قصيدة ابن شعيبان. ورد متعب العنزي

قصيدة الشاعر محمد بن شعيبان ورد الشاعر متعب العنزي
نبدا بقصيدة الشاعر ابن شعيبان

تعد العداوة نوب من حسبة المعروف=عدوك ماهو بحله رفيقك هو البحله
عدوٍ يوريك العداوة على المكشوف=ولا رفقة اللي قلبه اسود وتنصح له
يريحك من بغضك بعينه تشوفه شوف=تخير عن الصحبه قبل تقلع الرحله
لكن البلا اللي علته خافيه بالجوف=عدوٍ بطيني وانت بالخير تجنح له
اكيد الوفا والطيب ماهو معه مخلوف=مدام ان عدو الله مع الوقت مرتحله
لو انه على المكشوف وضعه ماهو مالوف=مايخطي عليك ويعتذر لك وتدمح له
--------

رد الشاعر متعب العنزي
دعني ابيوتٍ ست من شاعرٍ معروف=لو يذكر لبن جدلان معناه صحح له
يشادن شذا النوار في خايعٍ نفنوف=بروضٍ نبي ننصاه ياربّعت كحله
صحيح القصيد رماح يا بوحمد وسيوف=يصد الجيوش الغازيه ياعتزى زحله
لو انه زمان اليوم بين الرجا والخوف =نهاية مصيره شوف عينك تلمّح له
وشيٍّ تقوله عم دار الحسا والجوف=مرض منتشر قامت الناس تقدح له

والشكر موصول للاخ منصور الوسوس الذي بعث لي القصيدتين برساله