محاوره بين الشاعرين / علي الجضعان & مقبل بن نمران

احبتي اسعد الله مسائكم بكل خير

ليس لدي جديد سوى ان تترقبوا المحاوره بين الشاعرين

عــــلـــــــــي الــجـــضــــــعــــــــا ن

مـــقــــبـــــل بــن نــــــمــــران

غدآ الإحــــد الموافق 10/10/1428هـ من الساعه 8 - 11 مساء

وسوف تكون مباشر ان شاءالله نرجوا من الجميع الحضور والإستمتاع علمآ بإنه
سوف تكون هناك توزيع هدايا قيمه جدآ للي يمسك الصف الإقوى <<<< تراني امزح

والنقطة الثانية انه في بداية المحاورة تمنع الردود وهذا الموضوع لايكتب فيه
الا الشاعرين فقط

وننتظر المبدعين الاحد الساعه الثامنه ان شاءالله


علمآ بإنها سوف تكون شبه اسبوعي او اسبوعيآحسب وقت الشعراء الذي نختارهم


شاكر ومقدر للجميع ولجهودهم وحضورهم

سلام رديه معزه وتقدير = ولمقبل النمران أجمل تحيه

من راس ربعن ينطحون المناعير = وياما ثنوهن دون راع الرديه

يا مرحبا ترحيبة شكلها غير=للي يسوق الطيبه والصخيه
ولأهل الوفاء اللي باللوازم مشاهير=ربعٍ لهم بالجود عز وحميه

بالله علمني حصيل المشاوير = عطني خبر يا ذيب قبل الضحيه
أخاف يدخل بينا أعوير وصوير = ويصير بالموضوع ميه قضيه

يا صاحبي للطيب ناسٍ مداوير=وكلٍ على فأله يسوق المطيه
نبي نصور موقف المزح تصوير=بأبيات تبقى من العواذل نقيه

اما هجدناهم طروش ومسايير = وإلارجعنا دون هضبه طميه
تكفى ترا الموضوع يحتاج تفكير = عجل علي الرد عجل عليه

لا بد للموقف قناعه وتبرير=ولا بد للموضوع روحة وجيه
اللي علينا ساق رجله من عصير=قلي وش يدور بهاك العشيه

مايهدي الموضوع لوتدهن السير = السالفه يافلان ماهي شويه
اطلب حلول الوضع ماهوبتخدير = مزال سر السالفه في يديه

قلب صفوف الملعبه وأشغل الغير=كلٍ يحدث صفحته من خويه
عصر الفضاء والتقنيه والأساطير=يالله دخيلك يارفيقي قويه

لاتحدني لناس واكشف غطاء البير = وأقولهم غلطه على حسن نيه
وأنته تسميها حماقه وتشهير = واصير اناوياك فيها سويه