يازين هاك الايام....نايف بن مياس

السلام عليكم ورحمة الله وبركاته
السالفه اتفقنا على طلعة مقناص يوم الاثنين الفجر
اخوياي تاخرو وانا طلعت قبل الاذان وصلت الفجر حول منطقة المقناص وبديت ادوج الارض وعره وفيه مكان ذابحين فيه قبل مده
مريته اتذكر اول ماتعديت المكان هبت عجاجه من جهت الجنوب قمت ادوج بالشغايا اللي تذري عن العج دخلت شغيه قريبه من مكان ذبحتنا الاوله واطيح على جره ماسحها العج مخطات بسيطه ماهي واضحه
وانادي اخوياي كانو جايين ونبدا نفر المنطقه ويناديني واحد من اخوياي قال تعال عندي جديده والعج قوي خمس دقايق يمسحها





واتقدم مع الشغيه واحصل الجره هذي





واتقدم شوي ويركز جهام عساني ما افقده



وهي تقبع مثل القنبله من هالقشعه





ويطلع جهام عليها ويروح هو وياها مسافه ونخفيهن ورى رجم والارض وعره واروح ادور طريق يوديني باتجاهن وانزل مع شعيب طلح باتجاهن لاني اشوف الطير جاي ناطحني وناطح الهوى مرتفع قلت للعيال الطير جاي وش السالفه التفت للحبارى قدامه ويزل عليه عقاب حنا الساعه وحده الظهر بس الجو بارد واسوق مع الحبارى وهو يتطاق مع العقاب
وانادي على العيال ارمو العقاب انا خايف الحبارى تضيع ويروحون جهته ويرتفع العقاب ويهرب انا والحبارى مسافه عنهم قالوا ترى الطير اطلب يمك والعقاب راح
ويلحق ما شاء الله ويضربها بالجو ويكسر جناحها وتضرب على الارض وينزل عليها واعزلها وتاخذ معنا شوي وتموت ونذكيها الحمدلله
صوره بعد ماماتت




للمعلوميه التقرير كنت ناشره سابقا بمنتدى البريه بمعرفي صقار الاسياح

تكفى لاتذبحني بالبر تراي ماتحمل

الجره والشغايا

بس شوف الرياض الخضر

ربيع قلبي

تسلم ع الأضافه

تقبل مروري

بارك الله فيك يا ابن مياس
والصيد عشق
صور جميلة وتعليق أجمل
كل الشكر والتقدير لك

صايد وفايد يابن مياس
صوره رائع وجميلة
مقانيص رائعه نتمناها لك
تقبل مروري لك........

اقتباس:
المشاركة الأصلية كتبت بواسطة علي الجضعان
تكفى لاتذبحني بالبر تراي ماتحمل

الجره والشغايا

بس شوف الرياض الخضر

ربيع قلبي

تسلم ع الأضافه

تقبل مروري



هلابك يا علي ااااه والله اني فاقد الوناسه من نهاية المقناص عسى الله يجيب سهيل والسيل

اقتباس:
المشاركة الأصلية كتبت بواسطة فهد الطميشاء
بارك الله فيك يا ابن مياس
والصيد عشق
صور جميلة وتعليق أجمل
كل الشكر والتقدير لك



لك الف شكر على المرور

هلا ابن مياس تسلم ويسلم جهام
صورة حلوه ومهد حلو
وسع صدرك يجيك الخير انشالله
وتشوف لمع البروق والوسم والصيد

ابن مياس يعطيك العافيه بيض الله وجهك
صايد وفايد
اتمنى تتحفنا بكل مالديك من مقانيص

تقبل مروري،،،

اخواني واحد واحد لكم الشكر على المرور

تسلم اخوي نايف على الاضافه الجميله والمشوقه ويسلملك جهام ان شاء الله ... لاهنت