|
ديوان الشاعر / غازي ابن عجاب ابو زوايد أســعــد الله جميـع أوقاتــكــم بكل خــيــر هذا ديوان الشاعر ((غازي ابن عجاب ابو زوايد الفريدي الحربي)) وهو شاعر وراويhttp://alfredah.org/up/uploads/b8e0220cb6.gif ولا أعتقـد بأن هـنـاك من يجهل هذا الرجل والشاعر الكبير تحس فى ابياته الصدق وقوة المعنى شاعر صعد الى القمة وتربع عليها اضع لكم من باب الإعـجـآب بهذا العملاق الديوان الكتابي بين ايديكم .................... كنت فى مجلس الشيخ / على بن حمدان بن شريم يقول شاعرنا كنت,, ومزح معي أحد الأصدقاء قائلاً ياحرب مالكم خوي وأخذ الجميع ينظر إيلي منتظراً ردى عليه لإني الحربي الوحيد الموجودفجادت القريحه وإرتجلت هذه المتواضعه وأضعها بين أيديكم دون تنقيح أو إضافه كما قلتها في ذلك المجلس واسم الصديق / سالم شعيب بن ثنيان الشمرى خوينـا نـدراه ياسـالـم شعـيـب=خوينـا محشـوم عـن كـل زلــه خوينـا مـن ملزمـات المواجـيـب=سلمـن لنـا سلمـن لهلنـا ومـلـه خوينامعنـا علـى الطيـب يـاذيـب=لوصارمهمـا صــار مانستمـلـه قريـب ولا مـن بعيـد الأجانـيـب=معنـا علـى عيطـاً طويلـه مطلـه وليا تفرقنـا إنتفـرق علـى طيـب=أيـضـا ولا نقـفـاه بالشـيـن لله وقصة نويشي شاهدن لي عن الريـب=إبن رشيـد الصيرمـي شاهـدن لـه والضيف يبشر بالشحـم والتراحيـب=بيباننـا للضيـف مفتوحـتـن لــه رجالنا يكـرم وهـو خالـي الجيـب=يومن خطو اللاش همـه إملـن لـه والجار يابن شعيب له حق (ن) مصيب=نعطيـه حقـه كاملـن حشمتنـلـه فعـل البلالـي دون جـاره تعاجيـب=زهد بروحـه دون جـاره فـدن لـه قولن على فعلـن مضالـه تجاريـب=ماهـي سواليفـن تحـت ضـل فلـه هـذا الوكـاد ولايبيـلـه منـاديـب=من راس جـاك وكـل عقـدن نحلـه |
رد: ديوان الشاعر / غازي ابن عجاب ابو زوايد يقووول شاعرنا ان هذه القصيدة قلتها بشخص يستحق المدح والثناء وأعرف إنني لم آتي بجديد ولكن مشاعر إختلجت وأحببت نشرها لكم لعل وعسى توفي النزر اليسير مما أكنه له والمعني هو الأخ القدير / خالد بن ملفى بن ماجد بن عطيه الفريدي الله على اللى كن صوت المكينه=الى إشتغل ديمن حدر من سحابه إن إعترض تحس منه بسكينه=وإن قابلك يعطيك عز ومهابه فاكس آر تو البازعي جايبينه=فوجي وربعه ختمهم فوق بابه يسوقه اللى للسفر محتسينه=ذيبن تسلسل من سلايل ذيابه من خط ساموده قطع خط لينه=وعلى الحفر وقف وكمل زهابه وقف على الرقعي وخرج بحينه=والسالمي مره تقل ماوطابه منصاه للفردوس ياناشدينه=يلفي على راعي هلا و مرحبابه ابن عطيه للقسى ذاخرينه=حرن ولد حرن كريم جنابه فيه افتخر ولا العرب عارفينه=ماتنحصى مواقفه بالكتابه ماترتخي عند المواقف يمينه=سوق الرجوله باعبه واشترابه خالد وخالد عل تمدي سنينه=متعودن للطيب باول شبابه أبوه ملفي كان هيف السمينه=وعون الرفيق وريف كل القرابه الله يبيحه يوم ينشر كنينه=ولعل هام الغيث يسقي ترابه الطيب والمعروف متوارثينه=ونسل السلالات الاصيله تشابه ومدحى لبو فيصل مايوفيه دينه=والمدح بالوافين مابه غرابه هذا ويالمندوب قبل جبينه=مع دعوتي لعلها مستجابه |
رد: ديوان الشاعر / غازي ابن عجاب ابو زوايد والله اني كل مارحت يمـك يالصغيـر=إعترضلي دونك اللي عسى الله يقطعه ماعنده حنان والله ولا عنـده ضميـر=كل ماجيت إمتعنى دخلـت إبمعمعـه حاجتي عنده وأنا أدراه والخاطر كسير=ومن كثر بغضى كلامي تقل مايسمعه ودى اسمع منك كلمه واشوفك بالنظير=لحظة وحده وفيهـا تطيـح الاقنعـه كانك اللى كنت أحبه وهو توه غريـر=والله اني لقنعه يعني اصبـر واقنعـه وان طلبني مال يبشر من المال الوفير=طلبته مليون وإلا إثنين يبشر بربعـه بس اشوفك قدم عيني ترى حبك كبير=واتهنى في قبالـك وغيـرك نقلعـه وادرى ان الكون والناس والدنيا بخير=وفي بحر هواك اسافر وأفل الاشرعـه انت عندى غير يازين والخفرات غير=انت فوق البيض عندى جميع مجمعه وكان غيرت اتجاهك وبدلت المسيـر=ماعليَه منك ضيقه لا والله فى سعـه أقنع الخفاق الأقشـر وبالله استجيـر=ومن تيمم وجه ربي يبـا الله يرفعـه |
رد: ديوان الشاعر / غازي ابن عجاب ابو زوايد يقول شاعرنا ان بالإيام الماضيه دعاني أحد الأصدقاء من الباديه السوريه على مناسبه وعندماكنت هناك عرف الشاعر القدير / خلف بن عتاق فأرسل علي هذه الابيات ياضيف دير الزور قولن بلا زور=ياحظ دير الزور فى شوف ضيفه حتى الفرات بخزر دجله وخابور=يحطها عرضه ويلعـب بسيفـه لعل أبو فيصل معزز ومسـرور=بضيافة رجالن كرامـن شريفـه وتنال إستحسانكم جتنى على الجوال وأنا ورى جفور=رسالتـن مـن شايبنلـي شريفـه سعدت فيها وأرفع الرأس مسرور=وأنا ورى شـط الفـرات بسقيفـه ورى القريه والعشـاره وشختـور=مع النشاما أهل النفـوس العفيفـه ياخلف العتـاق يالذيـب مشكـور=أنته ثقيل الـروز نفسـك خفيفـه ياخلـف العتـاق ياذابـح الخـور=فعلـك يذكرنـي بقـول القريفـه لايبعد من ينقـل الـزوم مثبـور=همه رضى هنـه وهنـه محيفـه ولعل بن عتاق من كـل عاثـور=سالم وذخـرن بالليـال المخيفـه |
رد: ديوان الشاعر / غازي ابن عجاب ابو زوايد قصيـــــده من الارشيف القديم ولطلب الاخ العزيز مشعل بن مطيع نزلتها وارجو ان تنال رضاكم وإستحسانكم ياليتني ماشفتهـا يـوم الاثنيـن=وياليتها ماجت تمشـى وحدهـا وياليتني ماشفتها بدر عشريـن=ويا ليتهـا ماصافحتنـي بيدهـا و ياليتني غايب عن البيت يومين=من قبـل أشـوف اللـي(.....) وياليت ماشميت ريح الرياحيـن=المسك تقـل مغسلنبـه جسدهـا يالله ياقابـل صـلاة المصليـن=ياخالقن خلقه ومحصن عددهـا تعوضني ياعالم الزين والشيـن=والنفس يامولاى عجـل سعدهـا |
