فالح واصطنبول .... اشتقت يافالح لشوفة اصطنبول=وكل اشتياقي "بالحقيقه" لشوفك "الطـِّيب" ماننساه لو كمّل الحول=وانته جمعت الطـِّيب داخل كفوفك عندك مهمه والتزام ٍ ومسؤول=وعند المواجب ماتحدّك ظروفك دايم حجاجك مسفهلٍّ على طول=غير الوداد اللي تكنه بجوفك ذكرك بدار الترك ماهو بمجهول=زودٍ على الاصحاب تثني ضيوفك حرٍّ على الطولات ضاري ومجبول=وعند اللوازم ثابتٍ في وقوفك ومن دون تقليلٍ بربعي هل الطَّول=قليلةٍ بين الجماعه صنوفك لكن يسليني ليا طق بي جول=اني اتابع (بالمجالس) حروفك |
رد: فالح واصطنبول .... والله ونعم بالمادح والممدوح صح لسانك ابوعبدالعزيز وافيه ياوافي يستاهل ابو محمد المدح شاع ذكره بالطيب والعلم الغانم بيض الله وجهه ووجهك اسعتنا بها الطله لاعدمناك |
رد: فالح واصطنبول .... صح لسانك يا عندليب المجالس ونعم بالمادح والممدوح رجال وعلمهم غانم اما اسطنبول ما هذا وقتها الحين ديارنا مقبلة على الربيع والخيرات خل اسطنبول السنة الجاية وتراي خوي لك :) |
رد: فالح واصطنبول .... والله والنعم بفالح بن سدحان ذكره ماشاء الله عليه ينومس من يسمعه من ربعه وانت لو مانت وفي مامدحت ولاهو غريب عليك الوفى صح لسانك ولاعدمناكــ تحيتي |
رد: فالح واصطنبول .... ابو عبدالعزيز صح لسانك ولاهنت والممدوح يستاهل هذه الوافره التي اعطتنا نموذج مصور عن ابن العم فالح السدحان .. تحيتي |
رد: فالح واصطنبول .... يستاهل ابو محمد وافي يالفريد اشتقنا لصولاتك وجولاتك .... وجمال حظورك الله يقويك |
رد: فالح واصطنبول .... في المقدمة شعرنا الخاص .. أصبح عاماَ ,,, وفي وسط الكلام .. للإخوة الكرام .. أتقدم بوافر التحية والاحترام .. للمادح والممدوح ... معي علمي أن المادح أتى بهذه الصفات من مشاعره الكريمة . التي يشهد بكل ماقال : ربعي وعزوتي . ولكنه صاغها بعادن الذهب .. التي ليس لها إلا خلف الفريد . صح كلك أباعبدالعزيز . ودام حضورك وتواجدك . |
رد: فالح واصطنبول .... يستاهل الاستاذ فالح صح لسانك عندليب المجالس تقبل وافر التقدير |
رد: فالح واصطنبول .... تتبعت خطواتكم الكريمه خطوة خطوه وكلمة كلمة وحرفا حرفا ،،، فوجدت المشاعر صادقه والثقة كبيره ،،، اشكركم من الاعماق وبعمق تعبير كل منكم .. ،،، لاعدمتكم |
رد: فالح واصطنبول .... صح لسانك ابو عبدالعزيز ويستاهل الممدوح هذا المدح فهو اهل له وهذه عوايدك الطيب والعلم الغانم |
رد: فالح واصطنبول .... اصدق تعابير المشاعرلك تقول افراحنا ياشيــــــــخ تكمل بشوفك ونرجوك تكرارالزيارة على طول قبل(الثلوج)ان كان تسمح ظروفك نبي نروح لبورصة مع اوزنجول والهم وسط انتاليا مايحوفك |
رد: فالح واصطنبول .... دائم الوفاء ابا وسيم لاعدمتك ،،، ابا محمد ان شابت القيفان ماشاب ظرفك=جمعت بين الود مع زين الالحان غطت على حرفي مضامين حرفك=ورصيدك السابق تضاعف بالاطنان لاصار من بحر الشكالات غرفك=وشلون ابا اكتب في مجلدك عنوان |
