قالوا توفي قلت راحوا هل الكار=وقضت هروجنا و العجاريف
لا والله إلا صكوا الباب والدار=من عقب ما حنا مستانسينٍ على الكيف
من يوم راح نورها إعلان و اجهار=ماني على الدنيا كثير التحاسيف
اللي مضى نورها يزعر النار=ويجهز دلاله بكل التكاليف
ما همه غلا القهوه والأسعار=ويفرح ليا شاف المسير مع الضيف
مع بيوتٍ كنهن قطف الأزهار=بيوتٍ نقية ولا بخطف الهرج تخطيف
دخل بقبره ولا عقب القبر مظهار=ولا ظن عقبه ينجحن السواليف
اللي مضى يجيه من الربع زوار=و اليوم ما منهم اللي زار بيته ولا شيف
مرحوم يا خيار النشاما والأخيار=جعلك نزيلٍ للجنان المعاطيف