رد: ديوان الشاعر / غازي ابن عجاب ابو زوايد الله ياهاكالعـيـون المضـالـيـل=لاطالعـت حالـى يجيهـا تلفـهـا لو ماحصللى من وراها محاصيـل=الا مشاويـر(ن) علـى الله خلفهـا لكن حصللى من سببهـا غرابيـل=ويضحك بى اللى قصتى ماعرفهـا من دونها حالوا عيال (ن) حلاحيل=كل (ن) وقف فى وقفة (ن) له وقفها ولاهوطمـع ميقافهـم يارياجـيـل=مافيهـم اللـى وزنتـه ماصرفهـا الا الحسـد بقلوبهـم كنـه الليـل=أثر الحسد لا صاب الأنفس حرفهـا ولاعادفيهـا عقـب هذامداخـيـل=إن ماوطيت النار دسـت بطرفهـا وراحت معاناتي على مثل ماقيـل=دمعة يتيم (ن) من عيونـه ذرفهـا وســــــــــــلامــــــــ تكـــــــــ م |
رد: ديوان الشاعر / غازي ابن عجاب ابو زوايد يقوول شاعرنا تتوالى النصائح ويستمر الرفض فهذا أخي وصديقي هادى بن حمود الفريدي يدلي بدلوه عندما سمعني أتمتم ببعض الأبيات وكانت الإجابه التاليه ياهادي بن حمـود يافالـح الـراى=لوشفتهـا مالمتنـي يـوم أغـنـي من روس شيوخ (...)من كبر بلاواى=الله خلقـهـا فتـنـة تمتـحـنـي لا طالعت بالعين من عقب الإغضاى=ياسم حالـي ذقـت رمـح المطنـي ولامن يمينه صافحت كـف يمنـاى=كني ملكت الكون مـن غيـر منـي وهروجها تكفي عن الـزاد والمـاى=وليا إضحكتلي خاطـرى يرجهنـي خمسة عشر يكمل لها عامها الجـاى=بعقـل أربعينيـه دلالــن إبفـنـي وسلامتـــــــــــك م |
رد: ديوان الشاعر / غازي ابن عجاب ابو زوايد ياخالد الملفي عسى الخيـر فالـك=ياطيـب الرفقـه علـي الملازيـم انـي بحـال ماتسـرك وخـالـك=جـداه يامشكـاه عـظ الأباهـيـم تقدر تقـول انـه تدهـور وهالـك=متغيـره عنـده جميـع المفاهيـم حظه سـواده كنـه الليـل حالـك=ومن قبل تاصل سالفة سين مع جيم اعطيك نبذه قبـل تسـأل سؤالـك=نبذه بلا توضيـح يومنـك افهيـم عني لطيف الروح سافـر وجالـك=يبا الكويت وخابره يشكي الضيـم يوم الـوداع إنهـار وانـا كذلـك=جـداي اردد عبرتـي بالبلاعـيـم ان كان مت من الهـوى فالبقالـك=الثار عند اللي مثـل قايـد الريـم الا انهـا يالقـرم فـوق احتمالـك=استر على ماجاك ياطيـب الخيـم |
رد: ديوان الشاعر / غازي ابن عجاب ابو زوايد يقول شاعرنا ان هذه قصيده قديمه نشرت بجريدة الجزيره إحببت إطلاعكم عليها أحيطكـم علمـاً بـإن اللـذى صـار=غصبـاً عليـه ماحصـل بإختـيـارى لإنهـا الأقـدار ضــدى والأقــدار=تحكم ومايكتـب علـى العبـد جـارى ولجل الإحاطه قمت في نظم الأشعـار=لعلهـا تساعـد بـدعـم إعـتـذارى عندك واقـدم لـك تقاريـر وإشعـار=يحوى جميع اللـى حدثلـي إجبـارى وفيها ألتمس عفوك وصفحك بلا إصرار=علـى التعنـت ليـن يظلـم نهـارى يازين لو واجهت فـى حبـك أخطـار=معـروف عنـى بالحيـاة إنتـحـارى إلا إن عنـدك يادعـج العيـن تغيـار=أحيـا وأمـوت ولايضيـع إعتبـارى |
رد: ديوان الشاعر / غازي ابن عجاب ابو زوايد هذه القصيدة موجهها شاعرنا القدير الى للشيخ الأخ / سعود بن مجفل السبيعي يوم السديري حس بالقلب هوجـاس=يقـول للبـراق ياعميـر قمـلـي يقول أنا أخترتك على جملة النـاس=أبيك فى بعض الأمـور أتحشملـى واليوم أنا مثله على الوصف بقياس=ياسعـود والله مايلـن فـيّ حملـي تكفى يابو شافي ترى الوضع حساس=وقتي قضى مافيه حـيءٍ زهملـي أبوفهـد بالبـر واقـول لابــاس=لكن حضر ياسعودهالحيـن واملـى اجلس معه ياسعود بالبيت مجـلاس=وارضى بحضى والـذى ينقسملـى اما يهب مـن الذعاذيـع نسنـاس=والا منعت من المطاريـش زملـى |
رد: ديوان الشاعر / غازي ابن عجاب ابو زوايد قد ياتيك من أحد الأصدقاء نصيحه من حرصه عليك ولكنك لا تتقبلها . لذلك أجبت أحد الاصدقاء بهذه الابيات ارجو أن تنال إعجابكم ياحمود بالله غير الهرج ياحمـود=تكفى ترى مافيه ياحمـود داعـى لاتلحق الشعله على ملـح بـارود=دامك مريح البال ماصبحت واعـى عذلك يفيد بحال مسعـود وسعـود=اللى هواهـم يالسنافـى صناعـى هذا الصحيح وخلنى يافتى الجـود=أمضى مع النجم الشمالى صراعى كنه يهذى بسـرة القلـب عبـرود=الى ذكرت أم العيـون الوساعـى ياحمود كيف أنسى مضاليلها السود=وشلون أبا أنساء دمعها فى وداعى |
رد: ديوان الشاعر / غازي ابن عجاب ابو زوايد
عفى الله عن عين (ن) سهرها عثابهـا=لانامـو السالـيـن جـاهـا ذهابـهـا عين (ن) عصى سلوم بالسهر والبكـا=وعـن مابهـا مافيـه حيـن درابهـا ( الضيق من ميل (ن) الى ميل ينفرج)=والعين تسـع سنيـن والسهـر دابهـا من عقب موت اللـى تسـره سعادتـى=سـود الليالـى كشـرت لـى بنابهـا ياعونـة الله بيـن الأجـداث مرقـده=روحـه مـن الايـام كمـل إكتابـهـا الله يبيـح أبـوى عــداد مـاذكـره=واعداد ماغطى الوطـى مـن إترابهـا واعداد ماتكتب حروف (ن) على الورق=وعداد ماهـل المطـر مـن سحابهـا أسألـك يارحمـن بالكهـف والصمـد=وياسيـن والسبـع المثانـى ومابـهـا وبحق مابنجيل عيسـى ومـا أحتـوى=وتوراة موسى يـوم الألـواح جابهـا تجعـل مقـره جنةالخلـد عـن سقـر=والنـار جعلـه مايمـسـه عذابـهـا |
