بين الشاعر شريف الفريدي والشاعر مبارك بن حديد

شريف الفريدي احد الشعراء المجيدين في منطقة القصيم

له قصائد رائعة اتمنى من يعرف شيء منها ان

يقوم بنقله لنا وله وافر الشكر .

وكذلك بالنسبة للشاعر / مبارك بن ناصر الحديد الفريدي

من الشعراء البارزين في منطقة القصيم ويعتبر من مشاهير

الفردة في هذا العصر ومن المشهورين بالكرم والعلم الغانم

وله وقفات رائعة وهو من الرجال المحسوبين

امد الله بعمر الشاعرين على الطاعة ذكر لي احد الاخوه هذه المساجلة

بينهما فرغبت بنقلها لكم مع اجمل وارق تحية


يقول الشاعر / شريف

يابن حديد المشكلـه مالهـا حـل=إلا ان قلبـي يتـرك الـود كلـه
مـدام قلبـي لا توانـا ولا مــل=الود عنـده صـار مثـل الجبلـه
ذكرت له سن الهوى عقب مـازل=وضحـت للجانـي جميـع الأدلـه
وحتى من اللي يتبع الشيب مـاذل=بقى مثل جـدي النجـوم امحلـه
ان كان ما الله دلـه الـراي مـادل=مـن لايدلـه خالقـه مـن يدلـه
إليا ذكرت ارموش عكشٍ لهن ظل=من نظرة الحاسد عليهن اسملـه
وقفت لين ان العنـا يكتمـل فـل=وراجعت لي ماضٍ بعيدٍ اسجلـه
الجادل اللي تلنـي بالهـوى تـل=تلـت قطيعٍ قفّـي الـدق جلـه
اللي بقلبي لـه عمـارات وفلـل=ليتـه بقلبـه حطـ لي ربـع فلـه
والله ماقول لمن جرح روحي بحـل=عقب الدروس القاسيـة والمذلـه
هاذي عيوبي وأنت للي بقاء فـل=أن كان مانته ساتـرٍ كـل خلـه
والله لو أملك عقـل ماذكـر الكـل=لون مع عقلـي عقـل كـانفٍ له
وأقبل تحياتي عـدد كـل ماهـل=مزنٍ صدوق أخيـال وبلـه يهلـه
ونهاية المعنى على المصطفى صل=وسبح لمن نركع ونسجـد رضلـه
الواحد الخالق هو المعتلـي جـل=عسـاه يسمح لـي وقوف ٍبظله

ثم وصلت القصيدة للشاعر مبارك بن حديد فرد بهذه الابيات :

لابـاس ياللـي بالـغـرام يتـغـزل=اللـي شكـا مـن ماقـفٍ حــاصل له
يلّي عذلـت القلـب والقلـب ماكـل=جـددت للّـي قـال بصـري بحـلـه
جـددت لـلي قــال بـصـري من اول=وللي لقاء الطيـار مـن جـور خلـه
من الوحيد اللي من الحـب مـن سـل=كم واحـد قبلـك هـوى الغيـد سلـه
ولنت الوحيد اللـي بنـى للهوى تـل=بـروس الهضـاب النايفـه مرقب لـه
عندك خبر ويـش الوليعـي تحصـل=من راس رضوى وادع الكـون كلـه
وعندك خبر وش جا الدجيما من أحيل=وعقب شرب كاس الهوى وش عمل له
وبحر الهوى غبـات وامـواج وهـول=وكـم واحـدٍ در البحـر ماحصـل لـه
مابيـن جـزر ومـد يقطـع وياصـل=ولـذات نفعـه ماتقابـل عـناً لــه
ليا قـام مقصـوف الشبـاب يتغـزل=ولـدّ ونظـر نظـرة غـرام وتولـه
وهنف دلـع وأعلـن تحديـه واقبـل=تقـل يعـد اخطـاه والـردف تـلـه
ومن شافها بالوصف لـو كثّـر امقـل=يحتـار فـي شكلـه وقـده ودلــه
الله عطـاه مـن المحاسـن وكـمـل=وكمل جماله فـي حسـن منطـقٍ لـه
لو شافها اللي فـوق مركـاع يغـزل=جـدّد فعـل بصـري بنفـس ٍمغـلـه
وهذي أدروب أهل الهوى أجداد وسمل=وراع الهـوى طـرد الهـوى مايملـه
وأصفح وسامح مـن سطا بـك وحلـل=لـجـل جمـالـه قـلـه الله يحـلـه
وختامهـا وحـّد وسـبّـح وهـلـّل=ووقـت التهجـد تالـي الليـل صـلـه
وعـداد مالاحـت أبـروق تشـاعـل=صلوا على المعصـوم عـن كـل زلـه

صح السان الشعراء


وسلمت يمناك

منصور بارك الله فيك والـــى الامام بالاعداع

بتوفيق الرحمن

الله يعطيك العافية
ومواضيعك كلها حلوة يا اخوي منصور

بقاي انسان وصياف الفرده


ماعليكم وزد يعال العم صحت ابدانكم جميعا


وشكرا لمروركم اقبلو تحياتي

صح لسان الشاعرين شريف ...وأيضا صح لسان أبو ناصر مبارك الحديد وشكرآ يابو محمد على نقلك لرئع تحياتي

رائعة جداً أبو محمد سلمت يداك على النقل

وصحت السن الشعراء

اخوي منصور

شكرا للفته الكريمه للشعراء المبدعين بجزالة الكلمة

اخوي منصور
الشاعر شريف الفريدي هو من فخذ الراكب وله عدة قصائد جزلة
والكل يعرفه
ومبارك بن حديد ليس بإقل من الشاعر شريف

وعلى حسب معلوماتي انهم دائما يجتمعون مع بعض وان شاءالله سوف اجمع قصائد
الشاعرين وسوف نحاول ان نستضيفهم في مجالس الفردهـ

وانت اتقنت الإختيار في هذه القصائد الجميلة

حمدان الجضعان لك اجمل تحية على مرورك الكريم


ابو عزام صح بدنك ولاعليك زود يبن العم

ابن منيديل الحمدلله على السلامه

ترا مانسمح لك بالغياب الا بإذن


انت من اللي لاغاب يسأل عنه ولاهو قصور بربعنا

فعلا كلامك صحيح ولهم ثالث لاتنساه وهو الشاعر الكبير عبيد بن نهار


نحن بنتظار قصائدهم عن طريقك والا عندنا نبي ننزله باذن الله تعالى


مشكور يبن منيديل حياك ربي يبن العم