أبك كيف

( أبك كيف ) أهداء للاخ العزيز خلف الفريد

قلبي دليلي فيه شي ٍ وخايف=وكني أشك بحالة أسباب خوفي
أبك كيف كأنه خاطر القرم واقف=و دجتاه أن كان هاذي تطوفي
معقول جبت العيد ولاني بعارف=على عماها وأحسبني أشوفي
الله لايعيده وأعتذر منه وآسف=أهب هبيتي ياسبايب حروفي
سقها على ماقيل ولاهي تخالف=وأبشر بحقك ماعلينا كلوفي
والمعذره ياشوق زين الوصايف=اللي تحط للعيد خظاب الكفوفي

ياشاعرٍ شعره كثير الطرايف=قرناس خامس في وفاه معَروفي
الخوف والله في بلاد الطوايف=اللي بها بشار جيشه يحوفي
يابن مطر غيباتنا بالمصايف=وجو الشفاء به مرخيات القنوفي
وحاشاك عن لوم الردى والحسايف=ياشوق كاملة الوصايف هنوفي
غالي وقلبك من قلوبٍ نظايف=ومن طيبينٍ يكرمون الضيوفي
ارتاح مافي خاطري منك لايف=الا ان ودك لايـجٍ وسط جوفي

مساجله تستحق الأشاده

وبحلول العيد السعيد كل عام وأنتم بخير


الشاعر محمد بن مطر والشاعر خلف الفريد

صح الله ألسنتكم

صح لسانك قرناس خامس
وصح لسان الشاعر ابو عبدالعزيز
مساجله رائعه شكراً لكم ودام تواجدكم الرائع لاهنتم

حياكم الله ابو عمر وابو حمد تشرفت بمروركم

(العيد فرحه وفرحتي يوم أعايدك=كل عام وأنت بخيرعيدك مبارك)

تقبلوا تحياتي