رد: ديوان الشاعر / غازي ابن عجاب ابو زوايد دائماً منذ خلق الخليقه وهناك صراع أزلى بين الأمل والياًس وهاأنذا اصارع الأمل لعل وعسى ولاكن نجد ان الشاعر ابو فيصل يترجمها بأبيات شعرية أرجو أن تنال إعجاب الجميع يموت الأمل ساعات واعيشبـه ساعـات=وقاسـى مـع الأيـام تأثيـر ساعاتـي وأنا كل ماقلت الأمل حى...عندى مـات=صراعى مـع التفكيـر تعكيـر لحظاتـي وأنا والله إنى كل ماقلـت هانـت جـات=علوم(ن) تبدد كـل الآمـال فـى ذاتـي على من هواها وسط قلبى رفـع رايـات=مسيطـر عليـه حبهـا بكـل حـالاتـي مسيطر عليـه حبهـا بحلـك اللحظـات=ودليل (ن) على ما قول كثـر إنفعالاتـي وأنا بس أجامل من تكلم معـى بسكـات=على شأن ماتبدى على الناس ضيقاتـي جداى الونين وهل عيني مـن العبـرات=الياصرت وحدى هلـت العيـن عبراتـي عسى من حدانى عن حبيبى وهو مشهات=وتسبب على ببعـاد شفـى ومشهاتـي تجيه المصايب دفعت (ن)ماتجى دفعـات=من الله جزيـل الملـك رب السمواتـي وعسى من يلوم معاشق(ن) حاشته نكبات=مـن الله يمسـى كـل ليلـه بنكبـاتـي وهو حي مايذكر ويذكـر مـع الأمـوات=جزنلـه وجعلـه كـل ليلـه إبماسأتـي وأنا كيف أشوفك يالغضى وأبرك الحزات=هاكا الحزه اللى عندنـا قريـب وتأتـي أبا أشكى وأبين مابقلبى مـن الوعـات=ماحاتيك وأنته يادعـج العيـن ماتحاتـي |
رد: ديوان الشاعر / غازي ابن عجاب ابو زوايد اصحاب القلوب الخضراء .... مساكم ورد وفل وكادي اليكم هذه الخلجات ... من شاعرنا القدير ابمفرق خبيب الريم وادعت نور العين=يشّر لي باصابيعٍ تقل وصف طبشوره ورى ستارة اللي بالموَّخر له قزوزيـن=مناسبٍ لطيف الروح لونـه وديكـوره حسب ما ذكر لي نية (العطف) متجهين=ومن عقبها يبـي يمـرون مستـوره واظنه ذكر لي بالمدينه يبـي يوميـن=لعلك يابـو مـازن تراعيـه وتـزوره على شان خالك مقدريّه وفالـك زيـن=ابي كان قابلته تـداري لـي اشعـوره تراه اهيفٍ غضٍ يشادي قمر عشريـن=شناحٍ عظيم اللون والجسم والصـوره خجولٍ جفولٍ منه قلبي غـدا نصفيـن=حبيبٍ لبيبٍ يسحر الناس فـي حـوره والا واعنايه كـل مانامـوا الساليـن=تذكرت اصابيعٍ تقل وصـف طبشـوره *********** اخوكم ابو فيصل |
رد: ديوان الشاعر / غازي ابن عجاب ابو زوايد رد الشاعر غازي ابن عجاب على خالد عبيد معتوق الأحمدى اليـوم مانـي والفـرح والرواقـه=من ضيقتي ماقدر على شيل ثوبـي من ضيقتي ضيعت مبـداء اللباقـه=مع من جلس عندى وضاقت دروبي من فوق حملي زاد خالـد وساقـه=عسى ماهى دعوه بسبـة ذنوبـي ولو قال مالـى بالمشاكـل علاقـه=أقول له وجهـت شكـواك صوبـي وارجع لمبداء قصتـك والصداقـه=تفرض على اواجهـك يامحبوبـي قل لي عن القصه وسبـت فراقـه=هى غصب ولا إن الحبيب لعوبـي إن كانهـا غصـب عليـه اوثاقـه=محكم ودونه يابن عمـى حروبـي لـو أتكلـم فـى مجالـك حماقـه=ولو تنتظر يروح عمـرك عزوبـي لاتنتظـر متـى يصيـر إنطلاقـه=عنز جنابـك لا تصيـر إمغلوبـي عنز جنابـك والعـوض بالرفاقـه=تلقى بداله يابـن عمـي إعجوبـي ينسيك صدات الغضـي وإصطفاقـه=وتعيش باق أيام عمـرك طروبـي وإن كان خلك مخلص (ن) فى نطاقه=وقلبه لغيرك مانت فيـه مغصوبـي من يتبـع المقفيـن قطـاع ساقـه=لاتقول قلبي خـل عنـك القلوبـي ولاتبين المكنـون بالنـاس عاقـه=ثور كـذوب وبالمجالـس هذوبـي وختامهـا مالـي وجاهـي لحاقـه=فدوه لبـن عمـي ولانـي كذوبـي أنا تـرى مانـي خطـات الهقاقـه=احمى كلامي والكـذوب مهزوبـي |
رد: ديوان الشاعر / غازي ابن عجاب ابو زوايد أيها الاخوه الكرام هذه دعوه من أخوكم غازي ابو زوايد وهذا يدل على الكرم والجود عند هذا الرجل ولايستغرب منه الشيء هذا فقد ورث الكرم عن ابية وجده نجد أجمل العبارات قي القصيدة يالربع مروني ترى خاطري ضيق=تكفـون مـرو يالوجيـه الفليحـه مرو علـي وبكـرو يالمطاليـق=وأنا علـي أطـش رأس الذبيحـه بشايـة المعبـود رب المخاليـق=إني لهبب ريح من هـب ريحـه أول بداء جيب الشواء والمعاليـق=إمعقبه عـودن عسـى الله يبيحـه ربيـع قلبـي شوفتـي للهداليـق=صريح وأحب الرجال الصريحـه ولا الردي ماله ورايـه مواثيـق=جعله مهف إمقيط من عقب طيحه |
رد: ديوان الشاعر / غازي ابن عجاب ابو زوايد رداً على قصيده أخوى الكبير بقدره خلف ابن عتاق وهي من المداعبات الشعرية إحترت بإمر العود وامره محيـر=وأنا منول كـل ماقـال أطيعـه أنا أحسبن العـود يالربـع خيـر=لكن فجعنـى بالمثايـل فجيعـه وتبينت قلـب المطـوع صغيـر=توه شباب وتوه أقبـل ربيعـه ولالوم قلب العود لوهـو تطيـر=نمر العتيبي راح من حب شيعه وفهيد بـن هـذال لعـداه سيـر=وعلى شداده مات موته شنيعـه وراع الهوى لوهو سكن وسط دير=يختل لا شاف العيون الوسيعـه قارى نفي عقب الصغيـر تغيـر=والعود ماخالف لحكم الطبيعـه وإن كان بن جضعان للعود عيـر=مزحه بريئه ماوراهـا قطيعـه والشيخ ابو بندر له الفكـر نيـر=يخاف لاتبدى عليـه الهزيعـه واللى يلوم العـود مخـه مجيـر=ماذاق لوعة باكر ومـن تبيعـه |
رد: ديوان الشاعر / غازي ابن عجاب ابو زوايد القصيدة تعبر عن نفسها وتشرح لكم معانيها عمر الشقى قالو بقـى لاتخافيـن=ماهذى أول صدمتن فـى حياتـي الاوله فى عـام تسـع وثمانيـن=مرت ولا ضرت مـن الذكرياتـي والثانيه فى عام ستـه وتسعيـن=بعشره شهر عشره كلامن ثباتـي وهالحين هذا عام تسعه مع ألفين=بإخر شهر عشره تقـرر مماتـي ماني بلك ميـت ولاذارف العيـن=قلى على منهـو تهـل إعبراتـي من باعني ماشريه مبطى وهالحين=ماهو تكبر بـس هـذى صفاتـي ماعزنا ربـي ونخضـع ذليليـن=وعيبـن علينـا نتبـع الهيناتـي عز الرجل نفسه على العسر واللين=يسوى جميع الكـون والكائيناتـي النفس طابت منك مهمـا تقوليـن=ولانيب ميت قبـل تدنـي وفاتـي |
