اشتقت يافالح لشوفة اصطنبول=وكل اشتياقي "بالحقيقه" لشوفك
"الطـِّيب" ماننساه لو كمّل الحول=وانته جمعت الطـِّيب داخل كفوفك
عندك مهمه والتزام ٍ ومسؤول=وعند المواجب ماتحدّك ظروفك
دايم حجاجك مسفهلٍّ على طول=غير الوداد اللي تكنه بجوفك
ذكرك بدار الترك ماهو بمجهول=زودٍ على الاصحاب تثني ضيوفك
حرٍّ على الطولات ضاري ومجبول=وعند اللوازم ثابتٍ في وقوفك
ومن دون تقليلٍ بربعي هل الطَّول=قليلةٍ بين الجماعه صنوفك
لكن يسليني ليا طق بي جول=اني اتابع (بالمجالس) حروفك

والله والنعم بفالح بن سدحان
ذكره ماشاء الله عليه ينومس من يسمعه من ربعه
وانت لو مانت وفي مامدحت ولاهو غريب عليك الوفى
صح لسانك ولاعدمناكــ
تحيتي