رد: فالح واصطنبول .... الشاعر والقدير والعزيز /خلف الفريد (ابوعبدالعزيز) كل عام وانت بخير وجميع الأحبه وايضا (فالح السدحان) الى من زار تركيا وغرم بها وتعلق قلبه بــ جمال الحسناء (تركيا:114:) طبعاً تركيا مافيه غيرها زرت اسطنبول وتشوقت اليها ولو زرت انطاليا ومنتجعاتها لــ رأيتك (سردادي مردادي:016:) ولو زرت اوزونقول لـ رأيتك مصطحباً (ابوعمر) ومع عزبته من السنيدي:032: لكن ليس (سردادي مردادي:155:) لانها قرية تمتاز بـ أجوائها النقيه اجوائها الصحيه وطيبة أهلها والقرى المجاوره لها من السلطان احمد وغيره قرية عرضت عليك فلاتفوتها لانها تمتاز بجو (شيبان) لكن شيبان دون (هرمونات زياده:163:) لانها للشيبان اللي توه متزوج ام (17الى 19عاما) ابداعيه تجعلك تتذكر ايام الصبا ،تتذكر ايام صلابة العظام :155: دون هشاشته لذلك انصحك اذ رغبت بزيارتها (تزوج والرزق على الله ) او خذ معك عزبة السنيدي والرزق على الله والله يكون في عونك ولكن الان وقتها ثلوج لذا انصحك بالسفر لها في شهر شوال وذو القعده يـ شايبنا ترى قد قلت لك قبل لاتفوت اوزنقول لكن ماطعتني وتسدحت بـ أسطنبول عموماً صح لسانك وصح لسان اخونا فالح ولو ان شكل مطار اتتاورك راح يجعلك من السياح المميزين ويكون لك مسار خاص غير مسار الدبلوماسيين :040: مكتبو عليه (مسار الفريد) :081: لكن القصيده ليست اشتياق لـ تركيا يبدو لي انك ذكرت اخونا فالح بطيبه وشهامته وأبت الا ان تخرج تلك القصيده ::.اخوي فالح.:: زوَّج الشايب عثمانيه او لاتقعد تبلاء عودنا رايح جاي الشوف لنا والذوق لغيرنا:065: واذا جاء للقصيم نبي منه قصائد غزليه قال :- الريم شفته في اسطنبول = ماهو ريمك يالسعوديه وش اوصف ؟وش اقول؟!= يارب ارزقني تركيه واسكن في قرى اوزنقول= واشطب على جواز السعوديه لذا زوجه وان شاءالله ماتختار الا البنت الصالحه:155: |
رد: فالح واصطنبول .... صح اللسانك ولاهنت واااااافيه من راس وااااافي لاعدمتك |
رد: فالح واصطنبول .... صح السانك يالفريد علم من علام الشعر النبطي بل انني اسمي هذه الابيات ابيات وفاء لصاحبها صح السانك ,,,,,,, تقبل مروري لك |
رد: فالح واصطنبول .... اقتباس:
لان مصدرها الصفاء ... ،،، لن اناقش النقاط هنا لكن عندما نلتقي على ضفاف مرمره ان شاء الله ،،، اشكرك بعدد حروفك لاعدمتك ابا فهد ..... |
رد: فالح واصطنبول .... ابو مشاري والمشعل ،،، مشاعر اعتز بها لاعدمتكما ...... |
رد: فالح واصطنبول .... موضوع ممتع و رائع ,, . شكرا لكما |
رد: فالح واصطنبول .... الفاضل عبد الله بن راشد صحيح انني تاخرت بالرد لكن تقديركم ومحبتكم هي ما اشغلني ،،، ممتع انت في ردك وادبك الرفيع .... لاعدمتك ..... |
الساعة الآن 01:26 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir