:: الشيخ ::

مجالس الشموخ والابداع .. تحيه طيبه

اعتذر عن الغياب لعل هذه الارشيفيه تشفع لغيابي .. وتنال ولو جزء بسيط

من سمو ذائقتكم ..

كانت في موقع ٍ ما بعد حضور بعض الدخلاء في ذلك الموقع ..

وهي موجهه للشاعر القدير / سالم العمري الحربي

الشيخ ياسالم فقد كل تقدير =يشكي علي ا/طروش غزو(ن) ا/ سلبته
لبس ثياب(ن) شكلوها بزارير=من صدره المجروح وصلت رقبته
والعجز عنده صاير(ن)فيه تقصير=باسباب من زوًد معاناة كبته
ذولا محادير(ن)وذولا مصادير=كل(ن)يقول اللول والدر جبته
متغربل(ن)مابين عج ومعاصير=بان الشحوب اللي كسا عود نبته
الشعر حبك وسبك , فكره , وتصوير=قالواه شعًار الجزاله وصبته
قلته وانا بجوا ضواحي (اغادير)=وفي خاطري مشوار لحدود (سبته)

رد سالم :

اهلا هلابك ياسليل المناعير=وبكتابك اللي يالفريدي كتبته
والشعر بالشعًار بذن الله بخير=شروى الرجال ورتبك اللي رتبته
قصيدك احلا من حليب المصاغير=الا مثل حلو الشهد لاشربته
ولايستوي راس الزباره مع النير=الفرق واضح بين ضلع(ن) وخبته
والي هضم حق الفحول الشواعير = ابرمز لنقفه وانا ما كذبته
(سبع) البنات ملونات المناكير=في حظ من جاب الخبر لي وجبته
واسلم وسلًم لي على ديار أغادير=واللي سكن طنجه وكازا وسبته

واعذرونا على القصور مستعجل بالكتابه اذا خطأ املائي او شي