|
قصائد نبطية / عبدالله الغنام بسم الله الرحمن الرحيم هذه مجموعة قصائد نبطية أكتبها للمشاركة القصيدة التالية أرسلت إلى عبد الرحمن الغانم وذلك على فترة من المراسلة بيننا. 1422هـ
ناحت الورقاء على الغصن العطوف=كنـــها مــن دهــرها في معــزلي كنها تشـكي من الحـال الشظــــــوف=ما حمــل قلب الحمـــام الزاجـلي وهاضني هم من النوح معـــــــروف=مشغــلي بالهــم قومي وارحــلي آه يا نجــــــد الوسيــعة يالعـــزوف=نافيتنـــي عنــد حـد الموصــــلي فيك يا نجــــــدي مثل سمت الهنوف=لـوعينــي واهجرينــي واعـــذلي سامي في حبـــــــكم وأحيــا واطوف=وعن هوى غيرك ترى قلبي خلي نــاض بـراق المحبــة يالصـــــدوف=وامطــرتكم غيــم شفي ومأمــلي ردي النظــرة تـرى قلبك عطــــوف=عمـــري اللي فات حبه جـــادلي ووش يصبـرني وأنـا قلبي شغــوف=قلــي ياراع المقـــــام المعتـــلي ياعضيــدي دوك حالي كالطيــــوف=دلنـــي درب الحكيــم الامثــــلي كل مانفســي سلت سلـوى عيــــوف=عادنــــي همـــي القديم الأولــي ولـو تنـوح العين من شي تشــــوف=من غــريب في زمــاني لاح الي ماتمنــى العــين للمــــاضي نكـــوف=رجعت المـــوتى وبعث المنزلي وقلبي اللي سامتــه سوء الظــروف=نـاصــي بالهـــم ســاح المـبـتلي ليـــا طلبت الله غدت عيني وكـــوف=وان ذكــــرته كل هــم ينجــــلي مؤمــــن في رحمة الـــرب الــرؤف=سيدي مولاي ما غيـــــــره ولي الهروب 1421هـ
هـوّد عن الهاجوس يجلى عمى الشــوف=خل الجروح تهيــد واســلا عن الناس واهـرب هروب الخوف طوف ورا طوف=خل الزمان يطوف ولا تبـدي احـساس روابـــع يا مسنــد ي تزرع الخــــــــوف=بقلب الفتى و تبلاه في محبـس الياس منهو غريمــي من شهــر دوني سيــوف=منهو عضيدي ليا شكى حالــي الـباس يا مـــا بذلت الجــود وبذل الـوفـا نوف=ويامـــا نكن الشــوق والشــوق بلاس ويـامـــا صبرنـا بـالامــل نرسم طيــــوف=ويا مـا زرعنا الورد من كـل الاجـناس ويـامـــا عطينــا الحق حق ومعــــــروف=وراحت علينــا وكنها طـبخــــة الفاس اللـه مــــن هـم سطــى بكنــة الجــــــوف=لـه واهــج يصلى وتبديــــه الانفــاس دلا يـشـب القلــب والغيـــــض عاصــوف=ثــور سعيــرة والـمعـــاليق يبــــــاس وقـل للكنين اللي ورا الطوف مكشــــوف=عيـــا التلـــزي يستـــر الحـال بـلـباس علي 1417هـ
قــم تكلـــم ياعلي طــــال عليّ منــك السكـــوت=كيف اسوي يالعضيــد وقتنــا شـــد القيـــاد قلبــي يطلبنـــي سعــد فرصتــــه تبــي تفــــوت=وفكري عيـا ما أرتعــد رد قلبي في جهـــاد راح وقتـــي في تعــب نــار همـــي ما تمــــوت=آه وا جــــرح الضمير آه وصــدر حشــــاد صادنـــي حبل الشبـــك وسط بيت العنكبـــــوت=أزريت ابا افتك العمــر مار ما ثاب العتــاد زادي فيــه سمّ البثـــن وحثــل المـــرفيــه قـوت=لا منــي من لا يشوف غربتــي على ازدياد وأحلام ومنى ونجود يمضي بها الوقت وتمــوت=خلا ن ساعة يا علي ويلاه من جرح الفـواد |
مشاركة: قصائد نبطية / عبدالله الغنام رد النظر 30/12/1420هـ
يــا مودع قلب المــولع شفـــــوقي=حي حيــاته هم والهم لرضــــاك ما كنك إلا في مشــاعر خفـــــوقي=طفل تعلق به وبه صورة امــلا ك ضوّى بحياتي مثل ضي البـــروقي=لمعة أمل عجلى مثل مَـرّ طرياك عزّاه يا قلب شكى ضــيم شــــوقي=من حال روح علها شف لامـــاك يا روح روحي رد النظر يا لرفوقي=ويفداك من دوّر مع الناس حلياك زفره
وقت الشقاءوالا زمـــان المساكين=يا مورث قلب العنا منك علــــه ازريت اخفي ضيقة القلب والعين=فيـــــها سحايب عـبـرة مستهلـه ولازلت اجاحدعلتي خاطري شين= متصبر صبر الجمل للعضلــــة وتتــعبني الدنيـــا حين بأثـــر حين=بلتني بكـثـــر الكبـــود المغلـــه وا هني الحر 2/9/1424هـ
واهني الحر لــه في عوالي الجـــو حــــــوم=يعتلي جوي السـمــــا همتـــه مـــا حـــدها بعالي السمك البعيد كـل يمــوم لـــه يمــــوم=شلع بممشـــاه حر ونظرتـــه قد مــــــدها ما زحف فـوق الثـرى حـايـر ولا هــو يعـوم=اعتـــلى وكلـن يـــرى ونيتــــــه مـالـــدها ما شكى طـيـر السعد من ظلـوم ومن غشوم=فوق شرع الغاب فوق همتـــه وش قـدها فوق ياغـاب عجيب فـوق مخـدوم وخـــدوم=فــوق زاحـفــت الـثـــرى لـــو تعلى جدها ايه ياوقـت طغى فـيك مرابيــــة الـعـلـــوم=تدعي وضـح النقــــا وتعتمـــل في حقدها تـشـتكي وصل وجفا وتشتمت فعل امحروم=وغير منزوع الحيا وش غدى من وجدها ومرسل ابيـاتك هلا ما سرى ساري النجـوم=ارحـب وترحـب ثنا ماســـرى من عـــدها جاني معناك الخـفي جـاني مـزروف مختوم=جـاني وكني ما فهمت ردهــــا ثـــم ردها العيوف 13/7/1424هـ
يـانســـــايم ليـــل في جـــو ظــريف=داعبنــي عن قســى صبحــي هــذاك هيضــــن القــلب غـــــــاد له رفيـف=وفيض شجونــه على عمــر طــواك ول يــاقـــلب العنــا يرجف رجـيـف=لا استهاض وهاض صاحبني ارتباك محكـــم الامثــــال بيطـــار حصـيف=حــابك المـــعنى بنظم لــو دهــــــاك يــاعنـــود الصيــد بين ظلم وعفيف=ويــن يــاظبــي الفــلا مقـــدم غـلاك زل ربيـــــع فـــات من دونه خريف=ياربيـــــع زل واشتقنــــا عطـــــــاك ثــأيــر شـــــوق الامل يا ابعد حليف=وطاغي فينا الـوله لأرض وسمــــاك اقبــــلي يــابنت يــابنت الشــــــريف=ياعيــوف الـيـــوم جودي في هـواك ارحمي من راح من عمره نصــيـف=حايـر الخـطـــوه وهــو عينــه تـراك واحضنيني حضنة الورع الضعـيف=ســامي في حبكـــم واشكي ظمــــاك ياوصيــــف بالهـــوى يشبه وصيف=اكــرم سبـــالي يغربـلنــي جفـــــــاك ماقبلنــا المــر والحمـــــل الكـلــيف=مــن هـــواك ولانقـاصيــك بمــــداك جيت ادور با الامـل حـــد الـمـنيـف=وتـطـرب النامـوس للطـــــالب وراك ماسعيت النصف من طربات كيـف=جـيت ادور بالهـوى اهــــون عنــاك يافتـــاتي والفتى مـــاهو حســــيـف=بس تسـوق اليـوم للصـاحب اخطـاك وقل لبو فــارس اذا حمـله خــفـيـف=قــلـه انــي بـــادي مـرقــب هـــــلاك وعيني اللي تدعـي الـحـب النـظيف=جالهــا في تــــالي الــوقـت انـتـهاك قمت اتوق بحيرتي وحيلي ضعـيف=مثــر بي شــوق حبــي لـلـمــــــلاك ولااشتكي من شوق اوهجــر الوليـف=طــارد للشــوق ماابتــــلت شفــــاك طول صبري عذب الحس الـرهـيـف=وا عـذاب المنتظر واقسى رجـــــاك وياعضيدي مابقى واذكـــر طــريف=دوك عنـي ماسمـعت العـلــم جـــاك القصيد
