من هو بقى لي بعد ماعني ااقفيـت

ودعتك الله لو على قلبـي اخطيـت=وحاربتني من دون ذنـب وخطيّـه
احسبك تذكرني إذا اصبحت وامسيت=واثرك على فرقـاي نفسـك هنيّـه
الله واكبـر كيـف عنّـي تخلّيـت=من بعد ما علقت روحـي البريّـه
وش غيّرك وش بدّلك ليه صدّيـت=وانت الذي بالقلب نبـض وهويّـه
من هو بقى لي بعد ماعني اقفيـت=وقدمتنـي للحـزن اثمـن هـديّـه
كلـش تخيلتـه ولا يـوم ظنيـت=إنك لحـد غيـري ولانتـاب ليّـه
ويلك من الله كيف بالحب ضحّيـت=قلبك حجر مـا حـنّ يـومٍ عليّـه
اللي بنينا بْعمر فـي يـوم هدّيـت=واحلامنـا مـا عـاد منهـا بقيّـه
اتعـد غلطاتـي إذا يـوم زلـيـت=من دون مدري .. وين ذيك الحميّه
مافيه معصوم الخطا لـو تحريـت=ولا فيه كامـل غيـر رب البريّـه
ولو ما احبك ما نشدتك ولا اطريت=بعـدك وصـدك وانتخيتـك نخيّـه
ترجع لقلبٍ يـوم بالعقـل حبيـت=وتترك هل الأحقاد واهـل الوشيّـه
خايف عليك وخايفٍ منـك ياليـت=مايوم حبيتـك وصـرت الضحيّـه
لا نيب حي بعد هجـرك ولا ميـت=ولا ني مريض ينعـرف بالشكيّـه
لكنـي ادرى بحالتـي لا تـرديـت=ولا ينفـع الملتـاع طبـه وكيّـه
مالي سوى اللي كلمـا راح ناديـت=يا كـود يسمعنـي ويرجـع إليّـه

لروحكم اطيب الدعوات
ريم