رد: ديوان الشاعر / غازي ابن عجاب ابو زوايد هذه القصيدة موجهه شاعرنا ابو فيصل الى للشيخ الأخ / سعود بن مجفل السبيعي ويقول فيها يوم السديري حس بالقلب هوجـاس=يقـول للبـراق ياعمـيـر قمـلـي يقول أنا أخترتك على جملة النـاس=أبيك فى بعـض الأمـور أتحشملـى واليوم أنا مثله على الوصف بقياس=ياسعـود والله مايلـن فـيّ حملـي تكفى يابو شافي ترى الوضع حساس=وقتي قضى مافيـه حـيءٍ زهملـي أبوفهـد بالبـر واقـول لابــاس=لكن حضر ياسعودهالحيـن واملـى اجلس معه ياسعود بالبيت مجـلاس=وارضى بحضـى والـذى ينقسملـى اما يهب مـن الذعاذيـع نسنـاس=والا منعت مـن المطاريـش زملـى |
رد: ديوان الشاعر / غازي ابن عجاب ابو زوايد قصيدة ذات الابداع الشعري وتعبر عن ثقافة هذا الشخص متى يجود الزمان اللي عليه الرهـان=في شوفة اللي معذبني هـدب عينهـا عقب السنين العجاف وقبل هاك الزمان=يجودلـي لحظـةٍ بمصافـح إيدينهـا راحت عليه وأنا في قمـة العنفـوان=قبل الثلاثيـن تفتـح لـي ميادينهـا وهالحين بالأربعين ويالله المستعـان=مازالـت الذاكـره تحمـل عناوينهـا قمة صراع التناقض بين إنـا وكـان=وليت ولعل وعسى خفـت موازينهـا لاهالزمان الزمان ولا المكان المكـان=و الناس لاني إمبريهـا و لا أدينهـا ولوكنت أبطلق لمسجون الكلام العنان=ان كان بينت ماخفيـت فـي حينهـا وأعلنت ماخفيت للعالم عيـانٍ بيـان=وأقول ياناس عذبنـي هـدب عينهـا |
رد: ديوان الشاعر / غازي ابن عجاب ابو زوايد هذه قصيدة موجهه شاعرنا الى شاعر الرومانسيه الشاعر القدير أخي وتؤم روحي علي بن محمد بن جضعان وأرجو أن تنال القبول لدى الجميع وإستحسانهم ياعلى بن جضعان قولـك بهرنـي=لاتشتكي وفجـوج ربـك وسيعـه موضوعك اللى جبت ليّه قهرنـي=تشكي وانا مارضى عليك الهزيعه لـو أعتذريامسنـدي ماتعـذرنـي=وأبحلتني بين الرجـاء والقطيعـه نوبـن تقـول الله بحبـه ومرنـي=ونوبن تقول سـواة خلـي شنيعـه حدد لي المطلوب وأنت إتخبرنـي=ماصد مثل أهل الوجيعـه اللكيعـه وشرك يابن جضعان خص ونحرني=ذكر عليّـه قصتـن لـي فضيعـه ذكرتنـي حيّـن فراقـه كسرنـي=ماباعنـي وأنـا كذلـك مابيـعـه ليته قبل مايـروح عنـي قبرنـي=فرقى الضحى على المهاوي فجيعه فراق خلي يابـن عمـي دمرنـي=لوكـان سـري لـلإوادم ماذيعـه واقبل تحيـات الوفـاء وأعتبرنـي=إنـي إحزامـك واقفـن بالطليعـه |
رد: ديوان الشاعر / غازي ابن عجاب ابو زوايد موجهه من الشاعر غازي الى الشاعر العذب خالد عبيد معتوق الأحمدى حى الجواب اللى على النت منشـور=من خالد بن عبيـد والقـول أجـاده من خالد بن عبيد بالطيب مشهـور=بـالـقـول ولا ماوصلـنـابـلاده من راعى الفقره مجمـل ومذخـور=للوقـت لامنـه تـزايـد جـهـاده من لابت ( ن ) ماتقبل الظلم والجور=بقيـادة اللـى يستحـق السـيـاده ابن جزاء فعله هاك الوقت مسطـور=فى صفحة التاريـخ نـال الإشـاده نشرت له البيضاء على جبال وقصور=والطيب مايشراء .. للأجـواد عـاده هذا وانا ياطالـب الشـور مجبـور=أعطيـك شـورى والتصنـع نقـاده لو أعتذر مانى مع النـاس معـذور=وخالد جهرنـى ماوصفلـى مـراده لاثـر تقفيتـه ولاشفـت مظـهـور=الا ان عنـدى رأى منـه إستـفـاده مانته على طرد المقفيـن مصخـور=تعـز نفسـك لـو توسـد كــداده ولابدمايصبح مـع الوقـت لـك دور=والوقـت بعـد الحـر يأتـى بـراده واقبل تحيات الوفى وأنـت مشكـور=والمـرء ماينـلام بعـد إجتـهـاده وســــــــــــــــلامــــ ـــتـــــــكـــــ أخوك / غازى أبوزوايد |
رد: ديوان الشاعر / غازي ابن عجاب ابو زوايد الى أخوى الوفى الشاعر العذب على محمد الحربي ( ابو عمر ) ياعلى يامشكاى جبـت المطمـه=الورد فى ذاته جمـال الطبيعـه وعليه سمـى لابسـات الأزمـه=اللى عليهن بعض الانفس صريعه مثل اللذى حول على الكبد سمـه=اللى ذبحنى بالعيـون الوسيعـه اللى على شانـه تلاجيـت لمـه=وطلبتها فـى كـل ماتستطيعـه ونصيت خاله ثم تزبنـت عمـه=ومن سبته بانت علـى الهزيعـه والعود جيتـه واتخطـف معمـه=الله يجازى شيبته فـى صنيعـه هذا وانا لـك بالامـور المهمـه=وأضمن لك الثنتين حسب الشريعه ارجو ان تنال إستحسان الجميع |
رد: ديوان الشاعر / غازي ابن عجاب ابو زوايد أيها الأخوه اهديكم هذه القصيده وأرجو أن تنال إعجابكم وادعتهـم وأقفيـت والـدمـع سـكـاب=ومشيـت عنهـم عبرتـي هـي زهابـى * هو الشيخ / متعب بن عبدالعزيز بن مضيان الله يادمـع(ن) جـرى بـيـن الأهــداب=يـوم(ن) جرالـي مادخـل فـى حسابـى أفــرك الكفـيـن وأعــض بالـنـاب=جـداى أعـض إبهـام كـفـي بنـابـى حقـي وماجانـي هوايـه مـع أجـنـاب=لوسـال دم الجـوف ماحـد(ن) درابــى صحيـح نـور العيـن ماهـوب لـعْـاب=علـى النقـاء حبـه وحـبـه سطـابـى لكـن دونـه حالـت إقفـول وأبــواب=ونـاس(ن) تعجـن هروجهـا ماتهـابـى وجيت المطـار وخاطـري مابعـد طـاب=عنـدي كـلام(ن) ماهرجـتـه ولابــى مـا للكـلام بعـض الأحيـان مضـراب=لاقلـت قـول ولا إحتـريـت الجـوابـى وخرج جوازى ضابط(ن) وأسمـه عقـاب=عقـاب نـاصـر خـرجـه ماشقـابـى وطارتبـي البوينـق مـن دار الأحـبـاب=حدر السماء ضاف (ن) تحتهـا السحابـى كن السحاب إخشوم برق(ن ) ورى إهضاب=موصفـه متعـب عـزيـز الجنـابـى * وأنا إستعـرت الوصـف مانـي بكـذاب=ماخـذ حـلال الغيـر مـثـل المـرابـى معي عليها أوجيه (ن) أجنـاب وأغـراب=يقـودهـا كبـتـن كبـيـر الـعـلابـى تبـعـد الأحـبـاب وتـدنـي أقــراب=تطـوي مسافـات الفضـاء والهضـابـى وجيت السعوديـه وأنـا القلـب منصـاب=غيـر الضـلـوع الناحـلـه مابقـابـى مع سوء حظـي مختلـط عـدت أسبـاب=يالوعـتـى ياحـسـرتـي يـاعـذابـى وإن مالطفبـي خالـقـي رب الأربــاب=وليـت مـولاء إمقـيـط لا وا سفـابـى رحمه الله تعالى والمزن كنه روس برق ورى هضاب=واسافله سود(ن)من المـا مدانيـق |
