الشاعر /مزيد فلاح بن رضيه الهاجري في الشيخ / جازي الوسوس - رحمه الله -
قصيدة للشاعر /مزيد فلاح بن رضيه الهاجري في الشيخ / جازي الوسوس - رحمه الله -
ياشيخ أنا جيتك أمن الشرق ناصيك=سارن مع السيدين مثل الجـلاوي
مغير أسولفبك مع الخط وأطريـك=وأقول جعل الشيخ فوق الهقـاوي
وقلنا نبا عيد الفطر فـي حراويـك=وخليت بعض أصحابنـا والدنـاوي
ذكرك مع العربان خلانـي أجيـك=والفعل يثبـت طيبيـن العـزاوي
شيخٍ وفعل الطيب عـادة مباديـك=وقال البعير وصف جازي نـداوي
شيخٍ ومن طيبك تتقا العرب فيـك=للمرجله والطيـب ياشيـخ حـاوي
تشبه جبل سنجار يلقى الذرى فيك=والشيخ تنصاه العـرب فالدعـاوي
حراً تنومس فالهدد من قنص فيـك=صاطي ٍعلى الجزلات كفك رهـاوي
البارحه في أبقيق ياشيخ مطريـك=وكنت أتمنى شوف وجهك منـاوي
واليوم في بيتك وقدمـك وأحاكيـك=وأنت الرجاء عقب أنقطاع الرجاوي
وكان الرجال أنجوم ياشيخ أحليـك=تشبه لنجم أسهيل مانـي بغـاوي
وكل العلوم الطيبـه تنهقـي فيـك=ونرجي الفزع رجوى الحياء لشواوي
والشاعر اللي بالقصيـده إيناجيـك=عنده خبرك إنـك للثقـال قـاوي
والشيخ بالطولات مافيـه تشكيـك=وللمرجله بيديك حبـل وعـراوي
أتنومس اللي بالقصيده قصد فيـك=ليا ردت بيـن الرجـال الحكـاوي
والحر ما يرضى حياة الصعاليـك=هذا كلام وجـاك علمـي شفـاوي
وأضرب مثل من شان بالعلم ننبيك=للجود عند الشيخ دايـم حـراوي
واللي سرى فا لليل ماعنده أتريـك=يونس من اللكمات مثـل المكـاوي
واللاش جعله يافتى الجـود فاديـك=وهداج تيماء كـل مـن جـاه راوي
كل العلوم الطيبـه فـي مواريـك=وافي وفي علوم الوفـى ماتـراوي
شيخٍ على الطولات تهزم معاديـك=وهذا دليل اللـي للمجـاد هـاوي
واللي نصاك اللي تشربك تشربيـك=وأصبح من حمول المقادير ثـاوي
تاقف معه والله على الطيب هاديك=وأوجد لجرح الوقت طـبٍ يـداوي