|
بـعض الـعرب ما ينعطي وجه بالحيل بعض العرب ماينعطى وجه ) ••.•°¯`•.•• للشاعر : عبدالله بن باتل الرشيدي ________________________________________ بـعض الـعرب ما ينعطي وجه بالحيل= ولـيا عـطيته وجـه يصير عله وبـعض الـعرب ماله سنع لكن حليل= بـالـضبط كنـك لا تـمعنت ظـله وبعض العرب شقرا و شقرا مع الخيل= مـا يـنفعك لـولا الـرموش الـمظله و بـعض العرب لا يعجبك ثرثرة ليل= و بـاكر تـرى مـا قـالك شـي لـله وبعض العرب مرسال مادري مريسيل= يـساير الـعالم و هـو ما حـاصل لـه وبعض العرب يصلخ و ينفخ و هو ريل= و فـي زعـمه انـه يـفهم الكون كله وبـعض العرب ما غير بندق و دربيل= و مـنين مـا هـب الـهوا جـايز له وبـعض العرب يطلع كما طلعة سهيل= و يـغيب نـجمه قـبل دربـه تـدله وبـعض الـعرب يوذيك بالقال والقيل= تـجلس مـعه سـاعة ولاخـرى تمله نـذل و خـسيس يفصل الهرج تفصيل= و لـيـا لـقـا لــه طـيبٍ يـستغله وبـعض العرب منظر و كشخة وتحليل= شـبح بـحال و حـاله اخـرى كرله لا شـفت زولـه مـن خيار الرجاجيل= و لـيـا عـرفته مـا تـجيه بـمحله و بـعض العرب ماضيه ليل على ليل= كــذ بـصـموه وصـوروه الادلـه وبـعض الـعرب لا والله الا تـهاويل= مـهـما عـقدت الـحبل لازم يـحله كــد دربـوه و لـكعوه الـرجاجيل= مـن قـبل لا يـصدر حدث جاهز له وكـانك شجاع صحيح حارب اسرائيل= قـبـل الـيـهود الـقدس لا تـستحله وكـلش يـهون الا الـثلاث الـغرابيل= الـمـهـزلة والـمـسكنه والـمـذله |
رد: بـعض الـعرب ما ينعطي وجه بالحيل اخوي منصور يعطيك الله العافيه و ياحبذا لو نوهت عن قائل القصيده على انه عبدالله بن باتل الرشيدي او كتبت لا اعرف القائل اذا كنت لاتعرفه وشكرا تقبل مروري |
رد: بـعض الـعرب ما ينعطي وجه بالحيل أخوى منصورالوسوس تسلم على النقل الموفق ومشكور على الجهد المبذول وصح لسان الشاعر تقبل مرورى وتحياتي تحياتي للجميع |
رد: بـعض الـعرب ما ينعطي وجه بالحيل ابو محمد صباح الخير تغيب وتجيب النوادر لك مني التحيه والأحترام رائعه الكمال لله أعطيها 99,7هذا رأي الشخصي وأنا يكفيني هالبيتين تمنيت انهن لي وبـعض الـعرب يوذيك بالقال والقيل= تـجلس مـعه سـاعة ولاخـرى تمله نـذل و خـسيس يفصل الهرج تفصيل= و لـيـا لـقـا لــه طـيبٍ يـستغله فعلاً هذا السهل الممتنع وهذا الشعر الذي يحاكي الوجدان يافلان ياكثر هذه الأصناف بهذه الأيام |
رد: بـعض الـعرب ما ينعطي وجه بالحيل تسلم يا بو محمد على النقل الجميل وللاسف هذا اللي حاصل ها الايام عجايب كما قال الشاعر صح السان الشاعر تقبل تحياتي |
رد: بـعض الـعرب ما ينعطي وجه بالحيل الهاوي شكرا لك واسم الشاعر سقط سهوى مع التنسيق ملاحظه جيدة اشكرك عليها |
رد: بـعض الـعرب ما ينعطي وجه بالحيل صح لسان الشاعر والقصيدة من الجزلات واحسنت الذائقة النقل ابو محمد مشكورة جهودك بارك الله فيك . |
رد: بـعض الـعرب ما ينعطي وجه بالحيل الله يعطيك العافية أخي منصور قصيدة رائعة تقبل مروري |
رد: بـعض الـعرب ما ينعطي وجه بالحيل سمعت أن عبدالله باتل يسمى البحر الميت لقلة ذكره بين الناس وقوة شعره ،،،،،،،،،،،،،،،،، أبو محمد دائما تتحفنا بالجزل دمت ودمنا بجمال ذائقتك |
رد: بـعض الـعرب ما ينعطي وجه بالحيل مساءك ورد وفل وياسمين يابو محمد بصراحه حاولت أقتبس بيت والا أثنين على شان أضيفهن بالرد, بس ماقدرت لأن كل بيت أحسن من الثاني همسه: (( ابن جضعان عندك من الطيٌب الشي الكثير بس لا تبخل علينا)) صح لسان ابن باتل وبيض الله وجهك يابو محمد على النقل الجميل لك وللجميع عظيم التحـــــــــــــــــــــ ـايــــــــــــــــــا |
| الساعة الآن 04:15 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir