده لقيت البساتين
لقيت بالبستان ريمن نقيته=فيه الصبا خلاه في قمة الزين
يوم اعترض هم الظماير نسيته=يجلي جماله همي اللي من اسنين

قد تكتمل القصيده وقد يأتي غيرها

صباح الخير ..

الله من قلب ٍ به الهم خيًم= شيًد خيامه والمحاني مراسيه
من عام الاول فيه جو ٍ مغيًم=ازريت لو حاولت بالصبر اواسيه
مدري ظماه الوجد والشوق هيًم=والا بعد ماقفيت بيديك ناسيه
ياقاضي العشاق بالعدل قيًم=واشهد شهادة حق واذكر مآسيه

شعراءنا الافاضل تسلمون و صح الله ألسناتكم ملايين قصائد رآآآئــعه وأبيآتهآ جزله أبـــدآآآآع بمعني الكلمه بيض الله وجيههكم احترامي و تقديري ....ْ~