رثاء بالشيخ / عبيد بن دهيليس رحمه الله

من الرجال الذين فقدتهم القبيلة قبل ايام

الشيخ / عبيد بن دهيليس رحمه الله تعالى واسكنه فسيح جناته

فقد جمع فضائل الدين والرجولة كان علما من اعلام الفردة واحد

مشائخها الفضلاء وقد شارك الكثير من الشعراء برثائه وكان من تلك

القصائد هذه القصيد للشاعر القدير / ماضي بن رباح الحربي

يا راكبٍ حمراً تزايد فديده=اتنوز بالركاب نوز القطامي
تقطع جراهيد السهال البعيده=لو حال من دون المسافة مضامي
يا كتاب يا زبن العلوم المكيده=إن صار فيها حل ولا ابترامي
الله يبلغك العزى بالفقيده=والاسره اللي من صوابه صيامي
عز الله انه راح منكم وليده=لا من كلٍ شد راس الحزامي
قلبه من البولاد صافٍ حديده=إن صار من بين الرجال التطامي
عوق الخصيم اللي تجرح وريده=إن شانت الخطّر وشان الكلامي
والدين وافي والأمانة جويده=والضيف عنده زايد باحترامي
كمل مواجيب الرجال العديده=يوم الجلابه بالثمن ما تسامي
وعيبٍ على اللي ما يثبت رصيده=الكذب سموه الرجال الهيامي
ومن تمت أيامه وقرب شديده=الموت ما حدٍ حط دونه مرامي
عسى يبشر بالليالي السعيده=في جنة الفردوس برد وسلامي
وختمتها باسم النبي والعقيده=وعداد من صلى صلاة القيامي