ترى الرّدى والعيب هو فعل الانـذال______ وترى السّنـع والطّيب فعل الرجاجيـل

خلف بن زهيميل الجميلي الحربي


شاعر من شعراء حرب الاعزاء ...


شاعر تطرق لمواضيع اجتماعيه وخدم المجتمع في قصائده الجميلة ....


احببت لكم من خلال هذه الصفحة ان انقل لكم قصيدة من قصائده الجزلة والرائعه



واليكم القصيدة:

انا نويت اقول من عرض من قــال=ومن خلقت العالم على القول والقيـل
مـار السنـع ما يفهمـه كل رجّـال=كم واحـدٍ يمشي يبا الدرب ويعيــل
ولا ينتبـه في عيلتـه كل مـا عـال = مسكيـن مايعـرف نهـاره من الليـل
لا تناظـر الازوال ناظـر بالافعـال=تـرى الرجـال مفرّقتهـا المفـاعيـل
ترى الرّدى والعيب هو فعل الانـذال= وترى السّنـع والطّيب فعل الرجاجيـل
وعز الله انّي في هل الوقت مهتـال =وإنّـا بـدورٍ يفجـع القلـب ويهـيـل
والا معانيهـم عريضـات وطـوال= لاشـك نبي نذكـر عيـون المغازيـل
علـم المـره ماضي ولا فيه حـلاّل= تـاخذ على صعبين الأرياء مصاويـل
لو شال شيلـه هي توطّي اليا شـال=وتصيبـه الـذلّـه ولا يقـدر ايشيــــل
وان قلت له ذلّيـت ما قال انـا ذال =لا شـك ما ينفعـك في عدلـة الميـل
كانـه على مركاه ويسـاق فنجـال =تقـول ذولا مـا عليهـم مـداخـيـل
ولا تناظر الشّايب ولا تناظر عيـال=ساريـن في ليـلٍ وغاطيـهـم السيـل
صارت مقادمهـم حريـم وجهّـال =وتلقـى كبيـر البيـت مثل المريسيـل
ان طاعهم وإلاّ عليه الدّهـر مـال = مقفيـن عنـه وهـو يبيهـم مقابـيـل
وتشوف حاله كن يطويـه سـلاّل = جـداه قولـت لا تبـاركـت من جيـل
تلقـى الولد وامّـه بهم غي وهبال=هـي كنّها البغلـه وهـو كنّـه الـفيـل
هو يلبس الخنفس وهي تلبـس شـوال = وفيهم شواري من شواري اسـرائيل
اليـا اذّن المـذّن يبي هـوش وكتـال=أوجيـه جـربٍ محفيتهـا المثاميـــل
والام في صفّـه تقول انـت غربـال = تشنـى رجلهـا جعلهـا للغـرابيـــل
الجاهـل المرجـوج تتليـه عـقّـال= عقّالنـا صـاروا خـلاف المهابيـل
والعـود ودّه للـعـوج بالـتـعـدّال= لاشك ناض وطاح من فتـرة الحيـل
ممشـاك يالخنفس يغثّـي عل البـال= ياهل الطغـى ياقليّـليـن المحاصيـل
لا راح هـذا يـم ذولاك مـرسـال = قالوا ترى الموعـد بموعـد هاك اللّيـل
مواعـدٍ تمشي على شيـن الاحـوال= ابليـس يعـمـل لـلأوادم محـابيـل
النّـاس في غفـلات وابليـس حيّـال= يحـط لجنـوده مكاتـب وتسجـيـل
وعلامته قذلـه وعطـرٍ له اظـلال = واحـذاه لا احـذانٍ ولا هن زرابيـل
وان شاف له مجلس به ادلال وارجال=ما يجالـس اللي يشرب البن والهيـل
تلقـاه بالشـارع يداحـم بالاظـوال= وسيـارته تجـري عليهـا الغرابيـل
ولو هو بشهر الصـوم كنه بشـوّال=في خطّـة الشيطـان شيـن السوابيـل
ولحيتـه بالسّوق مثمونهـا ريـال = حلاّقهـم يجمـع الحاهـم فـي برميـل
وبعض العيال ارجال والطيب مازال= وسبحان من عنـده تنقّـص وتكميــل
وصلاة ربـي عـد ما رش همّـال =عـد النبـات وعـد رش الهمـاليــل
على النبي اللي مصـدّق بمـا قـال= وختمـت هـذا فـي تسبّـح وتهـليـل

خلف بن زهيميل الجميلي الحربي


شاعر من شعراء حرب الاعزاء ...


