(ماهي غريبة يبن راشد اليآ فزت)

قصيدة بمناسبة فوز الاستاذ /محمد بن سعد العفري
بانتخابات بلدية قصيباء ، رغم الظروف التي وافقت الحدث
التي لاتخفى عن البعض ....

هاضت قريحة خافقي لكن اوجزت=في مدح مسقين العدى سم هامي
مدحي لربعي عنه مايوم ٍ انحزت=ربعي مطوعة العدى بالزحامي
يا دهام لز الخيل وان كان لززت=خيولنا قدامكم يادهامي
لو آنت في حصن ٍ منيع ٍ تعززت=نآصل ونفعل معجزات ٍ جسامي
ماهي غريبة يبن راشد اليآ فزت=عادتك دايم معتلي بالسنامي
نستغرب اكثر لو قضا الفرز ما احرزت=شي ٍّ بصدرك يارفيع المقامي
بركت لحمولٍ ثقيله ولا رزت=مثل الجمل مايعترف بانهزامي
من دون ربعك كفو يازير بارزت=جمع العدى قدمك غشاهم عسامي
خضت البحور المظلمة غصب واعجزت=كبيرهم .. لله درك همامي
كبيرهم .. كانك بمركز تمركزت=حذراك مخلب صيرميٍّ اقطامي

-------------
تركي قبلان الفريدي