رد: ديوان الشاعر / غازي ابن عجاب ابو زوايد هذه أيها الأخوه من ارشيف الشاعر غازي بن عجاب أرجو أن تحوز على رضاكم وإستحسانكم قعدت أشك بكـل حاجـه حوالَـي=ْواللون كله صار عنـدي رمـادي لواستمد الضي من عالـم الضـي=اليا وصل عندى تحـول سـوادي يالَىْ ياعصر ٍ مضـى لـي يالـي=مافادني حرصي وكثـر إجتهـادي أربع سنين أباشر الـزرع بالـري=وجاه الدبا الكتفان وقت الحصادي مالي جدى الا ياملا أفـرّك ايـدي=مكاسب الـزّرّاع عنـد الجـرادي أكلتها فى لحيتي... مابهـا شـي=هذي على ماقيل ( كبوة جـوادي) ومن عقبها يسترجع حقوقه الحي=حتى ولو طال العنـا والجهـادي ويصير له ميعاد مع عالم الضـي=واللون كلـه مايتحـول رمـادي وان عاضبت مركاى قمة جبل طى=ومعى الكريم اللى عليه إعتمـادى مانى وأنا غازى ابعي( ن) ولد عى=هذا الصحيح وذا الكلام الوكـادى |
رد: ديوان الشاعر / غازي ابن عجاب ابو زوايد يقول شاعرنا القدير انني ارسلت الى إستاذى واخوى الكبير على بن محسن بن عبيدالله الفريدي واللذى أعجب بها أيما إعجاب وهى قديمه طبعاً يامن يوديلي سلامي لذولاك=العالم اللى راقين مستواها اللى رمورجلى على حبل الادراك=وحارت وصارت ماتميزخطاها مالى جدى ياكود اطالع بلأفلاك=وافز الى ذعذع شمالي هواها مغير انوح بنوح ورقاً على راك=على الغصون المايله من طراها والحال منى ماسوت قطف تنباك=مريض من دنيا تزايد عناها يافرحتي ياعزوتي لاعدمناك= ياعلى يامشكاى روحى كواها يابو محيسن عانك الله وعافاك= رد الرساله لاوصلكم نباها وارجوك شفلى حل من صافي ارياك=بلكي عسى عيني تحصل مناها لاصار يوجد دونها شبك شرباك= ومراقبين دونها ومن وراها وشلون أصير لقايد الريم ملاك=اللي برى حالي وزايد طناها اللى ترك حالى تقل عود مسواك=والقلب كنه وسط حامي لضاها ومشاكلى ذى كان الاحوال تخفاك= هذى هي آخرها وذا مبتداها والحر تكفيه الاشاره وأنا أنخاك= ولاحد شكاله جمرة ماوطاها ولقد رد علي بقصيده قويه منها يامرحبا ياخط واللى لنا أملاك= عدت نجوم ساطعه فى سماها وعسى الشلل يالقرم مايصيب يمناك= ياللى بيوته تبحل اللى قراها انته فهيم ماتبي الناس تقداك=لاشك ماوضحتلى عن قداها اوصف لنا وبين لنا وين مشهاك=اللى سطابك يالسنافي غلاها إن كانها بالمال لاتسوق دنياك=مطلوبك ومطلوبهم مع رضاها جميع ماملك كلها من فداياك=مطلوب نفسى شوف عينك مناها الاانها كد صادها قبل شباك=عينك عسى مولاك يجبر عزاها اللى بملك الغير يصعب بالادراك=يحدك الملاك وعنك يحداها واللى تشكيله كد تقدع بشكواك= لاشك يخفى علته عن اعداها حاذور لاتبين مشاكيك لعداك=اهل النمايم شتت الله شضاها وهى اطول من ذالك لكن هذا ما احفظ |
رد: ديوان الشاعر / غازي ابن عجاب ابو زوايد يقول شاعرنا انه كلمته إخته بعد وفاة الوالد بفتره مكالمه تلفونيه وحزنت جداُ لإني تذكرت والدى أثناء المكالمه وسكت لم أجب عن أسئلتها وجائت التاليه يم فارس لاسكت ارحمى حالي=إعذريني ماقدرت أكمل الرده من كلامك يوم فارس يورالى = إن هاك العودمامات من مده ذكرتيني بالأحد موتة الغالى=يوم تذرف عيني الدمع مارده ذكرتيني يوم أضمك من إهبالي =يوم كلن غرقت دمعته خده وهلت الدمعه على الخد عزالى = وعبرتي ياخوك بالصدر مشتده |
رد: ديوان الشاعر / غازي ابن عجاب ابو زوايد قووووول شاعرنا ان هناك بعض الشعوب يؤمنون بالغيبيات حتى ولو كانت شركيه وعندما كنت بزيارة أحد الاصدقاء كان هناك صديق له يدعي قراءة الفنجان وطلب فنجاني لقراءته فرفضت ذالك الاإن صديقي أخذ فنجاني عنوه وأعطاه صديقه فقلب فنجاني بالصينيه حتى يتسرب باقي القهوه وينشف فقلت له :- يـاقــاري الفـنـجـال كـانـنـت قـــاري=بالله تـــــرجـــــم مــالــقــيــتــه وقـــــلـــــي بالله تـــرجـــم مـالـقــيــت وحــــــذاري=تـكـذب علـيـه كـافـيـن ماحـصـلـي أنااللـذي ياشـيـن شـفـت الـعـزاري=مـافـيـه يـــومٍ والـبـخـت ضاحـكـلـي ياماسمعت بهرج مبغض وزاري=وأسكـت جدايـه قــول خـلـه يـولـي أدرى وتدري منـت للغيـب داري=لـكــن أبـيــك تـقــول قـولــن يـسـلــي الـغـيـب يعلـمـبـه إمـديــر الـــذواري=عـالـم خفـايـا الـكـون دقــه وجـلــي |