دوك القصيد اللي له القلب هاوي=صلف المعاني مجمـله ياحليحيل غنيت ماغنيت طـــــــرب هواوي=لافي مهاة الصيد ولابأطلق الخيل غنيت في خـــوة خوي مخــــاوي=من شبتي وهو رفقته للعنــا كيل غنيتله روحي وعمـــري خـلاوي=واقفى يعرضني خطير البهاذيل ولاني بوبــــــال ولاني بشـــاوي=مالي ومال الدار لو يدهر محيل [color=000000]الثبات[/color]
الــوقت ليـــا منـه تجــــافى وجــــلاك=وثـــور شجـــون بالحــشـى مســتبده ودلت مـــلامة ربعـــك تزيــد بلــــواك=وانت البصـــيـر وحـكـمـــتك مستجده لايستزيغ البــــاس يـالذرب ممشــــاك=واثـبـت مـثـــل مـن ثبت بحـــرب ردة ولو صار وقع الحال من دون رجواك= لايـتـعـبـك بالحـــــال جــــزره ومـــده حــذراك عن ما يخلف السمـت حذراك=ولاتـسـتـــريب ان الفـــرج عقب شده ثبت على الحق القوي منهـــج اخطاك=ومرسى الجبل يرسـي الوطـى لاتهده |
مشاركة: قصائد نبطية / عبدالله الغنام شايب 6/9/1424هـ
ياعود وين اللي مضى باول اعمار=يوم الليالي البيض مسفر قمرها تمشي ولك بالدرب نـــور تقـل نـار=ونفسك مع هيــام تناست خطرها ماحدها حــــد ولهــا كـم مـصـدار=لو وقفت شهب السنيـــن بنحرها واليوم لك تعبــار ماشـفـت معـبــار=بدنيا على حالك تقافى سفـــــرها قعدت ياعــود عـلـى بـأيـــد الـــدار=مـثـل القصور الشيب للي عبـرها العام تصنــع بـالـجـديـديـن الاخبار=والـيــوم دنيــا صـاير من خبـرها انكفت ياعـــود بـرد دمــك الحـــار=حيلك تلف والعين تشكي سهـرها انكـفـت عقب الشيب مالك بها كار=ونفس الفتى راحت ولا اثـراثـرها ازبـن عـليم الحال عن كل ما صار=وقله لفيت بحــــال حـــال قهـرها قل يامعـاذي شـايب شـاف الادهار=جيتك اديب الشيب نفسي صخرها جـيـتـك ابي فضلك ستيــر وغفــار=وانا عيوني طول وجدي جـمرها جـيـتـك بحال مالها عندي اعـــذار=الا حبيب العفــــو ليتـــه عــذرها بي مغثة بال 12/10/1424هـ
بي مغثـــة بــال مـــع زود التهـــــــادي=وزايــد بالـحــال يا مهـدي نكــــاده ضقت مــن بعض العرب مقدي وغــادي=والرويبض غـثـني راع الـربـــاده صــــابروالهـــم يرعـــى فــــي فــؤادي=ولايزود العي ياغــيــــــربــبــلاده ول يــا ذا الشيـــن حــاديك الحـــــوادي=ماتشوق للـعـلا وتـدري الـنقـــاده مـاتشــوف الناس في جـــد وجهـــــادي=ولا مدح ممدوح بلا صبر وجلاده ملحق نفســـك هواهــــا يــالــربـــــادي=تحسبن العــز ياتيـك بــرغـــــــاده كـم صـبي فـي مـواجـيـبـه يــفـــــــادي=دون ستر الوجه لو يبذل جــواده اشـــعلــي مــاعـلـى يـديــنـه قــيــــادي=لياهـضمـه الـوقت يـزداد بعنـــاده مــرتــكـن للــصــعـب عمده واعتمـادي=ولا يهاب الليل لـو يوحـش سـواده وان ذكــرته بالـقـسى مـاهـو حـيــــادي=سـرك اللي سـر زنــده في زنــاده شــوفـتـه عـنــدي مـن أيــام العيــــادي=كاسـب الطـولات ممـدوح العبــاده وكـل مــن قـــدم تــقـــدم بـالــنــــوادي=والـدوينـي ما يحـوش الاالـزهــاده اشباح 6/4/1422هـ
شي بقلبي يافـهد علــنـي حـيــل=وعــز الله انـي مـنـه مـانـي بـمــرتاح تقول جن جـر قلبي عـلى الويــل=اوهي دعاة اللي سطح جيـبـه وصـاح والاهموم الـوقت واقسى غرابيل=او شـوق ساري بالدجى نور الاصباح والاتماني القلب في هجعة الليــل=مسـتـعـجـل فـي غايتـه ناض ثم طـاح مدري الوم القلب والا البـهـاذيـل=والا رفــيــق وقــت الادهــار مــــزاح والا الزمان اللي شكى بذت الحيل=غــاب وظـلام وسـاكنـه روح واشباح |
مشاركة: قصائد نبطية / عبدالله الغنام تجريب من جرب العود 7/12/1424هـ
الله مـن قـلـب تــقــل مــلــح بـــارود=وان دقــه الـنـادوس ثــور كـتـامـه مــع دقــه الـكـايد نفض عنه عمرود=مـن الـزعـل كـنـه يــذب الـعـمــامه عليه من صكــــات وقت العنا شـهود=وعـلـيــه مـن لـوعـات شفه علامه وان دام دابـه مـاســلا الـهـم مـلهود=ولا دار دولابــه خـفـيـف بـكـــلامه قـلـب عـلـى مـا فـيـه مـا يـقبل الزود=اشـتـال قـنـطـاره وتـمـم تـمــــامـه ويا هيــه ياللي تجرح القـلب بــالكود=لاتـحـسـبـنـي طـامـــــع بـالامــامـه جربتكم تـجـريب مـن جـرب الـعـود=ورجـعـت مـنـكـم قـانـع بـالـسـلامه حـلـفـت انـا يـانـاس مـاعود مـاعود=عـنـكـم يـهـيـبـنـي سـواد الجـهامه وياهيه لو تفرق عن الناس بالـجود=لو جنس خامك ما مع الناس خـامه انـا سلـيت ومـا مضى راح ما يعود=واخترت عن قمع الصمود احترامه ليا شفت انا ما عفت بالحال مشهود=مـانـي مـنـاحـي بـالـعـيـا والـعـتامه والله خلق بيـــدا بها سهود ومهود=مـعـسـوفـة عـسـف الـهـلع للنعامه ليا هضمك الحـــــال سند بها سنود=النــو عـالــي والـطـلـب لـلـكــرامه والله يخارجنــا مـن احــلام لنــجود=والا الامــل مــبـطي سليت انعدامه كلمة التوحيد 27/12/1424هـ
