|
للشعراء والمتذوقين هنا في استراحتنا اردت ان نستعرض بعض القصايد اللتي تحمل المعاني المدفونه مثل مايقولون وهي القصايد المبطنه وذات الرمزيه في جميع اغراض الشعر النبطي والفصيح ان اردتوا بشرط ان تكون مكتمله الشروط التي ينص عليها دستور المجالس.وان تكون هاذه القصايد من شعراء القبيله او من خارجها لكم الاختيار...وكلا يدلي بدلوه حول موضوعها فكذا قد نكون توصلنا الى تفسير متقارب على الاقل وينطبق عليه كذا شرح وهاذا يلزم الشعراء ويكون صاحب المشاركه آخر من يقوم بشرح القصيده حسب عرفه ومرئيته والا معروف ان المعنى ببطن الشاعر المراد منها التفكير بعمق والتثقيف في معاني الشعر وفهم القصد ومنكم نستفيد اول قصيده استعرضها لكم واقدمها الى المشرحه قصيدة عوض خيران يانت يالنتر نت ياسبع ياست ياللي رقم شاصيك صفرين سته تبي الصعود وطحت مصروع واصعدت وتبطي وضلع المرجل ماصعدته لنك فضيحه لو تكت الذهب كت يمكن عل حفرة جهنم تكته والجو هادي وانت طايش ولا هدت وطمعت في رزق اليتيم وهجدته وجتك الهبوب اللي تزت الورق زت اما تزته زت والا تحته واليوم طحت وصحت وتصاد ماصدت الا الصنم وابن الصنم ماعبدته!!! ولاهي يديك اللي تفت الحصى فت انته بحته والهلالي بحته جاتك احبالك كلها بتها بت اللي تحيزم فيه واللي تبته وسفره بلا عوده يابو شر لاعتد ياللي رقم شاصيك صفرين سته عطونا وجهت نظركم حول مايقصده بن خيران وماذا لو كانت المده محدده اسمع ا رائكم واقتراحاتكم حول هاذا الموضوع وتأييدكم له دمتم بحفظ البارئ |
رد: للشعراء والمتذوقون اخوي نواف موضوعك اعجبني ياليت التفاعل ل نستفيد من هذا الطرح ونتعرف على الشعر ذو المعاني المدفونه طرح راقي لكن اتوقع ان التفاعل فيه صعب اين الشعراء // وأين المتذوقين تقبل مروري الصريح |
رد: للشعراء والمتذوقون اخي ابو الرجال مشكور على بوادر الشعور صدقني ان المتذوقين اكثر اعجابا من الشعراء بهاذا الموضوع وسيأتونك قريبا . ولكن بحكم الضروف اخي ابو الرجال انت متذوق وانا يقولون الكثير عني انني شاعر ماريك ان نبداء بشلهبتها ونشوف من المؤيد والعكس انا واعوذ بكلمة انا ارى انه عندما قال واليوم طحت وصحت وتصاد ماصدت انه شئ ثابت مثل الرادار وتبطي وضلع المرجل ماصعدته لنك فضيحه لو تكت الذهب كت يمكن عل حفرة جهنم تكته والجو هادي وانت طايش ولا هدت وطمعت في رزق اليتيم وهجدته وجتك الهبوب اللي تزت الورق زت اما تزته زت والا تحته هنا يقصد العقل المدبر يعني والله اعلم انه بقصد بها ساهر وصاحب شركة ساهر جاتك احبالك كلها بتها بت حزام الامان اللي تحيزم فيه واللي تبته وسفره بلا عوده يابو شر لاعتد بس اللي مجنني هالرقم ياللي رقم...... 006 هل ساهر بتعاونه مع الاتصالات له كود او رقم معين عاد هاذي عليك يابو الرجال ولا يهونون الربع اذا عاد قدرنا نطلع بنتيجه والا يشوفون قصيده غيرها اهم شي الفكره .. وتأييدها ومكان لها بين الاقسام وهاذا عمل ماعتقد انه موجود في المنتديات الاخرى وهاذا يحسسنا بالخوف لانها جديده علينا وفيها مسؤليه . المهم ان يتطلع عليها من اراد ان يخدم الشعر في موقعنا او المواقع الاخرى ويعود له بماينفعه ومن حق كل متذوق ان يدخل عليها ويقراء مايحلوا له ولكن لابد من حفظ الحقوق لمجالسنا اخي ابو الرجال انا قد قلتها لك انت ابو الرجاجيل ... احترامي |
