مجالس الفرده - الجزء الثالث من تغطية شاعر المليون

ماجد العتيبي
http://i394.photobucket.com/albums/p...an/majed07.jpg

بدأ فالقصيده بشيلة رائعه وصوته جميل ماشاء الله

الهم نار ماعطت للفرح دور
وأكبر ضررها فـ أوسط الصدر ويسار

كانت ولا باقي لها أية حضور
اليوم في صدري من أحداث الأقدار

كن الضلوع أغصان وهمومي طيور
ولا من هنا اللي ملله وقته وطار

ودام الزمن ماهو معي وافي شبور
ابستميت وكن ماصاير(ن) صار

مانيب من يشكي لناصر ومنصور
باعيش وآمالي بمعبودي كبار

لا بد مايطلع بعد هاالدجى نور
وأشوف فـ أغصاني من أفراحي أثمار

وأقول يا همي مجمل ومشكور
خليتني بأسباب أصوغ الأشعار

خالد عطيّه العنزي
http://i394.photobucket.com/albums/p...an/5aled08.jpg

يامستوى علم عزيز كان تحت المستوى
بإن الرسول (صلى الله عليه وسلم) أمسى ثلاث أيام وبطنه خاوية

وياحامل أعلام الجنود اللي يرتبهم لواء
لا تعامل أحلام الجنود بعينك المتماويه

أبسألك يوم السيوف بـ بدر حفارة ثوى
أبسألك يا صاحي وش كان فعل معاوية

فلو أولي الضعف استحالوا أن يصبحوا أولي قوى
ما كانت بيوت الشعر من شعرها متقاوية

النفس نفس النفس ولكن فرقها بـ المحتوى
ياليت نفسي نفس مانفسي تمنى حاوية

( ملاحظه - نقاش الشاعر كان اطول من قصيدته )

http://i394.photobucket.com/albums/p...Man/m7md09.jpg

محمد بن سعد الهجره , من الاشخاص الذين لفتوا أنتباهي في هذه المسابقه

قصيدته رائعه لـ أبعد الحدود وفكرة قصيدته كانت ذكيّه في مثل هذه المواقف

البارحة في الحلم قابلت زيدون
زيدون ماغيره طلع في منامي

مدير مسرح شاعر الحلم مليون
اللي على المسرح يجيب الاسامي

اللي إليا أقبل تشخص لشوفه عيون
وفي إيديه ظرف شد كل الأنامي

يا مفسرين الحلم لي وش تقولون
تفسيركم نور يزيح الظلامي

وفي العلم يازيدون وأكون ممنون
وصل لأبو خالد محمد سلامي

+

بوح الملامح يحرج مكابر الصمت
والصبر عذره مايكفر خطاياه

على السكوت وردع الافصاح صممت
تصميم مذنب تعتبر من مزاياه

قاومت تيار اعترافي وسلمت
إن اعترافي مايحقق نواياه

كابرت لكن في المقابل تندمت
في ساعة فيها الندم من ضحاياه

أحيان ساكت واحسب إني تتمتمت
تعبير مجروح شكى من كواياه

http://i394.photobucket.com/albums/p.../faissal10.jpg

لا تقول إن مالي ومالك جدى <<<< لله درّك

فيصل بن طواله

صراحه اعجبتني قصيدته بشكل كبير وخصوصاً يوم قال , لا تقول إن مالي ومالك جدى << : (

التناكر بين خلق الله بدا
صار هذا تقل مايعرف هذاك

القتن خلت رفاقتنا عدى
والوجيه البيض تطعن في قفاك

استمع صوتي ولا ابيلك صدى
داخرن ياذيب للمرقب عواك

بح صوت العقل من طول الندى
المسا المحسوس واستخدم ذكاك

فرصة التغيير لا تذهب سدى
قبل تبدا خطوتين إرجع وراك

طيبتك مع بعض خلق الله ردى
لا تواضع وأسفل العالم رقاك

الحقيقة زيف والمصلح غدى
والنصيحة أوشكت تصبح هلاك

لا تقول إن مالي ومالك جدى
ياعزيز النفس ماينفع غناك

وش عشاك وأنت ماتلقى غدا
لا تقول إن الغداء تالي عشاك

أدري إن العافية ثوب ورداء
لكن الخوف المرض إليا اعتراك

للطموح إن مات واحدنا فدا
البلاء لا عشت ماحيـ(ن) رجاك

للعطش غيمة وللوردة ندى
والوسيلة قد تبرر مبتغاك

إنحلال المجتمع ماله مدى
ناظر أصحابك قبل تنظر عداك

الفساد بدورنا قام يحدى
أضعف الإيمان تسأل وش بلاك

النبي ( صلى الله عليه وسلم ) بدل ضلالتنا هدى
بس مايقدر إذا ما الله هداك