رد: ديوان الشاعر / غازي ابن عجاب ابو زوايد أيها الاحبه هذه من اوراقه القديمه ولكن لطلب واحد من المراقبين قام بأنزلتها لنا أنـــا أزرع ورود الـحــب وأنــتــه عــلــى عـمـيــاك=تـــقـــطـــع ورودٍ لـــــــــى ســــنـــــه مــعــتــنـــن فـــيـــهــــا وأنــا أهـديـك ورد الـحــب وأنـتــه مـــن الأشـــواك=تــــجــــمــــع هــــــدايــــــاك الــعــظــيـــمـــه وتـــهـــديـــهــــا أنــا أحسـبـك ترعـانـى مـثـل ماجـلـسـت أرعـــاك=فـــــــلا شـــــــك بـــانــــت نــيــتـــن كـــنــــت مـخـفــيــهــا أنا أخلصت لك بالحب وأنت الغرور أعماك=أعــــمــــاك الــــغــــرور ونــــيــــة الــــغـــــدر نـــاويـــهـــا تـحــمــل تـحــمــل يـالـغــضــى مــاجــنــت يــمــنــاك=أنـــــــــا أقـــفـــيـــت مــــالـــــى بـالــمــحــبــه وراعـــيـــهـــا أنـــا أقـفـيـت مـالــى فـــى حـبـيــبٍ مــثــل حـلـيــاك=يـــبـــيـــع الــمــحــبـــه كـــــــــل ســـــاعـــــه ويــشــريـــهـــا أنـــا أقـفـيــت عــنــك وداك شـيـلــه بــوســط رداك=وعــــــلــــــى الــــــحــــــرام وجــــــيــــــرةٍ زود مــاثــنــيـــهـــا لــخــلـــيـــك تـــــنـــــدم والـــــنـــــدم يــقــبـــلـــه شــــــــــرواك=نـــهـــايـــتــــك مـــحـــتـــومــــه مـــحـــبـــتــــك مــلــغـــيـــهـــا وأنــــا مـاتـشـمـت فــيــك والــلــى وصــلــك أكــفـــاك=وأنــــــــا أقــفـــيـــت مــــالــــى بـالـمــحــبــه وطــاريـــهـــا |
رد: ديوان الشاعر / غازي ابن عجاب ابو زوايد مادام انا انسان تحكمني قناعاتي=مـحـكـومً مـثـلـك تـمـامـاً بإقتـنـاعـاتـك لايمكن ابكـي علـى يازيـن مافاتـي=هوليـه تبـكـي عـلـى يـازيـن مافـاتـك اول جـمـيــع اتـجـاهــك للـتـجـاهـاتـي=وانـــا جـمـيـع اتـجـاهــي للتـجـاهـاتـك واليوم وش فايـدة نفيـي مـع اثباتـي=لاصار ماينفعـك نفيـك مـع اثباتـك اقـفـيـت عـنـكـم بسـيـاتـي وحـسـنـاتـي=وانــتــه مـقـفــي بـسـيـاتـك وحـسـنـاتــك ماني مصدق معك هـذى نهاياتـي=لكـن مـاصـار عـجـل فــى نهايـاتـك مــع الـسـلامـه وسامـحـنـي بسـيـاتـي=وانـــا مسـامـحـك يـالـغـالـي بـسـيـاتـك |
رد: ديوان الشاعر / غازي ابن عجاب ابو زوايد يقول شاعرنا تعجبني مداعبات أخوى الكبير بقدره خلف بن عتاق الفريد ولذلك جاريته على قصيدة له واشيب عيني لفـت بالشايـب مكيـف=مشتاق يبي الغزل ماهي عجاريفـي إمـــام مـسـجـد كـبـيـر الــســن مــازيــف=قولن صحيح و وكادن ماهو بزيفي يـقـول أنـــا ظـيــف للـعـشـاق مـاظـيـف=مـهـولـن يـاجـمـاعـة خــيــر هالـظـيـفـي عـقـب ثمانـيـن عــام قليـبـه صـخـيـف=يشـكـى هــواً خافـيـن عـنــده ولاشـيـفـي والله يــالــو لاعــتــه مـلـعـونـة الـطـيــف=إنـه ليسهـر مـن اللوعـه مـع الطيـفـي لوكـنـت أعـرفـه ثقيـلـن مـاهـو خفـيـف=مار الهـوى صعـب وفـراق المواليفـي هــذا وأنــا بانصـحـه لايـعـدي الـنـيـف=تـرى الطويلـه تجـي معهـا السواليفـي |
رد: ديوان الشاعر / غازي ابن عجاب ابو زوايد تعجبني مداعبات أخوى الكبير بقدره خلف بن عتاق الفريد ولذلك جاريته وأرجو السموحه إن كانت قصيدتي دون المستوى واشيب عيني لفـت بالشايـب مكيـف=مشتاق يبي الغزل ماهي عجاريفـي إمـــام مـسـجـد كـبـيـر الــســن مــازيــف=قولن صحيح و وكادن ماهو بزيفي يـقـول أنـــا ظـيــف للـعـشـاق مـاظـيـف=مـهـولـن يـاجـمـاعـة خــيــر هالـظـيـفـي عـقـب ثمانـيـن عــام قليـبـه صـخـيـف=يشـكـى هــواً خافـيـن عـنــده ولاشـيـفـي والله يــالــو لاعــتــه مـلـعـونـة الـطـيــف=إنـه ليسهـر مـن اللوعـه مـع الطيـفـي لوكـنـت أعـرفـه ثقيـلـن مـاهـو خفـيـف=مار الهـوى صعـب وفـراق المواليفـي هــذا وأنــا بانصـحـه لايـعـدي الـنـيـف=تـرى الطويلـه تجـي معهـا السواليفـي وسلامتـــــــــــــــــــ ـكــــــــــــــــم |
رد: ديوان الشاعر / غازي ابن عجاب ابو زوايد أيها الاخوه الكرام هذه خاطره بسبب ماينشر من قصائد بالصحف وغيرهاويكتب تحتها الشاعر الفلاني وأطلب من الاخ العزيز على بن محمد بن جضعان عدم الرد والاكتفاء بالقراءه فقط...... الا يـاعـلــي بـــــن جـضــعــان ويــنـــك=ابـااســمــعــك نـــبــــذه مـــــــن جـــديــــدي ابــيـــوتـــن قــلــتــهــا مــــاهــــي طــويـــلـــه=وانـــــا لـــــو قــلـــت مـايـنـفــد رصــيـــدي وانــــا مــاقــول انــــا الـشــاعــر ولــكـــن=انــــــا قـــصـــاد وشـــهـــودي قــصــيـــدي يـومـن الـكــل يـسـعـى لإســـم شـاعــر=انــــا خــذيــتـــهـــا يـــالــقــــرم بـــيــــــدي رجــــال الــمــعــرفـــة بـــه لــقــبـــونـــي=وانــــأ والله مـــحـــبــــه يــاعـــضـــيـــدي وان شفت حمود جاء يشعب ذلوله=مـــعـــه حـــمـــاد مـــــــع عـبـدالـحـمـيــدي جـخـاخـن شـالـهـا إبـلـيــس الـمـسـمـى=عـســى إبـلـيــس الـمـسـمـى مـايـفـيـدي اقــــول اهـلــيــن يــارجـــال الـشـجـاعــه=هــــل الــصــولات والـفـعــل الـمـجـيـدي وامـشـيــهــا عـــلــــى الـــلــــي يـرغــبــونــه=ولاســمــع راي مــــن مـقــطــوع قــيـــدي والــــــى حـــقـــت حـقـايـقــهــا حــضــرنـــا=لـنــا الـوقـفــه عــلــى الـعـلــم الـوكـيــدي لـــنـــا الــوقــفــه عـــلـــى عــــــز ومـــعــــزه=بـــــمـــــدة يــــــــد ولا بـــالـــنشـــيــــدي مـــواقـــفــــنــــا قــــديـــــمـــــه يـــالـــبـــنـــاخـــي=مـابــي فـيـهـا مـحـامـي مـــع شـهـيـدي ولـــكــــن مــعــطــيــات الــــوقــــت هــــــــذا=تـــــدق مـــــن الاخــلـــه فــــــي وريــــــدي عــلــى شــــان الـنــبــط لارحـــــم حــيـــه=تــــمــــهـــــزاه الــــقـــــريـــــب والـــبـــعــــيــــدي تــــرى شــعــر الـنـبــط يــبــي الـجــزالــه=عــلـــى مــوضـــوع مـايــبــي الـزهــيــدي هــــــذا رايــــــي وأنـــــــا حـــــــرن بـــرايــــي=تــســمــع وإســتــمـــع قـــــــول الــفــريـــدي |
