قصيدة رثاء وعزاء لأخي الغالي / محارب غازي المعباسي

بسمـ الله الرحمن الرحيمـ

ننقل لكم قصيدة للشاعر / خلف بن محمد بن عتاق الفريدي الحربي

قصيدة رثاء وعزاء لأخي الغالي / محارب غازي المعباسي

العمر من عند الولي وقت ممنوح = وأمانــة بارقابنا كالوصـاتي



امَـا رصـيـدٍ يومـ الأعمال بـالـوح= وألا تـضـيع ولا يـفـيـد الـصـواتي




تضوي علينا سود الأيام وتروح = بـأمـر الـذي بيديه موت وحياتي



ويـامـا يمـرَ مـن المـقـادير سـاموح = لـكـن عـصـف المـوت بالحـيـل عـاتي



والمـوت ضـيف جيَـتـه مـابهـا بـوح = ولايـنـفـع استعداد عـقـب الـفـواتي



وعـلـمٍ لـفاني هـزَ الأعماق والروح = وأثـقل عـلِـية مـن جـبال الـسـراتي



مـاكـني إلا بــالـعٍ سـم ذر نــوح =أودع معـاليـق الحـشا ذا يـبـاتي



غـاب الحـبـيـب اللـي وجوده لـنـا ضوح = حـربـي بـن غـازي جميـل الـصفاتي



لـكُـن عـزانــا شيخنـا عـاش ممـدوح = ديـن ورجـولـه واحـتـرام ونـقـاتي



لـعـل قـبـره روضـةٍ طيبـها يتفـوح = وتـسقـيه غـرً امزونهـا الهامـياتي



ولـعـل جـسـمـٍ بـيـن الأموات مـسدوح = عـنـد الـسؤال يـكـون بـاقـوى ثـبــاتي



صحـيـح فقد أحـبـابـنـا سـقـم وجـروح = لـكـن يـقـيـن المـسـلـميـن الـنـجـاتي



يـا مـحـارب اصـبر واحـتسـب هـمـً ويـزوح = والـصـبر عنـد الأوله يـاغـناتي



مـن لايـمـوت الـيـوم فالـبـاب مـفـتـوح = الـدرب واحـد والـمـصـير الـمـماتي



ولابـد مـن يـوم بـه الحـزن مطـروح = ونـلـبس ثـيـاب أفـراحـنـا الزهــاتي



ولايـنـفـع المـيَيت سحـا الـدمـع والـنـوح = إلا الدعًاء وأعـمالنا النـافعـاتي



والله يـجـبـر كـسر سـالـم ومـسروح = ويلـطـف بنـا بايـامنـا المـقبـلاتي

****

أخوك المحب الشاعر
خلف بن محمد بن عتاق الفريدي

مساء يوم الأثنين الموافق

10 / 5 / 2010 م

27 جماد أول 1431 هـ

الكـويــت