شاعر تطرق لمواضيع اجتماعيه وخدم المجتمع في قصائده الجميلة ....


احببت لكم من خلال هذه الصفحة ان انقل لكم قصيدة من قصائده الجزلة والرائعه



واليكم القصيدة:

انا نويت اقول من عرض من قــال=ومن خلقت العالم على القول والقيـل
مـار السنـع ما يفهمـه كل رجّـال=كم واحـدٍ يمشي يبا الدرب ويعيــل
ولا ينتبـه في عيلتـه كل مـا عـال = مسكيـن مايعـرف نهـاره من الليـل
لا تناظـر الازوال ناظـر بالافعـال=تـرى الرجـال مفرّقتهـا المفـاعيـل
ترى الرّدى والعيب هو فعل الانـذال= وترى السّنـع والطّيب فعل الرجاجيـل
وعز الله انّي في هل الوقت مهتـال =وإنّـا بـدورٍ يفجـع القلـب ويهـيـل
والا معانيهـم عريضـات وطـوال= لاشـك نبي نذكـر عيـون المغازيـل
علـم المـره ماضي ولا فيه حـلاّل= تـاخذ على صعبين الأرياء مصاويـل
لو شال شيلـه هي توطّي اليا شـال=وتصيبـه الـذلّـه ولا يقـدر ايشيــــل
وان قلت له ذلّيـت ما قال انـا ذال =لا شـك ما ينفعـك في عدلـة الميـل
كانـه على مركاه ويسـاق فنجـال =تقـول ذولا مـا عليهـم مـداخـيـل
ولا تناظر الشّايب ولا تناظر عيـال=ساريـن في ليـلٍ وغاطيـهـم السيـل
صارت مقادمهـم حريـم وجهّـال =وتلقـى كبيـر البيـت مثل المريسيـل
ان طاعهم وإلاّ عليه الدّهـر مـال = مقفيـن عنـه وهـو يبيهـم مقابـيـل
وتشوف حاله كن يطويـه سـلاّل = جـداه قولـت لا تبـاركـت من جيـل
تلقـى الولد وامّـه بهم غي وهبال=هـي كنّها البغلـه وهـو كنّـه الـفيـل
هو يلبس الخنفس وهي تلبـس شـوال = وفيهم شواري من شواري اسـرائيل
اليـا اذّن المـذّن يبي هـوش وكتـال=أوجيـه جـربٍ محفيتهـا المثاميـــل
والام في صفّـه تقول انـت غربـال = تشنـى رجلهـا جعلهـا للغـرابيـــل
الجاهـل المرجـوج تتليـه عـقّـال= عقّالنـا صـاروا خـلاف المهابيـل
والعـود ودّه للـعـوج بالـتـعـدّال= لاشك ناض وطاح من فتـرة الحيـل
ممشـاك يالخنفس يغثّـي عل البـال= ياهل الطغـى ياقليّـليـن المحاصيـل
لا راح هـذا يـم ذولاك مـرسـال = قالوا ترى الموعـد بموعـد هاك اللّيـل
مواعـدٍ تمشي على شيـن الاحـوال= ابليـس يعـمـل لـلأوادم محـابيـل
النّـاس في غفـلات وابليـس حيّـال= يحـط لجنـوده مكاتـب وتسجـيـل
وعلامته قذلـه وعطـرٍ له اظـلال = واحـذاه لا احـذانٍ ولا هن زرابيـل
وان شاف له مجلس به ادلال وارجال=ما يجالـس اللي يشرب البن والهيـل
تلقـاه بالشـارع يداحـم بالاظـوال= وسيـارته تجـري عليهـا الغرابيـل
ولو هو بشهر الصـوم كنه بشـوّال=في خطّـة الشيطـان شيـن السوابيـل
ولحيتـه بالسّوق مثمونهـا ريـال = حلاّقهـم يجمـع الحاهـم فـي برميـل
وبعض العيال ارجال والطيب مازال= وسبحان من عنـده تنقّـص وتكميــل
وصلاة ربـي عـد ما رش همّـال =عـد النبـات وعـد رش الهمـاليــل
على النبي اللي مصـدّق بمـا قـال= وختمـت هـذا فـي تسبّـح وتهـليـل