رد: ديوان الشاعر / غازي ابن عجاب ابو زوايد أيها الاخوه بالذاكره بعض القصائد القديمه وهذه القصيده من الذاكره وقد اطلعت عليها أخوى مشعل بن مطيع وطلب تنزيلها ونزولاً عند رغبته أحببت إطلاعكم عليها وأرجو أن تحوز على رضاكم مادام انا انسان تحكمني قناعاتي=مـحـكـومً مـثـلـك تـمـامـاً بإقتـنـاعـاتـك لايمكن ابكـي علـى يازيـن مافاتـي=هوليـه تبـكـي عـلـى يـازيـن مافـاتـك اول جـمـيــع اتـجـاهــك للـتـجـاهـاتـي=وانـــا جـمـيـع اتـجـاهــي للتـجـاهـاتـك واليوم وش فايـدة نفيـي مـع اثباتـي=لاصار ماينفعـك نفيـك مـع اثباتـك اقـفـيـت عـنـكـم بسـيـاتـي وحـسـنـاتـي=وانــتــه مـقـفــي بـسـيـاتـك وحـسـنـاتــك ماني مصدق معك هـذى نهاياتـي=لكـن مـاصـار عـجـل فــى نهايـاتـك مــع الـسـلامـه وسامـحـنـي بسـيـاتـي=وانـــا مسـامـحـك يـالـغـالـي بـسـيـاتـك وســـــــــــــــــــــــ ــــــلامتـــــــــــــــ ـــــــكم |
رد: ديوان الشاعر / غازي ابن عجاب ابو زوايد أيها الأخوه هذه المشاركه خلجات أحببت إطلاعكم عليها وأرجو أن تنال إستحسانكم ورضاكم تاخذنـي الذكـرى ورى خمـسـة اعــوام=وتـاخـذنــي الــذكــرى لــذيــك الـسـنـيـنـي وتـاخـذنـي الــذكــرى مــــع أيــــام وايــــام=وتـاخــذنــي الــذكـــرى مـــــع الغـايـبـيـنـي وتأخذنـي الذكـرى مـن الشـرق للشـام=وتــاخــذنــي الـــذكـــرى وهــــــم غـافـلــيــن وإليـا إنتبـهـت أعـيـش فالـواقـع احــلام=حـلــمــن يــودعــنــي وحــلــمــن يـجـيــنــي مــــره عــلــى الــواقــع ومـــــرات بــأوهـــام=ومــــرات مــــدري ؟ حـالـتــن تـعـتـريـنـي نوبن مــســـجّـــم لاتـــكـــلـــم ولانـــــــــام=تـــقـــول أحـــــــل ألـــغــــاز يالـمـسـلـمـيـنـي نوب يغوص الناب في رأس الابهام=ونــوبـــن مــاغــيــر افــــــرك الـراحـتـيـنــي متـنـاقـضـات أعـيـشـهـا تــقــل مـنـضــام=ولايـــتــــيــــمــــن فـــــــــــــــارق الـــوالــــديــــنــــي أمـرن حــدث لـيّـه هـالايـام .. والـعـام=مـبـســوط كــنــي فــــي قـــــرارن مـكـيـنــي والـيــوم هـــذا بـيّـنــت خــمــس الاعــــوام=قـضـيـتـهــا مــــــع ذكـــريـــات الـسـنـيــنــي وســــــــــــــــــــلام تــــــــــكم |
رد: ديوان الشاعر / غازي ابن عجاب ابو زوايد عندما كان ولدي فيصل صغير وعند جده بزياره بالمدينه المنوره والقصيده قديمه بعض الشيء أحسست أنه أبطى علي فقلت هذه القصيده أرجو أن تنال إعجابكم الـبـارحــه يـافـيـصـل الـعــيــن مـامــرحــت=قـــامـــت تـشـايـلـنــي هــمــومــي وأشـيـلــهــا جداي أطالع صورةِ لك على الكبـت=أطــالـــع بـــهـــا يـــانـــور عــيــنــي وخـيـلــهــا وأتـخــيــلــك قـــــــدام عــيــنـــي بـضـحـكــتــك=ضحكـتـك تبـعـد عــن عيـونـي غليـلـهـا أخـيـلـك بـركـضـك والتـفـاتـك و وقـفـتـك=وهـــذا ســبــب نــثــرت عـيـونــي همـيـلـهـا ترى العز بوروك النساء قيل بالمثل=ســلــيــلــة شــغــامــيــمٍ يـــنـــومـــس سـلــيــلــهــا وأنــــا عــلــى شــأنـــك تـخــيــرت مـنـسـبــي=أبـــــيــــــك تــنــفــعــنـــي ونـــفــــســــي كــفــيــلــهـــا ربٍ خـلـقـنــي قــبـــل ذلـــــك مـــــن الـــعـــدم=عــلــيــه إتــكــلــت ونــفــســي الله وكـيــلــهــا وأبــــيــــك تــســويــبــي ســــواتـــــي بــــوالـــــدي=ودنــيـــاك مــنـــت مـصــلّــحٍ كــــــل مـيـلــهــا عسـى الله يجمـع شملنـا خـالـق الـمـلا=حــتــى أتــريــح مــــن هـمــومــي وشـيـلـهــا وسلامتكم |
رد: ديوان الشاعر / غازي ابن عجاب ابو زوايد ايها الاخوه هذه قصيده قديمه عندما كنت في إحدى الدول الاوروبيه نما إلى علمي أن هناك من تكلم في ويعذرب سفرياتي بإن لي أهداف غير طيبه من هذه السفريات وكان الجواب على شكل رساله لإخي إبن عمي الشاعر مهل معجب ابوزوايد وأنا لازلت هناك فأتى الرد منه لكن للإسف لم أحتفظ في رده ولطلب مشعل المجالس نشرتها القصيده :- يــاراكـــب الــلـــي مــثـــل فــــــرخ الـقـطــامــي=يـــــوم أقـلــعــت شـكـمـانـهـا يـشـتـعــل نــــــار مــنـــه اللهب خـمـسـيــن مـــتـــرن تــمــامــي=تـــقــــول مــاكــوكـــن عـــلــــى الأرض دوار يـسـوقـهــا الـكـبـتــن لـــــواء مـــــن شــمــامــي=مـــــن رتــبـــت مــــــلازم مــــــع الـجـوطــيــار خــــريــــج دوره مــــــــن مــعـــاهـــد مـــيـــامـــي=ولـــــد الامـريـكــانــي تـــقـــل يـطـلــبــه ثــــــار مــــدربـــــه تـــــدريـــــب قـــــاســـــي وحـــــامـــــي=يـــــامـــــا تـــــخـــــرج لــلــمــهــمــات بـــيــــطــــار ســاعــة ركــــب فـيـهــا وصــــك الـحــزامــي=فــــحــــص مــحــركــهــا ودقــــــــه بــــــــالأزرار صـــــــك الـكـبـيــنــه وأعـــلــــن الأســتــلامـــي=قــــــال إسـتـلــمــت الــطــائــره دون تـــكـــرار وشـــلّـــع بـــهـــا قـــبـــل حـــلـــول الــظــلامـــي=مــتــوجـــه