قصيدة للشاعر الكبير / شريف بابن عمه الاخ / عياد بن كنعان
السلام عليكم ورحمة الله وبركاته
هذه قصيدة من الشاعر الكبير / شريف الفريدي
مهداه للاستاذ / عياد بن كنعان الفريدي
مدير مرور مطار القصيم الاقليمي سابقاً وابو سلطان
صاحب مواقف طيبة وايادي بيضاء لكل من ينصاه
بخدمه و عُرف واشتهر بذلك وقد لا اوفيه حقه
في هذه العجالة واترككم مع قصيدة ابو محمد
حيث يقول :-
يا راكب اللي تو نزلة مديله=جمسٍ حمر لونه ومن داخله فل
عليه ماثوقٍ دليل الدليله=لو طال سيره ماتونّا ولا مل
منصاه كسّاب العلوم الجميله=اسأل عن الطيّب مع الناس وتدّل
عياد بن كنعان يوم اشتكي له=قد صار له قبلي مواقف لهن ظل
عطه الكلام وخل عنك تحليله=سلم عليه ومثل ماقلت لك قل
يابن الصويتي من سلايل كحيله=بلشت في كلمه الساني بها زل
وانخاك بجدودك وكل القبيله=وفي جاه خلاق البشر عالم الكل
اشتلت لي علمٍ بلشت ابمشيله=شلته غلط والا ماحد قال لي شل
شفلي من الموضوع مخرج وسيله=تراي ماعندي تصرف ولا حل
واخشى يجي عقب التبرع فشيله=موتي غريب ولايقولون لي ذل
هذا كلامٍ قبل عشرين ليله=نطقت في كلمة وعد والوعد حل
واليوم عند النار راس الفتيله=اول شهر عشره وعدنا اليا هل
وعليك ما الدعوى ترى مستحيله=لكن على مثلي متاهات وهول
قصة شرف ماهي علومٍ رذيله=تفل حاجب من تقدم لها فل