يـاعـضـيـدي وان عـلاكم مـاعـلا=مـن هـضـيـم الحال بالوقت العقور ان صبـرت الـوقـت للـغـمـه جـلا=اصطبـر يالـذرب ياطيـب الصبــور وكـل مـاشـفـت الـمنـازل ونــزلا=اعـرف ان الـوقـت دولاب يــــدور دايـر وفـي دورتـه رحـلـة مــلا=ودورة الـدولاب عـالـي ومـحـدور ســنـــة الايــــام لاحــظـــك ولا=حـيـلـك الـبـتـاع يـالـقـرم الـجسور لا يـغـرك مـا تشـوف من جهلا=شـد هـم الـعــزم او ذاك الــدبــور واتـعـض يـاذيب من ذيب الخلا=مـافـتـرعـزمـه ولـو وقـتـه يجور والصروح اللي على جبال العلا=مـا بـنـهـا الـبـانـي وزنـده فـتـور وكـم غـريب فـي زمـانه مهملا=بيننـا لـو عـاش منسـي ومهجور مـثـل هـجـري لـلـكـتاب المنزلا=وعند عـالـي الشـان قدره مايبور تـاتــزول الـروح وتـمـج الحلا=وقـافـي فـعـلك سـوال من حشور تـبـنـي الـثـنـتـيـن وللتـالي تـلا=والـدبـور الـمشئـمـه يوم النشور الـتـزم نـهـج الـسـبـيل الامثلا=وازبـن الـعـلام في غيب الصدور الـكـريـم اللـي على كـونه ولا=مـاسـواه اقـدر ولايـغــرك غرور قل معـاذي تهت مع اجرد فلا=وسقت مرحولي على كل مخطور كم طلبت العـز مـن غير عملا=مجهـدٍ بالسـعي والسـعـي معثور مـاعـرفت العـلم اخذته مجملا=واحسـب اني واعــي كـل الامور واثـر عـمري بالزمان الامحلا=مـثـل سمـرة سامـر رام السـرور اثـر كـل العـمـر جلوة من جلا=والحـكـم قـافـيـه والحكم الهصور يا معـاذي تبت ثم جيـتـك على=كـلـمـة الـتـوحـيد عن كل محذور الغيض ؟/6/1425هـ
انـا عـلامـي مـا هـجـر قـلـبـي الـغـيـض=وكـفي عـلـى كـفي وعيني تـراعي ان جيت ابا اسلا فرض القلب تـفـريـض=وجدد رموس تـودع الـنـيـم واعي وان قلت ابا اسلم روض القلب ترويض=وذكـر عـلـيـه الـمـرقـبات الجياعي مـأيـثـرن بــه ســود الايـــام والـبـيـض=ولا يـنـتـظر بـي لـيـن يدعيه داعي عــمــال دمــار مــع الـبــرد والـقـيـض=باقشر زمان مع عنا الوقت ساعي لا مـسـتـفـيـد مـن عـذابـه مــغــاريـض=ولا سـالـم لـي مـع شجونه متاعي دلا يـعـرضـنـي لـقـرض الـمــقــاريـض=ومنه اختلف بالحيل حـتى مـنـاعي نـواف يـامـشـكـاي لا فـاض بـي فـيـض=دوك الفؤاد اللـي عـلـيـه الـقـنـاعي فـيـه الـحـزن عـربـد ولالـه نــواقـيـض=يـوم التـوى بـه مـن هوام الافاعي ولاعاضـنـي نـواف عـواض ومـعـيـض=عن لوعة المـلـتـاع يـوم الـوداعي |
مشاركة: قصائد نبطية / عبدالله الغنام ارسل لي سعود بن صقر الفريدي القصيدة التالية يقول فيها :
الا يــانــديــبــي فــوق مــن تــايـره يـشـوح=ثـرى الـقـاع ويـخـم الـوطى لامـشـى خمي فـيـه الفـا بجنب الكـاف والـرا وسيـن يـلـوح=اسـمـه حـامـلاتـه بعـــد مـن مصنعـه سمي كـنـه مـزنـة غـرا ليـا سـار لـه مـع صـــوح=مـقــرب بـعـيـدٍ دونــــه الـمـرتـفــــع زمـي اقـطـم لا مـشى بالارض فـيـها يـجـيـله نوح=وعـلـيـــــه الـــذي لاقــــام فـي لازم تــمـي مـنـي مـرسـل للشـاعـر الـمـبـدع الـمـمدوح=هـداج الـمـسـمى لاصـفـى الـرس والجـمي كـريـمٍ يـفز لمن عنـــــاله ووافــــي شـبـوح=راعــي مـرحـبـا لاسـج عـن نـطـقها الرمـي وله ابا اشتـكي لـو كـان مابالشـكى مصلوح=عن الله مــاتـغـني فـزعـة الـخــــال والعـمي وقـت يـابـو حـاتـم فـي عـقـب ثـلاث جـروح=واخرهن هو اخطرهن ولو هو ما دفق دمي فجاءه حـل فـي حالي وضيـق خنـاق الروح=وبعـث حـزني الـمـرمس ومـامـات من همي ولاقصدي محبة اللي على عرضها شحـوح=الـلـي مـاتـــلاهـا صــغــيــر قـــال ذي امــي بـاهـيـة الـجـمـال اللي يجي هرجهـا ممـلوح=الـلـي طــلــعــهــا تــوه مـبـيـن ولا ضـــمي من جـور الـزمـان اللي بدا فيه عشر شلوح=وتـرقـيـعـه قـصـى يـديـني وبابهامي مدمي زمـــان لـيــــا ادبــر بـيـد مـبـعـديـن الشوح=واشـبـعـهـم مـن الـعـلـقـم وسـقـاهم السمي ولايعدله سوى الله جـارك الله من الساموح=الـلـي فـضـل الـمـسـلـم عـلى ديـانـة الـذمي وكان مني الرد التالي : 15/1/1425هـ
هــلا يـامـرحـبـا مـليون هلا من ضامرمشروح=هـلا باللي لفى كنه حقوق هل من وسمي فـوق الــمـــزنــة الـــغــرا تـقـلـط غـاديله نـوح=وقـلـت الـحـي ياحيـه هـلا باللي عنـا يمي هلا بك يارفـيـع الـشـان ياغيث السماالمسفوح=راع الـفـزعـه الجزله قوي الباس لا همي ثبت الـمـوقـف الراسي مثل مرسى سفينة نوح=يـوم الـيـم من كل الفجوج العشرة مطمي هـلا مــالاح بــراق ومــا غـنـى حـمـام الــدوح=جـيـت ولازمـك عـنـدي ودي يـافتى يتمي تشكي لي ظروف الوقت وانا اللي خابرك ناطوح=وانت العاقل الواعي وعليك العـلم ماغمي الا يـالـفـام يـالـفـهـام الا مـن يـشـرح الـمـشروح=تـدرك سـنـة الـدنيـا عـلامك تشـكي الغمي خذهـا في طـويل البـال وخـذها بخـاطر مسموح=واحـذر تـنـهـضـم لـلهم تروح بلجة اليمي ولاتـجـزع من المقسـوم وامـر قد مضى باللوح=ثـبـت راسـخ أيـمـانك واسلم تاجد السلمي وكـل عـلـه لـهـا طــب اذا ما وسوس المطروح=لـبـى لـداعـي العـليـا وفـز وقـالـهـا سمي ولا دقـق مـع الايـام بـالـلـي جـاه والـلي يروح=ذيـب مـافـتـر عـزمــه هــم لــهـم مـهـمي حــواه الـلـي سـلـب لـبـه دونـه ماتـريـح مروح=دون الغـــايه القصيـا فداها الحال ومالمي وانـا يـاسـعـود مـاقـلـتـه كـود اسـلي المـجروح=واذكـر فـيـه تـذكـيـر يـجـلـى الغم ومغمي وفداك الخل فزعـاته عـلى الحـاجات بس مزوح=بـيـن وابـد مـطـلـوبك واقول المال لا نمي |
مشاركة: قصائد نبطية / عبدالله الغنام أرسل لي أخ كريم أبيات من منقولة يشكي فيها ذات الحال وكان حينها خوي عند أحد الأمراء الكبار.. فكان الرد التالي: ؟/4/1425هـ
