مدخـل السـوق الجنوبـي بالخـبـر ظـهـران مــول=بايمـن البـاب الزجاجـي صـدفـة ٍ فيـهـا التقـيـت
ناظرتـنـي فــي عجـالـه نـظـرة الظـبـي الجـفـول=واستـدارت فـي هــدوء العاصـفـه وانــا ضمـيـت
قلت : لحظه..ممكن اسأل ناعس الطرف الخجول=قبـل لايبـدأ هجـومـك كـنـت ادور لــي (سـويـت)
ضيف زايـر (للخبـر) فـي شغلـة ٍ وانـا عجـول=رحلتـي بكـره علـى اول طائـره صـوب الكويـت
جاوبـتـنـي بابتـسـامـه قـالــت: انـتــه وش تـقــول=ناوي ٍ تحضر زفاف (الدوق)(وليم)هو(وكيـت)
قلت:انـالا .. ماتشـرف فـ/جتـمـاع اهــل الطـبـول=والكنـايـس حفلـهـا يـابـنـت لـــو جـيـتـه صـبـيـت
ديـنــي الاســـلام والـسـنـه ولا عـنــدي فـضــول=والشمـوخ اللـي عـلـى فــوق الثـريـا لــه رقـيـت
بانفـعـال ٍ فــي ليـونـه صاحـبـه نـظـرة ذهـــول=قالت انته مانت صاحـي وش تريـد وكيـف جيـت
قلت: من سبب جنوني حور.. مع رمش ٍ ذبـول=جـل مـن صــور جمـالـك مـثـل زيـنـك مـارأيـت
مبـهـره فــي كــل شــي ورايـحـه فـيـك العـقـول=ماتشوفيـنـي امـامـك حــي.. وانـــا فـيــك مـيــت
قـالـت: انــا ماهـويـت وبـالـهـوى مـالــي مـيــول=والعشـق عنـدي خطيـه مـأذكـر انــي لــه نـويـت
لكن انـي لـو سمحـت اسألـك عـن شـي ٍ يهـول=والاجـابـه مـنـك تكـفـي واعتبـرنـي لــك وفـيــت
فـ/الجـبـال ولا لقيـتـه سـاكـن ٍ وســط السـهـول=بأمـر عـلام الغيـوب اللـي علـى شـرعـه مشـيـت
يرعـب اللـي مايشوفـه وان غضـب ينـزل نـزول=يالله انـي فــي حـمـاك ومــا لغـيـرك قــد دعـيـت
قلت لحظه ! وان عرفتـه وش نبـي منكـم نطـول؟=ضـامـي ٍ قــدم الغـديـر وسلسبيـلـك ماعـطـيـت
مــن صـبـر دايـــم يـفــوز وغـايـتـه لازم يـنــول=اسمـعـي مـنـي جــواب ٍغـيـر حـرفـه مالقـيـت
حرف واحـد واربعـه يرضيـك عـن كـل الحلـول=وآخـر حروفـه ثلاثـه فـعـل مـاضـي لــو دريــت
وان حذفت الحرف الاول يصبح اسم ٍ للزحـول=كـم تعـزوى شيـخ قـوم ٍ بالمـلاقـى ذاع صـيـت
أغمـزت لـي بالعـيـون وقـلـت يالغـالـي وصــول=قالـت انـت اللـي بديـت وكـم علـى نفسـك جنيـت
مخـرج السـوق الشمالـي بالخبـر ظـهـران مــول=وادعتـنـي فــي عجـالـه واختـفـت وانــا ضمـيـت

دمت متألقآ دائمآ

هلا باللي اليا شفته اسافر في سماه غيوم=اتوه بعالمه واطرب اذا بأسمي يناديني
تصدق لو تغيب الشمس أحسك لي بداية يوم=أنا فعلآ تنفستك واحسك في شراييني
عطيتك خافقي لعبه تفضل العب بمظيوم=لعب فيه الزمن قبلك طواه وقام يطويني
من انصاف الحلول اني احبك وارسمك بحلوم=تعال وخلها غربه عناوينك .. عناويني
دخيل عيونك الخرسا .. هي الحاكم وانا المحكوم=حكمني رمشها الظالم ولا فكرت تعفيني
أنا وان غبت عن عيني تراي امشي مثل منجوم=اتوه بخطوتي هايم ولأحدٍ به يقديني
تعالي شوفي الخافق ضفافه مجدبه وسموم=تعالي يالفرات العذب انا عطشى بساتيني
تعالِ نصد عن زحمة بشر كله ألم وهموم =نغني للقمر غنوه .. اناجيك وتناجيني

أيه ناوي في فراقك ليه جيت=وليه غبت ..وكيف جيت .. و.. وش تبي
كل شي الا غيابك ماهقيت= كنت صادق بالهوى وانت تهبي
الصروح اللي على خبرك بنيت=كل صرح(ن) لك يهلي .. ارحبي
اذكر اني كل ماتطلب عطيت= يوم حبك سابي(ن) روحي سبي
وردة (ن) وسط الحنايا لك مبيت=من ثمر قلبي وتوتي وعنبي
والقوافي كلها لك .. بيت بيت=والمحبه والغلا لك وتعبي
من بحر عشق الغرام اشعلت (ليت)=ومن ظلوعي نار حبك وحطبي
من سنة فعل ( اخو هدلاء) بالكويت= لاسنة عشرين وانت معذبي
كنت في وقت(ن) مضى لي فيك ميت=وفي رياض العشق غاية مطلبي
كنت مغرم في جمالك مادريت=ياسراب(ن) ماخذ(ن) صيفة ظبي
في زمان(ن) كنت غارق وانعميت=وانت في زيف المشاعر تلعبي
مستحيل اني على بالك بقيت=كيف اسامح واحد(ن) قلبه ( وبي)
دام نفسي شامخه والعز صيت= ماطرد المقفين لاثار غضبي

البارحه مريت حسون سنتر= قبل تغيب الشمس في حزة عصير
صدفه وانا احاسب يسار الكاونتر= على يميني شفت سيد الغنادير
حور العيون بلبس فاتن مخصر=جمالها ماهو بصبغه وتزوير
شي(ن) بترتيب ٍ وشي(ن)منثر=وقفت انا محتار وازريت لاسير
حار القدم كني صويب ٍ مكسر=قلت العفو مسيًت يازين بالخير
رد السلام وصد يمشي يتبختر=سألتها سؤال مبهم بتشفير؟
عابر سبيل وواجب انه يقدًر=قالت :ترى السرعه تجيب المخاسير
خلك اديب ولاتحاول تجسًر=حاسب ترى بالجو غيم ومعاصير
لاتندفع واصبر و(كلش)ميسًر=قلت:الوضع يابنت كله تياسير
ماهو هوى يابنت عبله وعنتر=لحظه وساقتها عليك المقادير
في صدفة ٍ واللي مقدًر ..مقدًر=قالت: اخويه جاء وبكره على خير
بكره مثل هالوقت و ان كان تقدر=ركبت خصوصي دون تاخذ مشاوير
راحت وضاق البال والسوق سكًر=والصدر بعده صار ضمن الحواشير

سجين .. وانت صربي

ماهو غريب انك تروحين بسكات = ولاهو غريب انك تحاشين دربي
ولا هو غريب الحب لاكفن ومات=ولاهو غريب انك تخافين قربي
وجه الغرابه كيف بالروح لك ذات=واللي عطاك الحب يازين ربي
يمرني طاريك مع واقع ٍ فات= واسهر مع الهوجاس لاهب غربي
افيق مره ..واثملك عشر مرات= كني سجين ٍ بوسني وانت صربي