نصرة الرسول صلى الله عليه وسلم

الشاعر محمد عقيل الفريدي

له قصيده في مناصرة النبي صلى الله عليه وسلم

ملعون من سب النبي وألف ملعون=ملعون بالدنيا ويوم القيامه.
نبينا عن قولهم صدق مصيون=مصيون عن قول الردا والرخامه.
نبينا خير البشر ما بها اضنون=وأخير من صلى وتمم صيامه.
من صغر سنه صار بالوصف مأمون=والصدق وصفه من طفولة عظامه.
لين إصطفاه الله مابين إنس وجنون=واعطاه دعوة جالية للغمامه.
ماهمنا لو الدنمرك يحكون=نبينا يكرم عن أهل القمامه.
نبينا مصيون ياللي تهزون=دين الفخر دينه ودين العظامه.
وحنا نحبه حب صادق ومضمون=ونمشي على نهجه ونسمع كلامه.
أربع ميه وألفن وتسعه وعشرون=والكل منا يقتدي في إمامه.
إمامنا خير البشر ياهل الدون=بدرن ظهر بالكون وأنور ظلامه.
رفعت صوتي ياهل العرف تكفون=ردوا قدر نبينا وإحترامه.
من جبنهم لاعاد لاعاد تشرون= خلو بقرهم يشتهر بإنعدامه.
لين الدنمرك بخسارته يبكون=ويعض ريسهم بكف الندامه.
ونعيش في عزه عليها يتمنون=في ظل أبو متعب عظيم الزعامه.
وإختامها ترى الدنمرك ملعون=ملعون بالدنيا ويوم القيامة.
وصلاة ربي عد من له يصلون=وإعداد مارفرف جناح الحمامه.
على نبي نهجه اليوم مسنون=شفيعنا يوم الحشر وإزدحامه.