الله مـن بـعـض الامـل غـربـل الـبـال=وعرقى على كبدي عـراقي مزيـنه بـحـال بـرت بـالـحـال يـاطـيب الفــال=لا حـال عـيـن ولا لـهـالـحـال عينه الحـال كـنـــه ورد الـقــلـب الاهــوال=وكنه غدى لعب البحـر بالـسـفـيـنه قـفـت بـنـا الـدنـيـا عـلـى زرع الامال=ونبذر بها حلم الشـجـون الـدفـيـنه وتـمضي بجـرد مـابـهـا هـل هـمـال=وكـن الـجـهـود اللي بذلـنا غـبـيـنه والـحـال حـوال مـاهـو بـدايـم حــال=وجـهـل نـقـول ان الليـالي ظـنـيـنه مـاتـكـلـف الا وسـع مـاكـنـت حـمال=وكـلـن عـلى حـمـله عزومه تعينه وياهيه ياللي لك مع الـشيخ مـدهـال=من رافق الطـيـب عـلـومه ثـمـيـنه لا تـسـتـعـيض بحامل المسك الابدال=يـمـم يـمـوم الـطـيـب وازبـن كنينه قـلـه عـلي مـن الـجـديـديـن الاثـقـال=اجوع جـوع الـذيب واشكي ونـيـنه دوك الفؤاد اللي شـكـى الـليـل والال=مـسـتـاحـش لـو يـدعـي بـالـسكينه يـامـيـر ما والله سكن حـرزي الـمال=ابــث بــث مــحـــاسـب نــــادبـيـنـه ابثهـا ستـر عـلى الـحـال ابـا احـتـال=واسـوقـهـا يـامـيـر عـجـفى سمينه جـهـد نـجـاهـد بـالـعـنـا مـثـله امثال=وكـني ورا الاســبــاب ديـان ديـنـه ويامير مـاروم الـتـعـلي عـلى الـعـال=غـيـر الـفـتـى يـامـيـر يـدرك سنينه ليا حـصـل بـالـحـال تمشيت الاحـوال=نـرضى من الـمـقسوم زينه وشينه واليـوم جـيـتـك حدني مشمرخ الجال=حيـد زمـى بـالـعــز ويـنـي وويـنـه يـامـيـر غـربـني وغـرب بـني هـلال=ويركي قوي البـاس لاقصى خزينه افــــرج لـقـلـب صـار بـالـهـم عـمـال=يـمـسـي ويصـح مـولـعً في حنينه والـجـود مـأيـفـنـى ولا ذكـر الابـطال=يـامـنـبـع للـجـود سـاسـه عـريـنـه وليـا زبـنـتـه وانـتـهـى القيل والـقال=والله قـضى عـن راعـي الدين دينه افـهـم كـلامـي وزبـدة الـعـلـم الامثال=لا تـجـلب الـتمره على اهل المدينه |
مشاركة: قصائد نبطية / عبدالله الغنام الحال 1425هـ
الا يـالـشاعـر الـبـداع ذكـرتـك والامانـي تـبـاع= وقـمـت اغـنـي غـنـاة عـساهـا مـنـك مـتـبـوعه سقى الله وقتنا الميمون يوم المد يسوى صاع=ذكـرتـه يا عـضـيـدي شـوق ذكـر ثـور اللـوعه ذكرته مرقب مرتاع وحـيـد وخـاطـري مـنـلاع=حال بحـال غـير الحال وشفـت الـمـر بـطـبـوعه تغـيـر كـل شي فـيـه تـبـدل فـيـه حـتـى الـقـاع=ودوك الناس غير الناس وشوف الحال وتبوعه حـال الحـال وانكـفـنا عـقـب ما كان فينا اطماع=يـبـيـنـا وقـتـنـا الـتـالـي جـبـر نـمـشـي بـطـوعه عزي لعين تبرح الشوف 1/8/1425هـ
عـزي لـعـيـن يـا فـتـى تـبـرح الشوف=لا اسـتـاثـقـت بــالـعـلـم مـنـا وعـنا عـزي لـهـا عـزي لـهـا كـل ما اطوف=وكـل مـاطـفى وطـفت وكـلما طـفنا ومن جور جرح طاغي مالـه وصوف=كل مـالـتـفـت لـلـهـم قـلـب الـمـهـنا كل ماسلا جرح مضى عادت صروف=لـــوهـو سـكـن هـم العـنـا ما استكنا ولا الــوم قـلـب مـنـك يـاهـم مـشعـوف=يــوم الحقايق "خلف " مـعك اخلفنا كـل مـارفـعـت ابناي طوف ورا طوف=دونـك..غـدت خـلـفك ومعك احبسنا ووداعـــة الله يـالامــــانـي بـلا حسوف=فـرقـى لـيــال خــالـفـن واعــقــبــنا ولاهـــو بـــودي وكـل وقت له ظروف=الـعــام الاول غـيـــر والــيــوم وإنا ولو كل ما عرّض من الشوق صادوف=نـسرج ظـهـور الـخـيـل قـفوه تعنى لـيــا ثــورت ثــور مـع الجو عاصوف=واليـا وردت تـارد شـبـات الـمـحـنا كان اثرت بالروح من صــرفها خلوف=ويمـــدي الـلـيـال الـسـود كـد بـيـدنا مــا اقــولهــا عـن شوكة مبلل الصوف=عـن كـل مـا يـطـري وكـلـمـا يـعـنا عـلـيـك بـالـحـكـمـة اليـا حاف محفوف=محـمـل مواقـيـف الـوزا لا عـصـنا وامـد النـظر مااستوضح بكف مكفوف=امـد الـنظـر عـن ما استوى والتونا امد النظر وابرح من الصف للصفوف=ابـرح طـريـق قـبـلـنـا وقـبـل اهلنا وقـتـك عطـى لك من تعابيـره صنوف=وجربت غــاية حكـمـتـه يـالـمعـنى سايس زمـــان فيه بعض الفرح خوف=واشـبـع لـيــال بـالامــل مـا رتـونا |
مشاركة: قصائد نبطية / عبدالله الغنام حل رمضان 20/8/1425هـ
الله مـن وقــت قـصـر طـول ظـلي=يـاحمـود مـشـقي الـعـين حاله وحله أمـســي بــه ازعــج لـلـيـالـي تولي=واصبح واشوف الصبح كالليل ظله حـال لـطـيـب الـعـرف فـيـني يزلي=مـازال روحي بـالـعـنــا مـسـتـزلــه طال الصبر مع قولـة الله على اللي=وحـل رمضان وصاحبك في مـحـله يـاحـمـود بن حـردان ريـف المقلي=يــابــاذل جــــوده لــمـن يـسـتـظـلـه انخاك عن حال الـكـروب الـمـجـلي=دوك الـــذي يـنـخـاك يـاحـمـود شله ولـولاك تـفـعـل يــابــعـد عــزوتـلي=والله مـا اخـط الحرف بـالـقـول لاله ما انساك 11/9/1425هـ
الله عـطـاك الــروح يـالـتـرف مسكن=والـقلب ملكك ثايـــر وجـــد عشـــــاق إي والـــذي كــــون فـــؤادي وكــون=فـيـني غـلا حبـك وبـه بـث الاشــواق لا بـث شــوقـــه كـايـن القلب بـي ون=عـلـيـك يـاللـي شـوفـتــه بـس تــرياق ماانساك انا مانساك واسلا ولا احزن=وانته خذيت القلب والروح بعناق ولا اقــول غـيـرك حـي انس ولا جن=حي الذي يحـيـي حيـا ذكـره اعـمــاق ارفع مقامك 7/2/1422هـ
هات القلم يازيـــــد وأكتب وانــا أجيب=جــواب أديب ما يعــــذرب مقاله دوك الكلام اللي من اقصى المحــاديب=من واحـــــدٍ مل الدهر واستطاله احرص ترى الطيب رفيــع المناقـــيب=وتتبــــع الزلات طبـــــع السفـاله واللي حكيم العرف يصبر على الطيب=وجور على العاقل ترد السماء له والطيـب والله والمـــراجل مـــواهــيب=وحـــظ الفتى منــها بقدر احتماله وبا اللاش عيت لا تفيــــد التــطـــابيب=لا تـــرتجي باللاش طيب العماله اللاش مالـــــه بالمعــــالي مقــــاضيب=شيــنٍ حمــل للشيــن والشين فاله لــــوا حســــايف حجتــه كلهـــــا شيب=شيب يهينـــه بالــــردى وا سفاله جـــاز الــــردى يازيــــد صدٍ وتجنيب=يامسنـــدي بـــالك تقاصي خماله شيمـــة عـزيـزٍ عن خسيس المجـاذيب=توجر بها يـازيــــد ديــن وجماله ارفـــع مقــــامك يـاحصـــان الأطاليب=ربــو الخنـــا والشين مالك وماله مايستــــوي عيــــدٍ ولا حالـــة مصيب=ولا يستوي بالحال حالك وحــاله |
