صباح الخير ايها الاحبه قبل ايام تشرفت بحضور زواج الصديق العزيز / طايع بن سمران المخلفي وكان ضمن الحضور مجموعة من (الموحـّدين) وانا واحدٍ منهم !! ومع ذلك أبت المشاعر الا ان تبوح بهذه المشاكسه ولكني تجرأت بعدما أدخلني المغامر الكبير الشاعر مبارك بن حديد بوجهه .... والله يستر !! -------------------
هيييه ياللي ماضربتم درب طايع=الفجوج وساع والدنيا مليه!!
هيلعيٍّ مايبات الليل جايع=لاتسكّر باب يفتح له خويه!!
مانبي من يتقي خلف الذرايع=وان تكلمنا يطالع في حليه!!
ندري ان اعمارنا جملة ودايع=لا مضى يومٍ يقصّرهن شويه
من يطب الروض ويشوف النوايع=يقطف زهور الحيا قبل المنيه!!
ياحلو طرد المها مع كل خايع=في محازة صيد ماهي بمحميه
ويفرق السوام عن شاري وبايع=ومن لقى طهم الرمك عاف المطيه!!
عزي لمن يتـّبع شور الربايع=بس دربه واحدٍ روحه وجيه!!
ان نصحته بالسنع مامن سنايع=الخبر ياصل ورا قارة طميه!!
سامحوني شايبٍ عندي طبايع=بي صفاتٍ بالخلايا الداخليه!!
شفّي مهار الفلا ماهي قلايع=لو وقع عن سرجها راع العبيه!!
هذا نهجي مالي بغيره طمايع=لو يراها بعضكم اكبر بليه
ادري ان ماكل طايع مثل طايع=طاعته لله وعزومه قويه!!
راع العبيه !! 
العرض الشجري
