تنصا الشيخ أبن هديب حثلين ثم بالترتيب = وقله ما عنيت من القصيم إلا على شانه

26-12-08, 07:34 AM

هذه ابيات جزلة ورائعة قالها

الشاعر /

شاهر بن مريشيد بن راشد العضيله المطيري

في مدح من يستاهل المدح الشيخ /

حثلين بن هديب الفريدي

الله يطول بعمره على الطاعة ,,

ويخليه لنا ...


	سلام الله سلام ما يساق إلا على هل الطيب = سلام الطيب لأهل الطيب ميراده وعنوانه سلام للنشاما ما دخل به شك ولا ريب = تعبر به صدور بالكلام الزين مليانه سلام للشيوخ اللي تحلحل كل علم صعيب = سلالة من يفكون الدخيل إن زادت أحزانه نديبي هاك مضمون الكلام ودق سلف الجيب = وتله تقل حر من مطيره رف جنحانه تنصا اللي ليا منك نصينه يكثر الترحيب = وقولة مرحبا وأهلا مسجله ببيبانه تنصا الشيخ أبن هديب حثلين ثم بالترتيب = وقله ما عنيت من القصيم إلا على شانه لشيخ يكسب الطاله مجرب ما يبي تجريب = صنيدحي والشجاعه ورث أبوه وورث جدانه ذرا اللي من هموم الوقت شيب قبل وقت الشيب = أبو ماجد ويرهي بالسعد من طب ديوانه علوم الطيب ورث وفعل يمنى والكلام يجيب = ما أخذها من ضعيف باسط بالسوق دكانه هذا طلق الحجاج وراعي الفزعه ولا هو عيب = لا مني مدحت الطيب بطيبه وبرهانه عزيز النفس رفيع المقام وبالكلام أديب = وربي راسم رسم البشاشه فوق حجانه يقولون الرجال الكذب يخطي والصحيح يصيب = ورجل ما يعد الصدق ليته يقضب لسانه