وأنا وسط مسروح وافين الأشبار=معيه وأنا معهم على العسر والضيق
نعمٍ بهم يوم الليالي بنا عسار=ما نالني وسط القبيلة ملاحيق
خمسة عشر عامٍ مضت صرف مقدار=ساعة مضت من طلعة الشمس لشريق
ومقدارهم يرفع على سطح الأقمار=وعلى الوطن من كوكب الجدي لطويق
من لأجلهم ناطى على الحار والنار=و الذيب أعدي مرقبة قبل لا يويق
برجلٍ مضريها على وطية الحار=ما حط دونه للمواقي مداريق
ذكر مسروح بالهميج والقرى التابعه لها من قبائل السحمان_الحناحنة _ المشاعلة – الجوابر وبعض فخوذ وقبائل مسروح ومنهم قبيلة البدارين كما يشمل الشكر مشايخ مطير المجاورين
الشيخ مأمون بن قرناس , وشيخ اليبس وشيخ الجعافرة وشيخ الجبلة
5)
مواقف رجال صبروا وترفعوا عن البخل والهزلية
ولاني بأميرٍ حسب القرش دينار=يبى الإمارة بس بخلة معاويق
نفعه لنفسه والقبيلة لهم ضار=ضعيف إرادة والطبايع حِميميق
وصبرت والله بالجزى لكل صبار=وجتني من الباري بحسن التوافيق
واليوم يوم ود المثايل والأخبار= وصل جواب له شهود وتصاد يق
6) فخر في قبيلة الفردة
وإن كان ما يفخر صديقي بالأذكار=ما ني فريدي ولا أنتسب له بتحقيق
أكون من اللي مهنتة طقة الزار=عبدٍ سكر مع طقة الزار ويفيق
انا الذي ربعي عزيزين وأخيار=قومٍ على كسب الفضيلة مشا فيق
ربعٍ عوا يدهم على قِب الامهار=ما هم لصوصٍ يقطعون الطواريق
ولاهم أهل قعدان جعفان الاوثار=والنعم لا صاروا رجال تفا فيق
7)مواقف رجال فرسان الفردة سابقاً والوا وملكوا واستقروا في نجد والحجاز في سيوفهم وشجاعتهم المشهورة
ربعي على صم الرمك كون وجهار=وسيوف يشْدن لامعات البواريق
ومن يمهم هب الهواء بهيل وكدار=يوم المصاغِب والأمور الملاصيق
ومن المدينة كل دارٍ لهم دار=يرعونها في غير أمان ومواثيق
ما هم بمان الحكم والحلف والجار=بمان شِلفٍ مع عيالٍ هداليق
اضعانهم وردت من الدير سنجار=وأحيان من شط السماوة بتشريق
وقطعانهم تالف على رتع الأخطار=ترعى نبات مطمطمات الزما ليق
ما مرها غير الهبايب والأمطار=بعد المطر ما ديس نبته ولا ذيق
8) مكارم ومفاخر لرجال فبيلة الفردة وشيم عالية
ولربعنا بسلم العرب والشيم كار=الجار منهم ما شكى حال تفريق
وليحصل منه الخطأ تقل ما صار=ولا وطاه الحص من ضمنهم سيق
ولاهم على القاره سريعين مشوار=ولاهم بحشوٍ جفلتها المعا ليق
ولاهم من الي لو قضاياهم صغار=غدا لهم مثل وصيص الغرانيق
وان كان قاموا فدروا كل هدار=تعرف مواقفهم لا نشفت الريق
كم واحدٍ به قبلهم جن و سكار=ومن فعلهم تصحي المجانين وتفيق