|
رد: ≈ •°•° عضو تحت الاضواء 4 •°•° ≈ ابو العز وفقت في الأختيار ابو بندر احييك بتحية الإسلام / السلام عليكم ورحمة الله وبركاته تفضل هذه مجرد بداية لما بعدها :: هههه ربي يعينك 1 - الكل له يد في نجاح المنتدى لاشك لكن _ هناك شخص ترى ان جهوده سبب كبير في النجاح ؟ من هذا الشخص "؟ وماذا تريد ان تقول له ؟ 2 - اذا طرحت فكرة أو رأي ولم يستجاب لك هل تغضب او تقول قد يكونوا هم على صح وأنا على خطأ ؟ 3 - اذكر لنا موقف محرج مر بك واخر طريف ؟ من حقنا عليك لازم تجيب لاتقول ماعندي ؟ 4 - لو عرض عليك مبلغ من المال على ان تترك المنتدى لمدة سنه فقط هل تتركه ؟ 5 - لو أتاك شخص وبدأ يسبب لك أشكاليات مع زملائك المشرفين والإدارة ماذا ستقول له ؟ 6 - ذكرت في السابق ان المنتدى سيقفز قفزة قوية خلال وقت وجيز ؟ كيف عرفت ذلك ؟ نريد سبب مقنع ؟ 7 - امر لايعجبك في المنتدى مع انه يتكرر ؟ 8 - امر يعجبك كثيراً في المنتدى مع انه قليل جداً وتتمنى استمراره ؟ 9 - قلت انك تحب بعض عادات الغرب : اذاً مارأيك في بعض عاداتنا مثل : عدم القيام من الصحن حتى يقوم الكبير أو الضيف حتى لو كنت مشغول وهو أخذ غفوة على الصحن ؟ الألتزام بالشماغ حتى انك لو لم تجد شماغك وأذن المؤذن ... لديك استعداد لترك الصلاة في المسجد بسبب حيائك من الشيبان خاصة ؟ 10 - هل تحب ان تسمع للكتب المسموعة او الوقت يسعفك للقراءة خاصة مع زحمة الرياض ؟ ولمن تقرأ ؟ وأي فن تحب تقرأ به كثيراً ؟ وتقبل تحياتي هذه بداية لمابعدها يعني اقول انتبه ترى تبي تجيك جامدة ... الله يوفقك يابوبندر لكل خير وانت مبدع قليلة بحقك |
رد: ≈ •°•° عضو تحت الاضواء 4 •°•° ≈ هلا ابومالك نورت الموضوع جاي حامي ولا اعداك ابوتركي عشر اسئلة وتقول توي بعد 1- الكل له يد في نجاح المنتدى لاشك لكن _ هناك شخص ترى ان جهوده سبب كبير في النجاح ؟ من هذا الشخص "؟ وماذا تريد ان تقول له ؟ الاجابة لا استطيع حصرها في شخص واحد ايا كان جدهده فاليد الواحده لاتصفق ابد . وبتالي ارى ان الجهد مشترك وللجميع وبالجميع نعم هناك اسماء اسهمت كثيرا في نهوض هذا الصرح واسماء تميزت بالعطاء الظاهر واسماء تعمل بصمت ومن هذا المنطلق لا استطيع تسمية شخص محدد بعينه فالنجاح ثمرة نتجة عن جهد كل الغيورين بلا استثناء. 2 - اذا طرحت فكرة أو رأي ولم يستجاب لك هل تغضب او تقول قد يكونوا هم على صح وأنا على خطأ ؟ التعصب لراي فقط من اجل الانتصار لذات امر ممقوت ولكن عندما تشعر ان رايك صواب ولا ياخذ به قد تشعر بالاحباط وعدم تقدير الاخرين لرايك ، ومع هذا لابد ان تنظر الى الامر من وجهة نظر ان الاخرين قد يكونوا هم المصيبين وانت الذي جانبك الصواب وعليك ان تكتفي ببذل الجهد والاخلاص في الرأي. 3 - اذكر لنا موقف محرج مر بك واخر طريف ؟ من حقنا عليك لازم تجيب لاتقول ماعندي ؟ اخر موقف ظريف ومحرج في وقت واحد امس رحت اداوم وانا ماعندي دوام بس لاتعلم احد. كان الدوام عند المجموعة الثانية في الاجازة وطار علي يوم الراحه وداومت اليوم اللي بعده. 4 - لو عرض عليك مبلغ من المال على ان تترك المنتدى لمدة سنه فقط هل تتركه ؟ كم المبلغ يابومالك على حسب لاعدمتك خلك بزنس مان ياجنتلمان. يقولون المصريين (الفلوس نعمه واللي يقول غير كدا يعمه) وانا مابي اصير عمى : ) ولا اشرايك انت 5 - لو أتاك شخص وبدأ يسبب لك أشكاليات مع زملائك المشرفين والإدارة ماذا ستقول له ؟ دور على غيرنا وبلاش تتعبنا +اذا ماوخر ياخذ له لخه على الصابر هههههههههههههههههه اعجبتني اللخه من زمان عن هالسوالف الله لايجيب ساعة القشر. 6 - ذكرت في السابق ان المنتدى سيقفز قفزة قوية خلال وقت وجيز ؟ كيف عرفت ذلك ؟ نريد سبب مقنع ؟ حسب عمر المنتدى وبالنظر على المنتديات المشابهه نعم قفز المنتدى وبخطوات عملاقه والحمدلله والصبر طيب يابومالك القادم مذهل اكثر والبشرى عند عبدلله والجميع بيفرح انشاء الله ويرفع راسه بالمجالس واهلها وهذا وعد بيني وبينك بذكرك فيه ان شاء الله ثم بجهود المخلصين شرواك والاخوان. 7 - امر لايعجبك في المنتدى مع انه يتكرر ؟ المرور السلبي على المواضيع . والانتقائية في الرد على البعض دون الاخر وهذا وان كان موجود بقلة الا انه آفة ادعو الله الا تستشري بيننا. 8 - امر يعجبك كثيراً في المنتدى مع انه قليل جداً وتتمنى استمراره ؟ المواضيع الحصرية والنقل عن المنتدى للمنتديات الاخر. الناس ماتنقل الا الشيء اللي ماهو عندهم الما المنقول فهو عندك وعند غيرك. والحصري متوفر عندنا ولكن اطمح الى المزيد والمزيد من الانتاج الفكري والادبي والفني عبر مجلس الفنون والتصميم وبقية مجالات الابداع الامتناهية 9 - قلت انك تحب بعض عادات الغرب : اذاً مارأيك في بعض عاداتنا مثل : عدم القيام من الصحن حتى يقوم الكبير أو الضيف حتى لو كنت مشغول وهو أخذ غفوة على الصحن ؟ (اولا اللي قال ابن منيديل ماهو انا ركز لي هنا شوي تكفى وحط خطين) تصدق عاد خاصة هالعاده هذي اكاد اقدسها لان فيها احترام وتقدير لشخص الكبير وانت اذا مشغول لا تجلس معه على الصحن اعتذر من بدري ورح لشغلك بس تقوم وتخليه وراك لا معصي. -الألتزام بالشماغ حتى انك لو لم تجد شماغك وأذن المؤذن ... لديك استعداد لترك الصلاة في المسجد بسبب حيائك من الشيبان خاصة ؟ انا عن نفسي غير ملتزم بلبس الشماغ كثير حتى لو عندي ضيوف اخوك ماله خلق على العقال ويجيب له صداع. بس تترك الصلاة علشان مافيه شماغ لاء. الفرض اولا من الحياء من الناس. على فكرة ترى هذي دايم حجة الاصلع يقول استحي اطلع بدون شماغ ويصلي بالبيت . : ) 10 - هل تحب ان تسمع للكتب المسموعة او الوقت يسعفك للقراءة خاصة مع زحمة الرياض ؟ ولمن تقرأ ؟ وأي فن تحب تقرأ به كثيراً ؟ من ناحية الوقت فعلا ماعاد فيه وقت خاصة للقراءة كيف عاد الاستماع. بنسبة للقراءة عديت مرحلة القراءة لاشخاص معينين اصبحت الماده هي الشيء الجاذب بنسبة لي اكثر من الكاتب بحد ذاته. ومجالات القراءة متعدده يابومالك يعني مافيه شي محدد تكون القراءة فيه اكثر من غيره وان كان يستهويني التاريخ والسير والانساب بشكل اكثر من غيره الا اني احب التنوع في الماده . هناك بعض الكتاب اتابع مقالاتهم في الصح وابرزه الرائع صالح الشيحي وفهد عامر الاحمدي . شكرا على الاسئلة الطيبه والحضور الذي اضاف لي اكثر مما اضفت له. |