لــلـــشـــرق يــــــــاواق الأخــــطــــار مـــــتـــــوجـــــه بــــرســــالــــتــــي وبـــــســـــلامــــــي=وأزكــــا تـحـيــه مـــــن ظـمــيــري لـلأخــيــار الـــــى وصـــلـــت ديــــــار قـــومـــن كـــرامـــي=نــزل خـطــاب بـداخـلـه خـمـسـة أسـطــار تـعـبــيــر مــــــن قــلــبـــن طـــــــواه الـهــيــامــي=دارت بــــــــه الأيــــــــام والــــوقـــــت غـــــــــدار ويـــومـــن أبــــــو خـــلـــف عــلــيّــه يــحــامــي=مـهــل ولـــد مـعـجـب إلــــى صـارمـاصــار أشـكــي عـلـيـك الــحــال يــابــن الـعـمـامـي=وعندك جميع اللي حصللي من أخبار مــــارحـــــت أدور لابــــســـــات الـــزمـــامــــي=ولاقـــــريـــــع الـــــكـــــاس فــــــــــي بـــارخـــمــــار لاوالـــــــذي يــنـــشـــى حــــقــــوق الــغــمــامــي=مرسـي سفيـنـة نــوح فــى غــب الأبـحـار الـمـقـصـد إنــــي مــــن رجــالـــن حـشــامــي=يـبــو خـلــف وأخـــاف مـــن هـــرج هــــذار الــخــايــبـــيـــن الــنــاقــصـــيـــن الـــخـــمـــامـــي=المـبـغـضـيـن الــلـــي يـبـيــحــون الأســــــرار هــــــــذا وأنــــــــا مـالـيــلــتــن فــــــــي مـــنـــامـــي=مـاشـفــتــكــم قـــــــــدام عـــيـــنـــي وحــــضـــــار تــــمـــــت وصــــلـــــوا كــــثـــــر عـــدالانـــامــــي=عـلــى الـنـبـي المصـطـفـى ســـر وجـهــار وسلامتـــــــــــــــــكم |
رد: ديوان الشاعر / غازي ابن عجاب ابو زوايد رساله محبه وتقدير لخوي الكبيربقدره الشاعر الخلوق صاحب الدم الخفيف خلف بن عتاق الفريد وأحببت إطلاعكم عليها لعلها تحوز على رضاكم تـــســــدح عـــلــــى الـبــســفــور يــاخــلـــف الــعـــتـــاق=وعلى البحر الأسـود شـوف الأجـواء الطبيعيـه وعلى شاطي إيجه شوف كيف النظر ينساق=والامــــــواج تــــــرســــــم صـــورتـــنـــلـــك حــقــيــقـــيـــه ورذاذ الــمطــر مـــن غـيـــر راعــــد ولا بـــــراق=ونــــسـمـــــه حــنــــونـــــه يــالــبـــنـــاخـــي شـــمـــالــــيــــه بـــــجـــــوٍ طــبــيـــعـــي يـــبـــعــــد الــهـــــم والارهــــــاق=يــخــلــيـــك تــــســرح فـــــي هــجـــــوسٍ خــيــالـيـــه جــمــــال الـطـبـيـعــه خـابــــره يــاخـــلـــف ســــــــراق=ويــقــولـــون شــيـــبـــان ٍ لــــنــــا الــعـــمـــر عــــاريــــه تــغــانـــم زمـــانــــك ودفـــــع الــــشــــوق بــــالاشــــواق=نــصــيــحـــه يـــابـــــن عــمـــــي ولاهــــي بـمــقــفــيــه عـــطـــاك الـــولـــي سـبـحــانــه الــخــالـــق الـــــــرزاق=جــزيـــل الـعـطـايــا خــالـــق الــمــيــت مــــــن حـــيـــه وانــــا مـاحـســد الـمـخـلـوق مــمــا عــطــا الــخــلاق=ولــكـــــــن تـــذكــــرت الـــــحـــــيـــــاة الــطــبــيـــعـــيـــه وسلامتكم |
رد: ديوان الشاعر / غازي ابن عجاب ابو زوايد أيها الاخوه هذه خاطره قديمه ونزولاً عند رغبة أخوى العزيز على الجضعان قمت بنشرها وأرجو أن تنال إعجابكم وإستحسانكم :- أنـا شاقنـي بــرق تـحـدر سحـابـه شــرق=تـحــدر سـحـابــه واحــــرق الـقـلــب بــراقــة تحدر سحابه شـرق والقلـب زاده حـرق=والاواعـــذاب الـلــي غــــدا قـلـبــه إحــراقــه من اللـي درقنـي بالهـوى والمحبـة درق=وأنــــــا مـــادريــــت إن الـغــنــاديــر دراقـــــــه زرقني برمح ذياب بين المحاني زرق=وراح ايتـمـخـطـر مـاتـقــول الـعـهــد بــاقــة علـيـه الله اكـبـر لأتغـنـى حـمـام الـــورق=ذكـرلـي زمـانـن يشـكـي الـحـب وأشـواقــه هاكـا اليـوم ولا اليـوم بينـي وبيـنـه فــرق=ياليته يشوف اللـي حصلـي مـن إفراقـه إفراقه سرق قلبي وهو بالمحاني سـرق=أثــر ياجمـاعـه مـالــك الـمــال سـراقــه؟؟ وســــــــــــــــــلامتـ ـــــــــــــكم |
رد: ديوان الشاعر / غازي ابن عجاب ابو زوايد هذا ردي على قصيدة الشاعر العلم خلف بن عتاق الفريد المعنونه ( عيسى الحساوي) ارجو ان تليق بمقامه وتنال إستحسانكم حـــيــــا الله الـــلــــي يـشــتــكــي لـــــــي ونـــــــذّر=غـــــيــــــره وقـــــولــــــه مـــايــــجــــي بـــالـــمـــنـــاوي ويـــــقــــــول دمّــــــــــــه مــــــاحــــــصلله إيــــــنــــــذّر=يالله دخــيـــلـــك عــــــــن جــمـــيـــع الــــبــــلاوي كــــــن الـــهــــوى وســـــــط الـــمــــزارع إيـــبــــذّر=يـــومـــه شـــكـــى قـــصـــة هــــــواه الــعــمــاوي يـــشـــكـــي عـــلـــيّـــه حـــــــــب خـــــــــلٍ تــــحـــــذّر=عـــــن شـوفــتــه والــعـــود طــخّـــه ســـمـــواي وأنـــــــــا أشـــتـــكـــي قـــبـــلــــه وكــــــــــلٍ تـــــعـــــذّر=ولا فـــادنــــي كـــثــــر الــحـــكـــاء والــــعــــزاوي لاشـــفــــت خـــلــــك صـــــــد عـــنــــك وتــــقــــذّر=خــــلـــــه لـــعـــلّــــه بـــــيـــــن هــــــــــاوي وعــــــــــاوي ولو كنت مدري وش ورى قصة الذر=لـــكــــن حــــجــــرف يــــــــوم وقــــتــــه غــــنــــاوي وسلامتـــــــــــــــــــ ــكم |
| الساعة الآن 10:02 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