رد: للشعراء والمتذوقون اشكرك اخوي نواف على الموضوع واعتقد ان فسك الشعر هو الانسب له مجرد رأي |
رد: للشعراء والمتذوقون موضوع مميز . . . . اعتقد إنه وضح مراده بالمطلع عندما قال : يالأنترنت . . |
رد: للشعراء والمتذوقون ودع الصبر المخيم على البال الوسيع وانتبه لا تطرق ايديك باب المستطاع .. هات روس المستحيلات وأقرنهن جميع أنت جايع والمشاريه من حولك جياع .. جعل حظك ينبت الورد ما ينبت ضريع صرخةٍ من واقع الحال تعطيك اندفاع .. خابر إن الضيق فالجاش والقلب الوجيع ما درت عنه التباريح وكبود الشباع .. أمسك الضلع القصير قلم سحر وبديع والدقل باقي ضلوعك تعلق به شراع .. ارسم البسمات والشمس وأزهار الربيع وأفتخر لو كان ما من عبير ولا شعاع .. السنين أوحش من الليل في عين الفجيع وأكذب من الذمة اللي مخابيها وساع .. ليت غايات النفوس العفيفة ما تضيع بين قلة ذات الأيدي وسطوات السباع .. لا رعى الله من تولى سياسات القطيع استطاب الجمر والجمر ما يصلح متاع .. وين حق الناس مثل المهادي مع سبيع مزج ما بين التفاني وعلم الإجتماع .. ينفطر قلب الحمامه على الغصن الرفيع والورق يندى محياه من نزف اليراع .. كم وديع ٍ مقدر أقول ياهل الوديع بينك وبين الوداعه مساحة واتساع .. لاتغرك ضحكةٍ في فم الطفل الرضيع آه لو تدري بما بعد ضحكات الرضاع .. وكم فقيرٍ كل ما حاول إنه يستطيع ما لقى له من يد الفقر تسليمة وداع .. لو بدا له في الدجا نجم واقتاده وزيع تاليته يودع الصبر ما للصبر داع .. يمكن أن الجرح ما مر في عمره سريع بس عمره مر فالجرح من بدري وضاع .. ناصر بن ثويني العجمي |
رد: للشعراء والمتذوقون قصيدة العجمي قصيدة سفسطه , .. . انتبه لا تطرق يديك باب المستطاع !! . . ليه يالعجمي ؟ سلامات ! |
رد: للشعراء والمتذوقون هلا والله ابو راشد كنا نسولف فيك قبل ساعه تقريباً من زمان وانت على البال يابو راشد قصيدة العجمي سلمك الله ودع الصبر المخيم على البال الوسيع وانتبه لا تطرق ايديك باب المستطاع .. هات روس المستحيلات وأقرنهن جميع أنت جايع والمشاريه من حولك جياع اعتقد يقصد شعره وانك لاتتكلم بالحقيقه البينه لابد من تشفييير لكي ترضي من حولك بدون ان يحسون المسؤلين واذا حسوا لن يسالونك عنها لانها لاتعرف عند الاغلبيه<<< بالعكس ممكن ان يعجبوا السنين أوحش من الليل في عين الفجيع وأكذب من الذمة اللي مخابيها وساع .. ليت غايات النفوس العفيفة ما تضيع بين قلة ذات الأيدي وسطوات السباع .. لا رعى الله من تولى سياسات القطيع استطاب الجمر والجمر ما يصلح متاع .. حكام العرب واكلهم لحقوق شعوبهم من اراضي وخزنة الدوله و.و..الخ ولكن عسى غايات النفوس ماتضيع عند الابناء الاحفاد منهم ومن حكام المستقبل والابتسام امام الاعلام ولكن الدول التي لديها بترول مستحيييل ان يكون لديها فقراء باختصار ويبقى المعنى في بطن الشاعر |
رد: للشعراء والمتذوقون استمر اخوي نواف نحن متابعون نرشف بعض المعاني هنا كما نرشف الشعر نفسه أشكرك وبالأخير المعنى في بطن الشاعر |
رد: للشعراء والمتذوقون جميل يا نواف . . لا تطرق ايديك باب المستطاع , يعني اطلب المحال , وهذا وإن كان غير جائز عقلا وشرعا لكن ربما أنه يجوز شعرا وفنا وأدبا ,,, . . شكرا لك , موضوع فعلا مميز وله ذوق خاص . . . ولي الشرف يا غالي أن يمر اسمي في مجلسكم . |
| الساعة الآن 06:59 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir