لا صرت صادق قالو الناس مجنون

إضحك وفلّ حجاجك اشفيك محزون

دنياك ماتسوى وخذها نصيحه

مادام مالك ميت ولا انت مديون

إرم الهموم وخل نفسك مستريحة

لو كانوا أصحابك يضاهون مليون

نق الكفو منهم وخلِّ السطيحة

ولا تشتكِ للناس لوكنت مطعون

والذم من بعض الخلايق مديحة

ولا تنحنِ للهم وتعيش مغبون

ترى المريح اهل العقول الصحيحة

لا صرت صادق قالوا الناس مجنون

ما يمدحون الاَّ النفوس القبيحة

وخلك صمود بوجه الأيام دندون

وما حرم الله إثم لا تستبيحه

والكِبرُ لو به فايدة فاد فرعون

ومن ذاع سرُّه بشِّره بالفضيحة

والله لو يعطون لك مال قارون

ماشفت نفسك بالغنى مستريحة

إنفض هموم القلب وإبليس ملعون

!!!! وإن ضاق صدرك أرض ربي فسيحة