يارشيد لاقالو هل القول منعـوت=عز الصديق وذاك يارشيد موتـه
ياشاعرن شعرك جواهر وياقـوت=تقطف ثمر جزل المثل من انبوته
لويقتبس معناك غيرك يروح اوت=كورة قدم كلـن يشوتـه أبوتـه
مايستو ي مال الغني عند شحتوت=هاذي تجي دونه وهاذي تفوتـه
خل المثل من بينناشبـه مكبـوت=وباقي تفاصيل المجـال مغموتـه
اشوفلي ناسن مكاضيم وسكـوت=لاتنشدالساكـت يلجـك ابصوتـه
مافيه كود اسكـود والا بتريـوت=كل الذخايـر بالدفـاع محتوتـه
(((وقلت في الرد عليه)))
:
:
:
الشعر له ميزان والعقل له صوت=ولاكل رجل يشغل البال صوته
ارسلت لي ياصاحبي سبعة بيوت=من شاعر تطرب مزاجي بيوته
وانا بشعرك ياابيض الوجه مبخوت=ومثلك ذكي..ماكل معنى يفوته
لو كان في صدري مثل عين جالوت=واغصان روحي من ورقها محتوته
احاول اسلا بين طلعه وبالوت=والحزن ينسج ياعلي عنكبوته
اشوف لي ناس لها اسلوب ممقوت=وبعض الأوادم غايته جمع قوته
وقت تسيطربه حرامي وعكروت=وان جيته بلازم تقل جسم حوته
والشعر مبلي في رغاوي وسربوت=لو نحصي القاضين نحتاج نوته
وان شفت زين ازوال ياعلي وبشوت=الخبل ينطق لايغرك سكوته
الآدمي حاجز على رحلة الموت=حجزه موكد..رحلته ماتفوته
والوقت سيفه..فرّق عقاب عن نوت=وكم حاكم ذلّه ..وهدّم بيوته
واقبل تحيه صادقه طعمها توت=الله يكافيك العيون النحوته
الطيب في روسكم ياحرب ولحاكم=من قال تكفون والله ماتخذلونه
سعد بسجنه ورى القضبان ينخاكم=قضى سنه ينتظر من يقضي ديونه
من الغبينه بعال الصوت ناداكم=تكفون ياتاج راسي لاتخلونه