قصيدة الشاعر قالط سماح في حفل اهالي المخرم

قصيدة الشاعر قالط سماح المقطع الفريدي

في حفل اهالي المخرم ثاني اعياد عيد الفطر المبارك

_____________________

سلام من هاجس تعلى المراقيب=ينصا رجالً للوفاء والمواجيب
اللي صداهم عند قاصي وداني=مخارشه وافعالهم بالمكاتيب
يوم الفقر والكل يشكي من الجوع=اهل مغزا والكسب حرش العراقيب
ربعي وكلي فخر لاقلت ربعي=يوم الجهاله ياردون المشاريب
يوم ان ابن شرار بالشعر يرجي=وينخا هل الطولات والدعوه تصيب
ينخابها مثال وينخابها نعيس=اللي مضاربهم تحير الاطاييب
يطلبها كديميس يضرب بشلفا=وذبح بها من يد عكف الاشانيب
عندي لها ولغيرها اثبات موجود=ليا جاء مجال لسواليف تكذيب
مخارشه وافعالهم ماتحصى=ياما تعشى من مغازيهم الذيب
سنه وعشر اعوام في ثاني العيد=وصيت محفلنا واصلٍ للاجانيب
سباق خيل وشعر وتحفيظ قرآن=وجمعة محبه مابها شكٍ وريب
هذا ولد عمٍ وهذا بناخي=وهذاك له تقدير واغلى الاصاحيب
الله يكفينا من اهل النوايا=وتدوم جمعتنا على العز والطيب
ونفخر بأبن عباس شيخاً مؤمر=حرٍ وللمواجه يسن المخاليب
انا اشهد انه لصعايب مصيبه=يفداه لاشٍ ليّم الذل والعيب
واخوه متعب ماتغطى فعوله=بالحفل حاضر كل الاوقات مايغيب
تلقاه قدمك حزة العسر واللين=ماكنه الا الزير بعد ذبحة كليب
وربوعنا الباقين مافيهم قصور=الله يمد بأعمارهم مدة شعيب
يقضونها بين الهنا والمسره=يارب ياقادر بدعواتي تجيب
وختامها نطلب عزيز الجلالي=اللي بدعواته تجينا المطاليب
يدوم علينا من الوفاء والتكاتف=ومع التشاور ماتخيب التجاريب
ويدوم علينا العز وايضا المعزه=سبحانه اللي عالم السر والغيب
وصلاة ربي عد من زار بيته=على نبياً وجب الدين توجيب

______________________

صح الله السان الشاعر وصح بدنك يا بو حمد
ننتظر الجديد

مشكوووووووور يابو حمد
صح الله السان شاعر القصيدة