رد: ≈ •°•° عضو تحت الاضواء 4 •°•° ≈ والله ماعندي إلا كل خير... أحييك وأرفع لك العقال على أريحيتك أبو بندر...أبدا ماهي مستغربه... مع ان الواحد صار يدعي ربه ما يجي في هالكرسي من أسئلة الأعضاء .... ما يمديك تاخذ أنفاسك...كل الشكر أبو بندر على رحابة الصدر يعطيك ألف عافيه... |
رد: ≈ •°•° عضو تحت الاضواء 4 •°•° ≈ الله يعطيك العافية عبدالعزيز وشكرا للمرور على الموضوع والله لايريك مكروه في عزيز مربط على هالكرسي غصب وامر واقع فرض بقوة الحديد والنار طلع ابو العز ارهابي .<<< بلغوا عنه : ) |
رد: ≈ •°•° عضو تحت الاضواء 4 •°•° ≈ جتكـ الأسئله الحاره زي الفلفل س1: تحب الشاهي س2: هل لديك موقع س3: هل يعجبك الأستايل الجديد س4:عطنا أفضل بيتين لكـ أو قرأتهن س5 والأخير : هل تحب الفلفل ومعليش أذا كانت فيه أسئله مزعجتك |
رد: ≈ •°•° عضو تحت الاضواء 4 •°•° ≈ مشرفنا العزيز ابو بندر اسئلتي خفيفه اخاف يجي الدور علي وعرفك زين 1- أحرج موقف مر عليك في حياتك 2-ماهي الصفه التي تتمناها في صديقك 3-هل مريت بتجربت الحب 4-ما هو أصغر بلد في العالم 5-هل تؤيد الزواج مره ثانيه 6-لو سافرت من تتمنى يخاويك من المشرفين 7-نصيحه توجها للاعضاء الجدد اتمنى أن تجاوب بدون تهرب خصوصاً 5و6 والسلام |
رد: ≈ •°•° عضو تحت الاضواء 4 •°•° ≈ بما انكـ هلالي وش رايك بمخرج 17 ( فهد المفرج) تتمنى يستقيل محمد بن فيصل والالا كنت مؤيد لتنسيق عبدالله الجمعان ياترى يتعوض يوسف الثنيان وش رايك بالمطنوخ الي موجود بتوقيعي وتتمنى يرجع لرئاسة النادي والالا بما انك عسكرري ياترى تنصح الشباب الي بالثانوي بالعسكريه او مثلك مثل من جربها متى نشوف الجامعات السعوديه كل الدكاتره فيها سعوديين المنتدى من دلك عليها برسايل الجوال او عن طريق ......... فيه منتديات اخرى تشارك فيها او المنتدى هذا فقط خلصت اسئلتي بسس تحياتي |
رد: ≈ •°•° عضو تحت الاضواء 4 •°•° ≈ الا ترى تناقض في ارتفاع الاسعار عندنا وارتفاع اسعار البترول ؟ متى تصيبك رجفة اليأس؟ هل تؤلمك حرارة الأنتظار؟ بعد توريط ابو العز لك في هذا اللقاء هل تنتقم له مستقبلا |
رد: ≈ •°•° عضو تحت الاضواء 4 •°•° ≈ أبو بندر ** هل أثر عليك عملك في طريقة التفكير . . . التوجه . . . والتخطيط أيضاً ؟ ** بين التذاكي والتغابي أين يجد الرجل الحكيم نفسه ؟ ** برأيك إلى متى نعدي للبعض حماقاتهم التي يظنون أنهم مرروها علينا ؟ مع محبتي وتقديري |
رد: ≈ •°•° عضو تحت الاضواء 4 •°•° ≈ اخي ابو العز اشكرك على ادارة الحوار وهذا هو المطلوب ارجع الى صديقي ابو بندر صديق الطفوله هل له تأثير بحياتك الآن ؟؟ هل تشعر بأن المجتمع يقسو على الشباب ؟ كيف تمتص غضب من امامك ؟؟ مالمكان الذي تجد فيه الراحه ؟؟ ولي عودة ثالثة |
| الساعة الآن 11:43 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir