والقصيده ثابته عندي سندها

هذه قصيدة لشاعر عبد الله ابن سمير العوما
كما أشكر المشرف ومراقب بيت القصيد على الجضعان على البحث عن كل جديد

مايضرم بالهدد كود إبحريه=والحبال يحلها من هو عقدها
ياعيون اللي على كف إقطريه=برهنت بإلحوقها حزة هددها
خالفت ماكوبرت وسط الشغيه=وعدها بالخرج يوم الله قردها
برقعوا كل الحرار الصيرميه=ومن غلاها عندهم هدت وحدها
الوحوش مبرقعه ماهي رديه=مير سرع طيارها سبة سعدها
هدهابعصير بديارن خليه=وأطلبت جيعانتن جابت جهدها
إرحمي من جاب لك قلبه هديه=ما اهتنى بالنوم ساعه مارقدها
وليت ابوريان يفطن في خويه=والعلوم الخافيه أشد وأدها
لانخيت العازمي يأجب عليه=انتظر لي سربتن يلحق مددها
الوليعي راح من رضوى ضحيه=والقصيده ثابته عندي سندها

الشاعر/ عبد الله ابن سمير العوما ابوفايز

صحت معاني الشاعر / عبدالله بن سمير العوما .

ودامت مواضيعك واختياراتك مراقبنا الرائد :

أبوصالح .

تحيتي وتقديري .

صح لسان الشاعر
عبدالله بن سمير العوماء
قصيده اعجبتني جداً ولقد سمعتها منه شخصياً
وكل الشكرموصول لمراقبنا القدير بن مطيع على نشره
لهذه الفارهه واللتي رددتها معجباً بها
تحيتي

قصيده جزله من شاعر ٍجزل

ومشكور يابن مطيع على هذا الختيار

لك تقديري

الأخ ابوناصر صح بدنك ولا هنت

لاهنت لاهنت يامشعل على نقل الجزله

وصح لسان الشاعر عبدالله العوماء

وبلاشك هالجزله ماهي يتيمه
ونحن بنتظار ابداعه

تحيتي وتقديري

الأخ عبدالعزيز العبلان صح بدنك . وأبشر بالخير

صح لسان الشاعر المبدع ابا فايز
ابيات جزله من شاعر تعودنا منه جزالة المعنى
شكر الك ابا صالح والشكر موصول للمراقب علي الجضان
وافر التقدير للجميع

ابو يارا صح بدنك . ولاهنت . تحياتي

ابوفهد مرحبا . صح بدنك . وتسلم يدين الجميع
تحياتي .