مشاركة: قصائد نبطية / عبدالله الغنام ارسل لي احد الأصدقاء ابيات غاية في الروعة والجمال راقية السبك متقنة الحبك ، هي ثلاث ابيات فقط ولم اعرف قائلها ، لكنها استهوتني فأتممت قصتها . الأبيات تقول :
قالت بدا في خاطري شيٍ يجـول=واخاف تزعل يابن الاجواد منه قلت الحكي لاصار لين ومعسول=مايجرح العاشق ولا فيــه مـــنه قالت نويته وسكت بآخر القـــول=قلت الفراق وقالت الظاهــر انه فأكملتها بالأبيات التالية :
واطرقت في راسي وانا اقول لاحـول=وقــامت شجـــوني كل ظـنٍ تظنه سجيت سجــة ســـاكن الحــال مبـدول=ابيــع واشـــري في دماس المظنه وكنه يجـــر القــلب من فوق عــاقـول=من زود ما يبرى ضميـري ويكنه معقــــول ياسيــد الغنـــادير معـــقـول=تبيعـــني بخــسٍ على غيــب ظنّه وش غيـّرك يــا بـاهي الــزين ودلـول =عطني مــرار الحــق لا تســتكنه قلي حصل ماصار او نقص محصول=او صـــولةٍ بالكفــر للغيـــد سنه وردت لي الفكرة وانـا قبــل لا اقـــول=وكنيتهــا بالــروح وبالـروح حنه قلت اسمــعي يـابنـت للـخـيـر مـدلـول=وطول الليــالي للخبــر يظهــرنه رايي انا والخوف مـن ســر مجــهول=خوذي ثلاث شهـور مع مثـلـهـنه روحي وهيمي بالنقا عرض مع طول=لين اتثبت حـــق مــا اقـــول كنـه واليا جزمتي خير مــع دايــر الحــول =وعهدٍ علي ما اروم منك المحـنّه تلقين غيري غيـر ومـن العـرب زول=تمشي عـيــاراتك عـلـيـه وتـرنه وانــا ربيــعي فــرد بالنـــاس مجمول=اليا صفا لي حـق مــا فــيـه لـنـه مديت روحــي لـه بـالـحــب معـــمول=وكـاس الـوفاء بيمناه واقول هنه روحـي وثــوب الستـر يابنت مسـبول=ومذكــورة بالخيــر ياحــال هنه |
مشاركة: قصائد نبطية / عبدالله الغنام ارسل لي سعود بن صقر الأبيات التالية :
ارقــبت في راس النبــا ثم تــريـضــت=اقـــارن الحـــاضر بمــا كان ماضي وحـــنيت للمــــاضي وتقت وتهـيضت=وازدادلـــه خــلـجي ويبس اللحاضي وممــا بصـــدري بالتنــاهيت فيضــت=وبقـت بحلــقي عــبرة كالشضــاضي ولأبهــام كفي يــابـــو عزام عضضت=ليـن ان منــه الـــدم بالـقـــاع فـاضي يامسندي جض اصمع القلب ثم جضت=جضــة مــريضٍ مــالقى من يعاضي وتنقــضت فيّ الجـــروح وتقضــضت=وامســيت مــني تالي الـصبر قاضي بشــين غـــدالي يـابو عزام مااعتضت=ولاظـنـتي بـه يـابـن متــلع نعــاضي يامســنـدي عــــزّ الله انـي تعـــرضت=شـيـنٍ يخـلي اللـي عمــرنا تقـــاضي والمعـــذرة كـــانك بالأبيــات لاحظت=كســــور والا بمستــــواها انخفاضي واختــامهــا بذكـــر الـــذي به تلفـظت=بخمس الفروض اللي عليها نحاضي وكان الرد التالي :
غــنيــت يالبيطــار وبغنــــاك حــرضت=على الزمــــان اللي عليـــه امتعاضي انا الــــذي بشـــهب الليــــالي تنجــضت=يوم الكـــــوايا حاميــــــات نجـــاضي غض الزمان وغضت احوال واغتضت=وغضــيت طــرفي عنه ماني براضي دنيــــاً تغــض الحـــال ياسعود ماغضت=غضت ورضت وارتضت بالمعاضي ولاادري اجاري الوقت كاني تحضضت=والا البــخت يا سعود حـال اعتراضي ووش صـــار لــو قطبت والا تلــــمظت=هي اجــــــرد القيعـــــان والا رياضي جــــربت لي دنيــــاً عسـوف وتروضت=ولاحظت في بعض الاماني انقراضي وركضــــت والله يــافتى مــا تــورضت=بجهـــد المقيـــم اللي يحوف الحياضي اتعبت انا فكــري ايا سعــــود وامرضت=قلـــبي واشــوف الحق طرقه مواضي اشــوف لااديت الوفـــا الحــق وافرضت=كـــني مقـــضي بالحيــــاة المقـــاضي حيـــزت لي الدنيــــا ليــا مــن تنهــضت=بالـــزم مواجــــيبي بحسـب افتراضي والا الـــدهر يجـــري وانـا مــا تعوضت=لمعة عمـــر عجلى كمــا البرق ياضي فيـــها جمعــت المــال وانفقت واقرضت=مـــــالٍ نـبـثـــه بــث دون اقـتــراضي ولاينعـــذل سيـــر الـــزمن لو تلحــضت=ولاينـعــــذل لازمّ فـيــضٍ وفـــــاضي هــذي خـــلاص من التجاريب ماخضت=ولا اقـول انا العارف ولا اقـول قاضي ويالله ياللي عن رجى غيـــرك اعرضت=بــــدّلّ لنــــا غــــم الســــواد ببيــاضي انت الـــذي ببـــذل العطــــاء ماتحفـظت=افــرج لقلب جــض مـن الهم وجاضي |
مشاركة: قصائد نبطية / عبدالله الغنام مجرى الزمن 28/2/1426هـ
مجرى الزمن يجري على عـــدة اوضـاع=جـــيــــلٍ عـــقـــب جـــيــل ودنياً مواريث الـلـي بـيـــده كـــانت تـصــــاريـف زراع=كـفـــت يـــده والـغـــيــر ســاق المحاريث وراحت هــاك الاطمــاع عند الف طمـاع=ولــــو يـسـتـغـيـث بـبــاقي العـمر ما غيث هــــذا انتـــحت دنيــــاه من غير مرجــاع=وهـــــذا طـــــلع نجــمه على غير توريث ولا يحـــسب انـــه مـــالك الـمـــلك بتــاع=بشي يـســـوقـــه ســـايــق النــــود والغيث عـــاريــةٍ مــــردودة الصـــاع بالصــــاع=مـــن حيث مـا جـاله رجـع عجل من حيث كنــه عـمـــل بالمــلك صخــرة بالأقطــاع=ان هـــــمّ هــــــمّ الطــيــر او هـمّــة الليث وعـــز الله ان الــوقت بالطــبــع خـــــداع=اتـقـــلاب طـبــعـــه خـبـثـه شـــــر تخبيث وطول الأمل بالحــال في حـــال الأمتــاع=لأنســــاك طـبــعــه لـــوث النـــفس تلويث ومجرى الزمن يجري على درب الأسناع=لـفـحـــص الـنـفـــوس الصاحية والمغاثيث |
مشاركة: قصائد نبطية / عبدالله الغنام ارسل علي سعود بن صقر الفريدي هذه الأبيات : 3/1426هـ
شيٍ عـلى بــالي يــا بـوعــزام لامنه طرى=اصير كني يابن متلع باسفــل البحر الغزير آسف على ما فاتني واقول يرجع ماجــرى=وارد مــن بـالي ببــالي ردة الفــايت عسير اقسم بمـــن بيتـــه معـمــر دايــمٍ بام القرى=اني مابيــن امـة محمــد عـايشٍ مثل الاسير من الظروف اللي بجاشي ماحدٍ عنها درى=سوا الذي يعلم مايخف الغيب قبل انه يصير يوم اتذكر بالسنين اللي لها عــــــز وطرى=تكسر ضلوعي بجاشي مثل تكسير الهصير وكان الرد التالي :
يا سعود مايرجع بنا جاري الزمن قري لورا=يجري بنا العمر وترا يجري على سلك الحرير مافات زل وراح ما كنـه ســوا حـــلــم الكرا=الــلــي تـشــوفـــه بالخيـــال ولانظـرته بالنظير قم ودعه صفحة زمن ثم وادعــــه ليله سرى=وريــح الـزمـــان العاصفة تشتاله الشيل الأخير ولا صار سرك ما سرا ولاحدٍ درا بين الورا=ســـالــــم بــنــص الهــم ثم مرتاح من شي كثير ويفداك من قلبـــه بليــــدٍ لايحــس ولايـــرى=مابـه وفـــا لوقت مضى ولاهو مع القادم بصير |
مشاركة: قصائد نبطية / عبدالله الغنام حجة الزور 25/4/1426هـ
يــهــب يــا وقــتٍ جـهــرني بحاله=ماكنــه الا شوي عن نفخة الصور مــا يـــرفع الا مــن يجيـــد العمالة=ولا يــسمــع الا كــل عيٍ ومثـبور غيٍ يــا بــوفـــايز تمــادى مجــاله=بـوقــت غـدابه كل علياً بها قصور يمــشي بـــدربٍ مــا يميـــز عداله=كنه على ها الدرب مكره ومجبور لمـــا غــدى حــالي وفــكري قباله=مثـــل الـذي خصمه معه بينة زور والشيــخ مــا ترجي بحكمه عـداله=تـقـل يبي يقنــع وهــو ناقصه شور وانا الغـــريب اللي تصـــرم حباله=صفــوا علي اهــل الحميــا بطابور النــــاس والخنـــاس وبالنـاس داله=ونــاسٍ تــدور الحق مع داير الدور واللي مضى وغنى الزمان بزواله=نــاسٍ ونــاموس غدت دارها الدور اللي انتـــحى حـاله ولا ابدل بـداله=مالي واقــول الا على الخير مذكور فرد الاخ سعود الرد التالي :
بــالـي تكـــدر حين شفت الرساله=من العزيز اللي شكى الحيف والجور يقــول هــذا وقــت مــن زاد مـاله=اللي مــــورا لــه بنفــسه ومغـــــرور يــفــز فـي وجـهــه ويسمع مقـاله=ويرخي لحنجــرته ثمـانين صرصور كــل يعــزه مــن معــــزة ريـــاله=اللي بجيبــه يمضي الحــول مصرور حال الذي تشكي له الوقــت حـاله=لا تحســـب انــه يـا بـوعزام مسرور قــد جــاه مــا خـبـث زمـانه وفاله=والضــيـم قـــد خلاه يمشي بلا شعور لكــن قنـــع في حكم رب الجـلاله=اللي جــلا ليـــل الـدجى بابيض النور يا من تحـــلا في صفات الرجـاله=عــسى يميــنٍ مــا يســـاعدك مكسور والذيب مثــلك مــا تهــمــه ثعـاله=لــو هــو وحيــد وهــن يصفن طابور وان كـان لك ضــد يجـمع رجاله=انــــا بـصـــفـك لا اتــونـا ولا ابــور هذا ومــا نــون عيـن تقفى خياله=ومـا هلّ مزنة واصبح القاع ممطور ازكى الصلاة لمن بعث بالرساله=شـيـفـيـعـنـا بيومن به الخلق محشور ثم تبعها مني الرد التالي :
يامرحبــا شوقٍ وترحــيب واله=عــد طــايف الكعبه وطواف معمور بازكى جواب صاحبي قد براله=سيــف البـيــان وكـنــه العــقد منثور عــاداته الطــيب محـل الجزاله=وفيه الصخى عنوان بالمجد مسطور ذخر الرفيق ومزبنه ملتـجى له=ليـــا نـهــمـتـه هــمّ ثـمّ فــز مــذعور يــا كامل العرف المسمى مثاله=لحــظة واقـــربلك من الحال منظور كلــش قصــدته في ثنايا المقاله=الا اني اشـــكي يا فتى الجود عاثور انـا اقـول ان الحيــاة استحــاله=مدامهـــا تمـــشي عــلى حـد حادور ومدام ابه جيـلٍ بــرز به سفاله=ومــدامــهم نــاسـيـن قــدسية الطور جيل ســـوالفهم عن البــرتقاله=وغنوا قصايدهم غزل بارذل الحور ياسعود لاترجي بوقتك عـدالة=شيـــخٍ قـنـع ياسعود في حجة الزور |
مشاركة: قصائد نبطية / عبدالله الغنام الهامل 15/6/1426هـ
بعـض العــرب لو يدعي بالنبوه=لا قـــايلٍ غاوي ولا اقول غوّي خـلــه على مــا فيـه خيره وسوه=يبطي وهـــو مثــل اليال متلوي مقاصاه نقـص بالشرف والمروه=وعلاجه الصدة وبعض التروي وان شفت انا الهامل فلاني مدوه=ولا نيب اباري اي سوه وسوي ومثــل الـذي بالكيف لادش جوه=هرجت مثـــل هذا تعكر بجوي والجـــو عندي لــذتــه في سموه=واليا حصل تعكير يدنو سموي واللي يجـــاري الدون يدنو دنوه=ولاني بجاهـل بالتجاريب توي وهـــذا عليه من المعاني المشوه=ورع قفز مــا بين نار وضوي الـعــام الاول تـــوه الـعــام تــوه=وامه تغنيله على صـوت نوي ان جيت ياغزيل على الليل روه=وياليل لاتفجاه في حـس عوي واليـــوم يـبـزع دون حيـلٍ وقوه=يبي يســـوي شي ما قط سوي ومن طـــاول الايــام تكفل حنوه=يبي يعـــوّد بس بعـــد التروي الجرة 29/10/1426هـ
جــانــا مطـــر بـس عيـا يدفن الجره=الـجـــره الـلـي لـهــا يـومـيــن بالقـــاعي الله يـــعــــوده لـنـــا مـــره بعـد مـره=ويـظـهـر عـلـيـه الــربيع بحال الامتاعي ينهــل سيــله من اعــلى مـــزنةٍ غره=سوق الكريم الغني عن رجـوى الاتباعي ابطيت اراعي جناب زاهي الخضره=لازمّ عـشـبــه يـجـيــه الـبــرد والـراعي شـفـتـــه بـعـيـنـي ولا عيني بمغـتـره=ادري وادل الـقــدا واعـــرف الاسـناعي يــا مـشـتـكى اللي عـلـيـكم ذايع سره=فـطــرة فــؤاده على رجـــواك منصاعي يــا الله مـــانـيـب ادور جـــاهٍ مـشـره=يـشــرح جــوابي ولاني مــرسـلٍ ساعي لك ابدي اللي سطى في مهجتي حره=وبـيـنـي وبـيـنـك وصــل مــاحل قطاعي افـــرج لـقـلـبٍ زمــانٍ فـــات ماسره=بث الـحـيـــا بــه وبـثــه بيـن الاضلاعي واللي بـنـواصـيـه شـره اكـفـني شره=ثــم خـلـنـي للـهـدى عـنـدك انـا الــداعي |
مشاركة: قصائد نبطية / عبدالله الغنام المنطق 28/2/1427هـ
الله مــن قــلــبٍ همــــومه تسـوقه=سوق البعير ان سيق والسوق موذيه لاســـاقه الــــورع المجرا بسـوقه=ساقه صخـر بالسوط والسوط مدميه مــا كـنــه الا مـبــرقعٍ في سبـوقه=رف الـجـنـاح ولا يـهـقــوي تهقـويه الـيــا تـنـهـض عن مطيـره يعوقه=واليـا التفت للحــال ماشاف وش فيه ومودع معاليق الضـمير محروقه=روابـــعٍ تـطـري على القــلب تغويه امسى يـشـوقـه كــل مـا لاق ذوقه=ولا لاقـــه الا كــل شــــوقٍ يـعـنـيـه والقـلــب لـو هو كل طار يشــوقه=كل مـــا عـرض شوق بنا رغبة فيه يصير همه ســاكــنٍ في عـــروقه=ويـــزداد شـفــه كل مــازداد طاريه وياقلب ياقلب العنـــا وش يــروقه=لا صــار شــوقه هم وحـزنه مقزيه ان كان لك يم السحـــاب وبـروقه=غـــايــة نظـر رد النظر في مناشيه والنظرة العجلى السروق السبوقه=تــدرك خبـر علم وحكم علم تخطيه مد النظر وامد الحقوق الصـدوقه=عين تشــوف اللي ورا العلم قاصيه يــا بـــاري حـــالي بـوده وشوقه=لي منـــطقٍ ما كل الاحوال ترضيه مــايـسـتـهـيـض لـكـل شي يلوقه=ولا ينجـــرف دايم على شف راعيه ووالله لـــو نـفـسي علـيـل شفوقه=يــــردني رد الـصـخـى للمـــشاريه ولايلام منهو طوق القلب طــوقه=بالعــرف والتفكيــر واعلى مـراقيه ووجد الاماني لو سرى في خفوقه=من دون فكـــره ورده للـتـهـــــاتـيه وجرح الفؤاد وبســرته ومعـلوقه=اهون من جروح الضمير ومشاكيه ويـا قـلـب عقّب كـل غفله وتوقه=وخلك مع اللي محكم العرف ينـويه ودامه على الدرب السداد وطروقه=مــــالك عـنــه مجنب ولو فيه مافيه |
مشاركة: قصائد نبطية / عبدالله الغنام اغلى حبيبه 28/3/1427هـ
ادري انك يا فتــاة الحســــن ليه=بودك الخالص على جهره وغيبه ومؤمن انك ميـــزك رب البريه=بالشرف والعقل واوصافٍ غريبه نجـمـةٍ للبيض وغيــرك مهمهيه=واشهد انك كيف من جيتي نصيبه يـا غـنــــاة الــروح ياحره وابيه=يــا وســــام يغتبــط من يدعي به ياغريب الوصف يالــروح النقيه=يــا حصين ويــا رزين ويا أريبه ويــا عـيــون مــا تهــاديني هديه=لـــوعـنـي واثــــرن في العــطيبه مهره في عسفها صلـــفى عصيه=اسلســت لي العنـــــان بدون ريبه مارقولي وش بـعــد يــا (الفلانيه)=يــــوم قلبي صد انا وش حيلتي به صــدة الــزعــلان صـد بمكرهيه=وانتي اقفيتي بجــرحٍ مــا دري به وكـــــل منـــا ينظـــر بعينه خويه=مــارضى باللي جرى لكن نصيبه وساقت سنين على الفــرقى جريه=طولهــــا ياطــولها الجردا الجديبه وجرحها الصالي ليــــالٍ سرمديه=كيف طـــاولني مع العمـــر بلهيبه احـســب ان الــوقت لاطول مديه=يجلي جـــروحٍ عـن الروح الكئيبه واثـــره ان طـول تقاصى للقصيه=ســـالبٍ حتى النظــاره في مشيـبـه فكـــرةٍ في خـاطــري كانت غبيه=مــن نتــايج غلطتـك قلبي غدي به وماضي اللي راح شمنا عن خفيه=لا نـقـــول ولا نـعـيــــد ولا نجيـبه يـا فتـــاة الحســن وش لي وعليه=جــاوبيني يــا عنــا قـلــبي وطبيبه كــــانك اللي قلتي ان الصـلح نيه=انا اضيف ان العمر ما ينصخي به ادمحي الزلات وانسى لك خطيه=وانتي راس المال ولي اغلى حبيبه |
مشاركة: قصائد نبطية / عبدالله الغنام الى الذين يُعْرَفون بأوسامهم لا بسيماهم 24/9/1427هـ
الله أكبـر يالزمان اللي عثى به=كل مخيــولٍ زمى مجهـول سيره ناقص ٍ منقــــود حتى بالـرتابه=أو كسيفٍ طــالع بأكتــاف غيره يدعي بالزود بالعــرف ونجابة=ويـذكــر انه شي ويعينه شــويره يا فؤادي وش دواعي هالكــآبه=ليــه شبت في حنــاياك الســعيره ماتشـوقك مهرةٍ صلفى عــوابه=مـارج ٍ في عسفهــا بث السريره أمنيـــاتٍ هيبت قلبـي وتهــــابه=شــدت وترخي بحــــالٍ تستخيره والله اني شـــايف العليا سحـابة=وين ما تــاقــع نبي نـارد غـديره لا وقعت بالكرخ يلزمنا شـرابه=ولا نزلت بالصين ما قلنا عسيره طبعـنــا وجــدودنا يـوم الحرابة=نازلينٍ نجـــد من غرب الجزيرة من يهـاب الموت ما هنـّا شبابه=ومن تـردد يقبـل الحـال الحسيرة والفتى لا جــد جــده بإكتســابه=يستعز لو كان ابو موسى خشيره لا بذل مجهـــوده وكمل نصابه=مـا تطيــر ما بعــد مجهود طيره والتحـــدي عــز ما فيها غرابه=دام لك فكــر وعلى يمنى شطيره لا يهمك من يضــدك ذي غـابه=الثعل والبــوم والضبــع ووزيره خلهم في محبس الحسد إكترابه=لا تـزايــد عندهم صـاروا خميره خلهم مـا شــذ عنــد الحـال دابه=في نجــاحه والتحـدي في مسيره بــردوا ياهل القلوب اللي تشابه=والا شبـــوا كل حــال وفيه خيره |
مشاركة: قصائد نبطية / عبدالله الغنام أجهل اني حي 28/10/1427هـ
ويح قلبي لألتوى فيه التجا به=شوقي اللي جاعلٍ حالي خطيرة شوقي اللي مس بحباله عذابه=صالي صاليه موردني سعيره يوم يطري طاريٍ قلبي غدا به=عقلي الساكن هيامي يستثيره وأجهل أني حيّ بمجرد غيابه=كيف ما أجهل لا غدا كلي أسيره بس أشوفه في خيالاتي وأنا به=راعي الحلم المجلى عن عشيره يا عذابي كل ما زاد إغترابه=وكثر ما روحي على بعده حسيرة شوقي إني كم تمنيت iالصحابة=أو تمنيت الحياة المستنيرة في جوار المصطفى الزاكي جنابه=أدرس الناموس يوم أعيش سيره في ربيع السلم في واسع iرحابه=في حياة كلها بالخير خيره في حياة ما بها شر عثى به=من يشيل الهم ومحمد شويره في زمانٍ منزل الوحي اعتنى به=الله اللي حافه بوحيه بريره جايبه جبريل ومحمد دعى به=في فريق ما بهم خاين ضميره في فريق ما بهم سو وغرابه=عزوة للحق مع منهج مسيره صفوة الصفوه وغيث من سحابه=أطهر اللي دب فوق المستديره آه ياشوقٍ عثى بروحي سطى به=وين أنا وياك ما هو بعد ديره وين انا وياه وين الملتقى به=إن حرمنا منه ما نحرم نظيره يالله أني طالبٍ منك الإجابه=تكتب أجري بطول صبري بلا عشيره أسألك في جاه جاهٍ له مثابه=وأسألك في جاه من بثك سريره تجعل الفردوس حظي والمنى به=شوقي اللي في خيالي بس يديره |
