مجالس الفرده

مجالس الفرده (http://www.alfredah.net/forum/)
-   دواويـــن (http://www.alfredah.net/forum/alfredah28/)
-   -   ديوان الشـــاعر فهـــد جنب الفـــريدي (http://www.alfredah.net/forum/threads/alfredah36213/)

عبدالله حمد الفريدي 13-05-12 12:19 AM

ديوان الشـــاعر فهـــد جنب الفـــريدي
 
السلام عليكم ورحمة الله وبركاته

ايها الاخوه والاخوات زوار واعضا مجالسنا الشامخه مجالس الفرده

السلام عليكم ورحمة الله وبركاته

يسعدني ان اضع بين ايديكم

ديوان الشاعر الكبير / فهد جنب الفريدي (( ابو مشــــــــاري ))

هنا سأنقل لكم كل قصائده اللتي ستشبع ذائقتكم الشعريه

وايلكم اولى قصائده



لاضاق صدرك وابتد أ داخلك هـم=وشح الزمان وصرت بالحيل مرتاب
وصار الملل في داخلك كنـه اليـم=حتى عيونك للنظر صارت اغـراب
ارفع يديك لكاشـف الضـر والغـم=ماخاب من وجه له ايديـه طـلاب
الواحـد اللـي بالمخاليـق يعـلـم=هو الذي لاضقت يفتح لـك ابـواب
لامن عطا من غير كيـف ٍ ولاكـم=ماشحت ايدينه على مذنـب ٍ تـاب
يغفر ذنوب العبد لـو هـي تـردم=ويستر خفا ذنب ٍ على صاحبه عاب
والنفـس للانسـان تسقيـه علـقـم=ومن لانهى نفسه عن الشر ماصاب
كـم واحـدٍ باسبـاب نفسـه تنـدم=ماينفعه دمع ٍ علـى العيـن سكـاب
ياقارئ الابيات .. تكفى وقـل تـم=خالف هوى نفسك ترى قدمك حساب
من قبل لاترحل الـى قبـر ٍ اظلـم=تبقى وحيد ٍ ملتـوي فوقـك الـداب
داب ٍ اذا ضمـك ظلوعـك تحطـم=ضمه ماهي ضمة قريبين واصحاب
يالادمي بادر علـى الخيـر واغنـم=اغنم حياتك قبـل تفريـق الاحبـاب
ترى الحياة اللي بها مـوت ٍ وغـم=واجل ٍ بها لو طال محـدود بكتـاب
واللـي خلـق يانـاس بعروقنـا دم=هذي حياة ٍ مابهـا غيـر الاتعـاب

عبدالله حمد الفريدي 13-05-12 12:27 AM

رد: ديوان الشـــاعر فهـــد جنب الفـــريدي
 
تحيه طيبه للجميع ...


بأختصار .. تضطر احيانآ مجبرآ على توجيه كهذه ...


مع التنويه .. انها لم تكن هنا في هذا الصرح الشامخ ..





بأسم الاله اللي خلق انـس مـع جـان=رب العبـاد اللـي عطانـي عزيمـه
الواحـد المعبـود خـلاق الاكــوان=عـدل ٍ قضـاه بجنـتـه وبجحيـمـه
يـارب يامنـان طالـبـك غـفـران=ارفع يدينـي خـوف وارجـي نعيمـه
ماقيـل عنـي يـوم كـاذب وخـوان=ولاقيـل يمشـي بالغلـط والنميـمـه
حافظ صلاتي في مواجيـب واركـان=واالجار لـه عنـدي قـدر وحشيمـه
والضيف له واجـب جزيـلٍ وميـزان=وترحيبـة ٍ مـن سلسبيـل ٍ عظيمـه
وحق الخوي لو كان مخطي وغلطـان=ادمـح خطـاه ولـه معـزه وشيمـه
ومن عاند اجنوني ف/انا لـه كحيـلان=اطوًعـه حتـى يــذوق الهزيـمـه
واذوًقـه مـن لمستـي سـم ثعـبـان=حتـى بحلـو النـوم يحلـم بضيمـه
انا الفريـدي عزوتـي روس شجعـان=مثل الجبـل لاثـار يحـرق حميمـه
من لابةٍ فـوق البسيطـه لهـم شـأن=اولاد راشــد والفعـايـل قـديـمـه
انشهـد انـك جيـت للسهـم نيشـان=وبـان الهـدف يامدعـي بالشكيمـه !
الشعر ماهو لـك يامضيًـر خويـران=الشعـر خـلـه للعـقـول الفهيـمـه
علـى مزاجـك تنقـد ابيـات ووازان=وبالشعـر تفهـم ناقصـه والسليمـه !
لاتنتقد شعـري علـى غيـر برهـان=يامنـزل الابيـات لعيـون ديـمـه !
ان كان قصدك تصرف اعجاب قد كان=!هذي تـرى فعلـه قديمـه .. عقيمـه
ياحيف والله كنت ب/(...)لـك شـأن=ومابيننـا كانـت عـلاقـه حميـمـه
اعميـت عينـك يالشويعـر بسنـدان=وحطيت نفسك فـي مكـان الجريمـه
خلـك علـى دنـدان يـادان دنــدان=كفـوك تراهـا وانتبـه ! يالهليـمـه








وسلامتكم ..

فهد جنب الفريدي..



المصدر : http://www.alfredah.net/forum/thread...#ixzz1uh118aRw

عبدالله حمد الفريدي 13-05-12 12:52 AM

رد: ديوان الشـــاعر فهـــد جنب الفـــريدي
 
منتديات مجالس الفرده طبتم وطاب اللقاء بكم


وكل عام وانتم بخير .. وعساكم من عواده ..


معايده اتت على عجاله فارجو ان تنال ولو جزء بسيط من ذائقتكم المميزه ..







ياحروف الشعر ياعطر القصيـد=يابنات الفكـر شيلـي واردفـي
هاتي الجزله ترانا بيـوم عيـد=واتركي هزل الكـلام وغطرفـي

لبتسامة طفل في يوم(ن)سعيـد=اشرقت شمس الصباح بمعطفي

للصغير اللي لبس ثوب(ن)جديد=والكبير اللـي بعيـده يحتفـي

والسعاده فالكـم عمر(ن)مديـد=هذي هي غاية منايـه وهدفـي

لكل من جانا وجاكم مـن بعيـد=والقريب اهديه شوقي واحرفـي

يامقر الطيب يالصـرح المشيـد=ياضياء الحرف نورك ماطفي(*)

بالتهاني والفرح شلنـا نشيـد=ياحمامـه بالتهانـي رفـرفـي

واكتمال العيـد بالغالـي اكيـد=في حضوره زال همـي وكلفـي

هيه ياللي غبت .. يالظبي الفريد=هيه ياسبة جروحـي وصلفـي

ساري(ن)مفعول حبك بالوريـد=جرحك اللي كنت خابر ماشفـي

يازمان الوصل ! يالماض ِ التليد=ياعيون الشوق في قلب(ن)وفي

لارسالة عيد لو عبـر البريـد!=ولاسؤال ٍ منك لو هـو مايفـي

كل عيد وشوق قلبي لك يزيـد=والمشاعر لاجل شوفك ترزفـي

عاد عيدك ياعسى عيدك سعيـد=انت ياعيد الخفـوق ومسعفـي






فهد بن جنب الفريدي..

عبدالله حمد الفريدي 13-05-12 01:30 AM

رد: ديوان الشـــاعر فهـــد جنب الفـــريدي
 
ومن روائع شاعرنا
{{ ابو مشــــاري }}

((( لو سألتي .. ؟؟ )))




لو سألتي عن سبب طعنات قلبي مع شقايـه=كان سهلًت الجواب وقلت لك باسبابـك انتـي
ولو سألتي عن طعونك كم عددها في حشايـه=كان قلت الك الطعون كثار .. زادت يوم منتي
لو سألتي عن رياح الغيم والشـوق بسمايـه=كان بينًت الجواب وكان واضح لـو فطنتـي
ولو سألتي عن جنون العشق وفصول الروايه=كان قلت الك الروايه يـوم بعماقـي سكنتـي
واحتلال الخافق اللي صار حبـك بـه ولايـه=من ولايات الخيال اللي بها عشقـي رهنتـي
لو سألتي لحظة الغزو الجنوني فـي البدايـه=كيف كانت ؟ والحصون اللي دمرتي واستهنتي
واستبحتي قلب عاشق ! واحتفلتي بالجنايـه=والجنايه في خفوقـي ليـه خفاقـي سجنتـي
لو سألتي عن جمالك قلت لك طاغـي وآيـه=خالقك سبحانه اللـي صـورك حتـى فتنتـي
لو سألتي بلسم الجرح العطيب وعـن دوايـه=قلت قربك هو دواء كل الجروح اللي طعنتـي
لكن انك تساليني عـن تفاصيـل ونهايـه=والفشل واحساسه اللي داخلك حتـى ظننتـي
الظنون آثااام ! وانتي دائمـآ ظنـك خطايـه=وانتي انتي تعرفين الخافق اللي بـه مكنتـي
والله انـه ماتسـاوي مـدة يدينـك عطايـه=كل مامديت كفـي واعتلـى مـدي طمنتـي !
انتهينا .. وانتهى الفصل الاخير من الحكايـه=وانجلى زيف المشاعر والهوى بيدك دفنتـي



وسلامتكم ...

عبدالله حمد الفريدي 13-05-12 01:40 AM

رد: ديوان الشـــاعر فهـــد جنب الفـــريدي
 
((( العطا ماهو غريب)))



العطا ماهـو غريـب لابذلـه الصادقيـن=حي والله هالجهـود وديـرة(ن) بعيالهـا
يارجال الخيـر هـذا ديـدن(ن) للطيبيـن=بـارك الله بالرجـال وحـي والله فالهـا
الجهود اللي بذلتوا للوطن في كـل حيـن=واضحه مثل الشروق وفيتـه فـي جالهـا
مركز(ن) خيري يساعد كل من جاله حزين=يسعف اللي حال دونه كلمـة(ن) ماقالهـا
عاجز(ن) عن كل شي ومالـه الا يامعيـن=واستجـاب الله دعائـه والرعايـه نالهـا
والعلاج اللـي يعسـره امًنـوه القائميـن=ابذلوا كـل الجهـود لصحتـه واحوالهـا
في سبيل الخير فعل الصادقين المحسنيـن=وفـروا لـه مايكفـي حاجتـه واكمالهـا
راتب(ن) شهري لحده من جهود الصالحين=والصعايب طوًعوها فـي سبيـل اجيالهـا
(عنيزه)اللي كم لها بقلوبنا حب(ن) ثميـن=ساكن(ن) فينا هواها لـو تطـول اميالهـا
والبلاد اللـي حباهـا ربنـا بالمسجديـنطيبها من جود اهلهـا والمكـارم حالهـا
حكمها شرع الأله وسنة الهـادي الاميـن=حبها واجـب علينـا والوفـا يبقـى لهـا
للمليـك ارواحنـا نفديـه فيهـا والبنيـن=من عهد عصر الجدود اللي وفت بقوالهـا

عبدالله حمد الفريدي 13-05-12 01:47 AM

رد: ديوان الشـــاعر فهـــد جنب الفـــريدي
 
منتديات مجالس الفرد الشامخه .. طبتم وطاب اللقاء بكم



(( ام المؤمنين .. عائشه بنت ابي بكر الصديق )) رضي الله عنها


(نص مشارك )


لاربحتـم والخسـاره فالكـم دنيـا وديـن=ياذيول( الفرس) خبتم ياوحـول المنكـرات
انكشف ستر العمائم وانفضح خبـث ٍ دفيـن=والنوايا ف/القلوب المجخيـات المجهمـات
واستبحتم عرض ٍ اطهر من طهور الطاهرين=واستهنتم بالرسـول وصحبـه والطاهـرات
واللسنتكـم ياحثالـه طالـت ام المؤمنيـن=عائشه رمز الطهاره فـي حـروف ٍ بينـات
هي حبيبة مصطفانـا حبهـا مالـه وزيـن=قدرها عنده عظيم وزوجتـه بعـد الممـات
والسواك استاك به من ريقها لاجـل يليـن=طيًبت عود الآراك وطاب مع حسن النبـات
واستند راسه عليهـا والصحابـه شاهديـن=عند ماضاقت بروحه سكرة المـوت الثبـات
وادفنوا خير البريه عنـد طاهـرة الجبيـن=في ثرى غرفة سكنها صادفت يوم المبـات
كم فضيله من فضائـل عائشـه يامسلميـن=تخرس اللي حاولوا بافواههم زرع الشتـات
و(أمنا) كل الفضائل والشعر صرخة جنيـن=والوفاء واجب علينـا بـر سيـد الامهـات

وسلامتكم ..

نواف بن هلال 14-05-12 09:48 AM

رد: ديوان الشـــاعر فهـــد جنب الفـــريدي
 
صح لسانك يافهد استمتعنا بالقراءه وبأنتظار جديدك
ابو حمد مشكور على المجهود واتحافنا بالديوان

مرزوق بن محمد 14-05-12 11:24 AM

رد: ديوان الشـــاعر فهـــد جنب الفـــريدي
 
أخي الغالي أبو حمد أشكرك جزيل الشكر على إختيار هذه القصائد للشاعر / فهد بن جنب .ونتمنى من الأخ فهد تزويدنا بما هو جديد .
تقبل جل إحترامي وتقديري ،،،

عبدالله حمد الفريدي 24-05-12 05:09 PM

رد: ديوان الشـــاعر فهـــد جنب الفـــريدي
 

مــن زمــان وكـــل مـاقـلـت اتـصــل واســـأل واجـيــه=عــــيــــة الــنـــفـــس الـــعـــزيـــزه كـــــــــن حـــاديـــهـــا حـــــــــدي
وكــــــل مــاقــلــت الــخــواطــر فــــــدوة الـــلـــي نـشـتــريــه=صـار بالخاطـر كــلام وضــاع رقـمـك مــن يــدي
والاشــــــــاره تــكـــفـــي الـــصـــقـــر الـــمـــعـــرب والــنــبــيـــه=وانــــت حــــر وفــاهـــم ٍ كـــــل الــكـــلام ومـقــصــدي
والـرفــيــق الــلـــي نـــعـــزه واجــــــب(ن) نـــشـــره عــلــيــه=لــو مـاغـلاه الـلـي جبـرنـي كــان وفـــرت اجـهــدي
والـــهـــقـــاوي مــاتــخــيـــب مـــــــــن تـــــوجـــــه لــــــــــه يـــبـــيــــه=طيب(ن) من روس ربع(ن) يزحمون المعتدي
والـخــوي فـعــل الـبـلالـي واضـــح(ن) مـالــه شـبـيـه=يـــــوم قــالـــت يـا(دخــيــل) وداعــتـــك عــمـــر ولــــــدي
ثــم فــدى عـمـره خـويــه لأجـــل عـيــن(ن) تحـتـريـه=ســــاق روحــــه فــــدوة الــلــي رافــقــه واصــبــح فــــدي
والله انــــــي مـامـدحــتــك لأجـــــــل شـي(ن)مـرتـجــيــه=وسهيـل فـي جملـة كلامـه مامـدح غيـر الجـدي
وانــــت لـلـعـلـيـاء تـــــروم وكـــــل طــيـــب(ن) تـهـتـويــه=والــــــردي لــــــو فــــــز مــــــره ! دائـــمـــآ يــبــقــى ردي !

عبدالله حمد الفريدي 24-05-12 05:19 PM

رد: ديوان الشـــاعر فهـــد جنب الفـــريدي
 

الـخـفــوق الــلــي رمـيـتــه فــــي يـديــنــك يــاهـــواي=مـايـجـوز انـــك تـخـســره وان خـسـرتــه مـايـصـيـر
انـدفـعــت وجــيــت يــمــك ! والـبــشــر كــلـــه وراي=تـدري انتـه فـي غـلاك ! وتـدري انـك لـي نظـيـر
يـاعـيـون الـكــون كـلــه .. ياهـنـايـه مـــع شـقــاي=تــدري ماغـيـرك زلال ! وكــل مــن حـولـي هجـيـر
انــا مـابـي غـيـر كلـمـه ! يـرتـوي مـنـهـا ضـمــاي=شــف ســراب الـــلال فـيـنـي وانـــا قـدامــي غـديــر
اعشـقـك حــب ومـشـاعـر ويتـعـطـر بـــك مـســاي=فـي خفوقـي لـك مـكـان ولا حــدن غـيـرك خشـيـر
وان حصل ثم جيت يمي هذي هـي غايـة منـاي=لـــك ورود الـكــون كـلــه والـثــرى يـفــرش حــريــر
فــي عيـونـي لــك مـبـات وداخــل عيـونـك رجـــاي=وان تـكـرمــت بـوصـالــك صــــارت الـدنـيــا بـخـيــر
ازهــرت جــدب الـصـحـاري والـبــدر نـــوًر سـمــاي=واشـرقـت شـمـس النـهـار وكــل ماتطـلـب يـصـيـر
(تـدري ليـه ازعـل عليـك)؟ ويتجـدد لـك عـطـاي!=(اعـشـقـك وامــــوت فـيـك)ودائـمـآ عـلـيــك اغــيــر
ان وصفتك .. ماوصفتك ! خان تعبيري غلاي=والــحــروف الأبـجــديــه مـــــن خـجـلـهــا تـسـتـخـيـر


الساعة الآن 10:38 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52