ولا كل من غاص البحر جاك صايد ## السيف تعرف شذرته من سنانه ( لشاعر سعد بن هذيل)

لقد نشر في عدد مضى في جريدة الجزيره قصيده لشاعر ملفي فايز الغيداني يبدي فيها تذمره من تدني مستوى ما ينشر من الشعر في هذه الايام وقد وجدت القصيده صدى كبيرا بين مؤيد ومعارض .. ومن معارضي الفكره .... .. الوالد سعد بن هذيل :

.................القصيده التاليه قصيدة الشاعر ملفي الغيداني............

قالوا جديدك قلت مامن جدايد=الشعر ماله تالي الوقت خانه
تورسلوه مخربين القصايد=وأصبح مجال الشعر علكة لبانه
طلاسم بأسبابها الشعر بايد=ون طولت تقضي على عنفوانه
خف الجزيل وهابط الشعر سايد=والجزل شفت الهزل حل بمكانه
خص ليا طلعت بعض الجرايد=قنعت منه وقلت قفا زمانه
مافيه لاصحاب المواهب فوايد=من يوم كل قام يسرج حصانه
بالمعرفه ناقص وبالجهل زايد=ولا كل من غاص بالبحر جاب دانه
واللي بنات افكار هجسه فرايد=أعلن عزوفه عنه واطلق عنانه
وعن مايعكر صفو جوه محايد=ما عاد ينطق بالقصايد لسانه
لو كان في بدع التماثيل رايد=وتحس من نظم البيوت اتزانه
وتصخيرها بأسلوب ماهوب كايد=عنده مدى قدره وعرف وتكانه
لكن شاف وعاف سوق المزايد=وانا مآلومه لا حتفظ بالأمانه
واللوم مايلحق وسيع البنايد=وليا اعتذر معذور من علو شانه
ما عاد باقي لنوادر شرايد=وان كان باقي شي يحسب ذنانه

.............................. والشاعر سعد بن هذيل عبر عن رايه بالقصيده التاليه ::

بحسناك يامنشي هبوب النوايد=ياخالق المخلوق عالم كيانه
عذني من الزله كلام وعقايد=واجعل لنا من صايب القول اعانه
نبغى نجاري كاتبين الشرايد=مادام ملفي قالها في بيانه
الشعر حجه للعرب بالشدايد=يعرف مكانه بالصدور لزمانه
مثل الذهب لو قالوا الناس بايد=ليا حركه راعيه زاد لمعانه
من عصر بن سلمى الى اليوم جايد=حديث للاباب وأهل الرزانه
الجزل قايم لو تزيد الردايد=في ساحة الميدان تعرف سمانه
وأهل المواهب زايدين العدايد=كل يسمي من بناته جمانه
ولا كل من غاص البحر جاك صايد=السيف تعرف شذرته من سنانه
وراك عن كشف الحقايق تحايد=سق الشوارد من ضميرك اعلانه
عندك بنات الفكر ماهن بلايد=خل القلم بين البهام وبنانه
مالك ومال مكبرين الوسايد=مادام عندك لشوارد خزانه
الخيل تزلج في جويد الحدايد=وان طبت المضمار تظهر احسانه
واللي عزف عن نظم جزل النشايد=يبقى حشيم وله وقار ومكانه
ليا صار ماله بالمزاين عوايد=ياجب على مثلك يوسع بطانه
احفظ نياقك زاهيات القلايد=وعن مرتع الشويان بعد الكنانه

تقبلوا تحياتي

الشـعـر حـجـه لـلـعـرب بالـشـدايـد ### يـعـرف مكـانـه بالـصـدور لزمـانـه
مثـل الذهـب لـو قالـوا النـاس بايـد ### لـيــا حـركــه راعـيــه زاد لمـعـانـه

صح لسان الشاعر // سعد بن هذيل

وصح لسان الشاعر /// ملفي الغيداني



وشكراً لك فهد على ماأتحفتنا به من جديد الشعر!!

الـجـزل قـايـم لـــو تـزيــد الـردايــد *** فـي ساحـة الميـدان تعـرف سمانـه
وأهــل المـواهـب زايـديـن العـدايـد *** كــل يسـمـي مـــن بـنـاتـه جـمـانـه


صح لسان الشاعر الوالد / سعد بن هذيل
وصح لسان الشاعر / ملفي الغيداني

وسلمت يمينك على هذا النقل

وبيض الله وجهك

وأهل المواهب زايدين العدايد=كل يسمي من بناته جمانه

تشكر اخي فهد على هذا النقل واثراء المجلس وان اعجبني البيت اعلاه فليس لعدم جزالة الابيات الاخرى ولكن لانه يثبت حقيقة وجود المواهب وحقها بالبوح بما لديها .
وما اجمل الاختلاف وليس الخلاف بين الشاعرين والذي حصدنا نحن المتلقين ومتذوقي الشعر نتيجته بقصيدتين جزلتين من شاعرين يشار اليهما بالبنان. وربما يأتي بعدهما من يجاريهما ولديه وجهة نظر اخرى... ننتظر . تقبل مروري وتقديري لهذا النقل الرائع.


فارس الحرف

صح لسان الشاعر ملفي الغيداني
وصح لسان شاعرنا ابو فهد سعد بن هذيل

وسلمت يمناك اخوي فهد

نشكر كل من :



ناصر بن راكب
القسومي
فارس الحرف
ابو بندر


على اطلاعهم الفوق ممتاز ونشكرهم على حسن مرورهم
وابداء الرأي......................... وحياكم الله



وكذلك شكر خاص لخلف الفريد بمناسبة اهتمامه