مشاركة: قصائد نبطية / عبدالله الغنام اخوي عبدالله شكراً على هذه القصائد الرائعه التي حازت على اعجابي واتمنا لك المزيد من التقدم والرقي وحقيقتاً شهادتي فيك مجروحه أباعزام مهما أزيد ومهما أعيد. |
مشاركة: قصائد نبطية / عبدالله الغنام اقتباس:
أخوي فيصل لايكفيك مني الثناء الجميل لكن دعوة في ظهر الغيب تحياتي واشواقي الحارة |
مشاركة: قصائد نبطية / عبدالله الغنام يثبت ( ديوان القصائد النبطيه لـ عبدالله الغنام ) صح السانك صح السانك ابو عزاام ولاتبخل علينا بجديدك |
مشاركة: قصائد نبطية / عبدالله الغنام الله الله يابوو عزام والله رائع واكثر من رائع صح لسانك تحياتي |
مشاركة: قصائد نبطية / عبدالله الغنام متعب مشكور على المرور وعلى التثبيت (مع التحفظ) ــــــــــــــــــــــــــــــــــــــــــــــــــ ـــــــــــــــــــــــــ البدررر مرورك وثنائك أروع لا هنت |
رد: قصائد نبطية / عبدالله الغنام ابشرك لقيت الديوان والقصايد يابو عزام اخيرا لاتعلم احد |
رد: قصائد نبطية / عبدالله الغنام ابو عزام لم اغفل ابدآ عن ديوانك الشعري يابحر الشعر وكنت يوميآ اقراء قصيدة او بيت واحد فقط لانه يكفي عن خمسة قصائد شعر جزل من شاعر أستطيع ان اقول بإنه فارس الكلمة اخوي عبدالله صح لسانك ,, صح لسانك ,, ودمت لنا وبقصائدك الرائعه والجزلة لك مني تحيه من القلب للقلب على هذا الإبداع
غنيت ماغنيت طـرب هـواوي = لافي مهاة الصيد ولابأطلق الخيل غنيت في خوة خـوي مخـاوي = من شبتي وهو رفقته للعنا كيـل غنيتله روحي وعمري خـلاوي = واقفى يعرضني خطير البهاذيـل ولاني بوبـال ولانـي بشـاوي = مالي ومال الدار لو يدهر محيـل وتقوول :-
يا مودع قلـب المولـع شفوقـي = حي حياته هـم والهـم لرضـاك ما كنك إلا في مشاعـر خفوقـي = طفل تعلق به وبه صورة امـلا ك ضوّى بحياتي مثل ضي البروقـي = لمعة أمل عجلى مثل مَرّ طريـاك حي حياته هم !! وش الهم ؟؟ (رضاك) * صـــــورة جـمــــيلـــة ابدعت بالتصوير
والله اني شايف العليـا سحابـة = وين ما تاقع نبي نـارد غديـره لا وقعت بالكرخ يلزمنا شرابـه = ولا نزلت بالصين ما قلنا عسيره طبعنا وجدودنـا يـوم الحرابـة = نازلينٍ نجد من غرب الجزيـرة هكذا انت دائمآ تبحث عن العليا وتجدها ولكن تطمح بالعلو أكثر حتى لوكانت بالصين الله . . الله . . الله في قصيدتك تعبير عن شخصية رجل يطمح للعلا ويقتدي بإجداده في العزم والإصرار ورفعة الرأس ماأقول إلا ياعبدالله { افتخر بك واتباهى بشاعريتك يإبن متلع يالحمي ودمي } |
رد: قصائد نبطية / عبدالله الغنام ابو بندر والله أول ما شفت ردك ضحكت من قلب على العموم مبروك |
رد: قصائد نبطية / عبدالله الغنام ابو تركي طيب نظرتك من طيب ذتك يا عز البناخي ويسعدني جداً أن أوفق لأرضاء ذوقك الراقي |
رد: قصائد نبطية / عبدالله الغنام ابوعزام 0وش أقول وأنا شاعر واعرف الوزن و صياغه المعنىوالصور أقول كلمه واحده وتكفي عن جميع الكلام...أبداع ... ونتطلع للجديد لينور منتدانا. تقبل مروري ,,,,لك تحياتي واحترامي |
رد: قصائد نبطية / عبدالله الغنام اقتباس:
|
رد: قصائد نبطية / عبدالله الغنام درر يابوعزام ما قدر ازيد على كلمة درر صح لسانك |
رد: قصائد نبطية / عبدالله الغنام لا هنت ابو بندر هذا ذوقك الراقي وعين المحب لمن يحب لك الشكر والتقدير |
رد: قصائد نبطية / عبدالله الغنام يامحلى الشعر كلة كلامك عنبر وصوتك كالصةيل لاكنا لم نسمع صتك الرأع مع تحيات \\\\\\\\\\\\)((())))(((((سلطان ابوسعد)))))))))((((((((((( |
رد: مشاركة: قصائد نبطية / عبدالله الغنام بسم الله ابو عزام مررت على مجمل هذا الديوان الجميل المليء بالدرر الشعريه والممتليء بالمشاعر الانسانيه والصفات الرجوليه والتجارب الشخصيه فوجدته امتدادا لشخصية ذلك الانسان الرائع في كل شيء والكبير في كل شيء المرحوم/غنام بن متلع الذي كسب الثناء حيا وميتا لذا اقول سلم البنان والجنان على هذا الدفق الوجداني الجميل لا هنت ولا هان رأس تعود المعالي وشكرا |
رد: قصائد نبطية / عبدالله الغنام لا هنت .... وصح لسانك .... |
رد: مشاركة: قصائد نبطية / عبدالله الغنام اقتباس:
رحم الله حيك وميتك وكتب لك سعادة الدارين |
رد: قصائد نبطية / عبدالله الغنام اقتباس:
صح بدنك |
رد: قصائد نبطية / عبدالله الغنام الأديب والشاعر / عبدالله غنام من فترة وأنا اقراء وأتمعن وأستمتع بجزالتك وكنت أرى أن الديوان يجب أن يكون للقراءة بدون إضافة الردود وعندما كتب إخوتي وأشهادوا بما هو أهل للإشادة كان لزاماً علي أن أتواجد معهم وشهادتي ورأيي فيك إنك ملكت زمام النبط والفصيح والأدب بجمال لايجارى لك الجزالة دائماً والتقدير وعساك على الخير والمحبه دائماً وأبداً |
رد: قصائد نبطية / عبدالله الغنام صح إلسانك وسنك ولاهنت يابوعزام |
رد: قصائد نبطية / عبدالله الغنام أبو عزام شاعرنا وكاتبنا لك منا أجمل وأغلى تحية لا حرمنا الله منك ومن إبداك المتواصل تقبل مروري على ممشاركتك الرائعة والمميزة |
رد: قصائد نبطية / عبدالله الغنام مقبل شاكر ومقدر مرورك وصح بدنك |
| الساعة الآن 10:15 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir