|
شاركونا-- أبيات مختارة في الطير اخواني اعضاء مجالس الفردة الكرام هذا موضوع الطير واجمل ما كتب فيه من مدح ومن ضياع ومن رثاء ,,, . . . فحبيت ان اجمعها لكم وتجمعونها معنا في هذا الموضوع ،،، . هذا فعل هداف لا من تعـلاّ***النادر اللي في لحوقه رهاوي اللي ليا منّه وصلهـن تـدلاّ***ادلاي دلو ٍ من يدين الشواوي النجم السماوي . عـزام لامنـه طلبنـي سبـوقـه***ماقلت ياعزام طلعك علـى ويـش موكدٍ طلعـه ومثبـت لحوقـه****ماجا على طلعه غبارٍ وتشويش لونها تحتـه او ان جـات فوقـه****مرهي عليها من قبل تنفض الريش مبااااااااارك الهاجري واطيري اللي مات وقت الهدادي***وانا اتحرى طلعت سهيل وارجيه ليته على برقا الجناحين غادي***ولا على ذربين الايمان مهديـه محمد بن دشن الهاجري واطيري اللي مايتاوق لياشـاف***لامن وكد بالطلع تـل وعطيتـه غدتبه اللي غرفها غرف مجداف***من يوم شفت طيارها مارجيتـه عبدالرحمن العطااااوي العين عين اللي تنكس على اللوح***بيض الدواغر في المفالي طرحها اليا علاها في السما لاحها لـوح***اما ضربها عـرض ولا نطحهـا محمد بن مقعد الرشيدي ياعاشق المغتر تحدى المجاهيم***الفعل خله لاشقر اللون صافي العطاااااااوي . ماهوب وكرين عشـاه الجـرادي***من العلف شر على كف راعيه محمد بن دشن ياهيه ياالطاروح لاتطـرح الطيـر***خل الوحش لاتوجعـه بالمهـادي خله بمضياحه بروس الشناضيـر***فالخبت والا في رجوم الحمـادي يشيخ في رايه وعزمـه بتدبيـر***ويسلم من البرقع وتـل القيـادي وانت اكسب الراحه وخل المخاسير***اليوم شبك الطير عـود جهـادي الشاعر/ عبدالله بن عون العتيبي . ثنتين عندي من نوادر طبوعي***للطير قدر وللمناعير تقديـر اقدره تقدير طيـب ربوعـي***وبرفقته مامل طول المشاوير الشاعر/ ثامر القطيم السبيعي ................ مع تحياتي لكم وأتمنى من الأعضاء المشاركة |
رد: شاركونا-- أبيات مختارة في الطير «®°·.¸.•°°·.¸¸.•°°·.¸.•°®»* ***«®°·.¸.•°°·.¸¸.•°°·.¸.•°® » ** مشكور يابن راكب على هذا الموضوع الجميل . ولاشك الطير له تقدير عند العرب ************ فبعضهم ذكره بأشعاره وبعضهم من وصف به حبيبته . هذا بيت من قصيدة لشاعر بنــــدر بن ســــرور . لا ياعيــون اللي لياصك بالجول ــــــ منه أبـرق الجنحان عجـلٍ مطيحــه . «®°·.¸.•°°·.¸¸.•°°·.¸.•°®»* ****«®°·.¸.•°°·.¸¸.•°°·.¸.•° » |
رد: شاركونا-- أبيات مختارة في الطير ابو عبيد اشكرك على هذا الموضوع المتميز لاهنت .................. هذه الابيات للشاعر (غازي المطيري )
افـدع مـحـدب مـتسنـّد مـستديـر= وافي الطول واف العرض جبر العظام وارد الوجه وكراعه جلال قصـير= ماخـذات اكفوفـه مـن كفــوف الغـلام و اصّراويل كاسيتن سبوق الحرير=افجــحن كنّــه اللقّــاي وزن المقــام في كحوفه سنا عينه سنا نار كيــر= فاصـلات بيــاض الراس مثل الوشام مكتسن من دقاق الريش شي وسير= خف ريش القطا بالوصف و الاّ الحمام و الظهر يطّـرد به مثل موج الغــدير=و الــنحر بتــرة ٍ مطـــلية بالرخــام |
رد: شاركونا-- أبيات مختارة في الطير
القيض باقي من توالي عداده=أيام عده من تواليه ينزاح هذي أبيات من ضمن قصيده طويله للشاعروالطير قرب يالمولع هداده=ياللي على شوف أول الصيد مشفاح أيام للصقار غايت مراده=اللي عياده شوفت أسهيل لالاح ويابن شديد من لياليك ناده=على العشاء ولا على دس ملواح ماشفت فعله مير روياء شهاده=ونبي نسمي لشقر الريش ذباح وليا عثر بالجول ضني نفاده=عوق الهريب أليا أرتفع للفضا طاح وليا تعلى لبرق الريش صاده=واللي يبي خضرء السماء عنه مارح وافي طلوع وزاد فعله ركاده=هذا حسب وصفك وأنا أضنه أسلاح سلاحً يصيد الصيد ماقض أجاده=ويلقا بمحاسه لحمر الدم نضاح |
رد: شاركونا-- أبيات مختارة في الطير
ياخالد بن عبيد لاتبعد الطير=قرب لنا ذباح برقا جناحي هذي الابيات من ضمن قصيده طويله للشاعرالطير يسوى من وراه المخاسير=سمي على أسمه يوم سمي فلاحي عز الله أنه هو سلاح المداوير=لمدورين الصيد برض المشاحي ظربات كفه تمزع الريش ويطير=هيفن على برقا حباريه ماحي ولو كاش حبرون الحبار المخامير=يذبح مخاميره وطير الكفاحي يلحق حدوم أليا وقعن المثابير=لاطيرو لبد الحبار المطاحي حلياه ياخالد طويل الاشابير=اللي يفك البل نهار الصباحي درع الجهام اللي يخوض الطوابير=خوضات هرشن خاض رتع القاحي هرشن سنام وزار من كثر ميزير=بول هداده صام والبطن راحي وصفت الاشقر مشلهب العناقير=يشبه مصلط هاويات الرماحي فعال وفعوله لها عنه تقرير=وعن ناس صادوبه دروج البراحي مـشـكـور يـانـاصـر عـلـى كـل الاحـول******عـلـى الـجـهـود الـطـيـبه وخـتـيـارك |
رد: شاركونا-- أبيات مختارة في الطير اليكم هذه المقطوعات لشاعر القنص الاول / بدر الحويفي الحربي
ياللي طلبتم نبذةٍ من قصيدي = عن واقع المعقول لا أنقص ولا أزيد أنا غرامي وأنبساطي وعيدي = تفريعة القرناس بأرضٍ بها صيد لا شطب الصيحان روس الزبيدي = والعشب جاء له بالمثاني عناقيد والبدو ما يبدى لهم بالشديدي = تسعين ليلة ما حكوا بالمواريد وقال :
لا شك حب الطير شارك عيالي = ولو ما أتسلى بالولع كيف أبا أعيش والله ماني عن غلا الطير سالي = لو نطعمه من بارد الخبز والعيش ولو كان للخارج نشد الرحالي = وندفع على شانه ضريبه وبخشيش وقال :
ما ضاع عند الطير ماهو بمخسار = لا صار وقت الطير ماهوب هابي والطير حبه دق بالقلب مسمار = من يوم أنا في عنفوان الشبابي قلبي يحب الطير والطير بوار = خصٍ ليا لد النظر للعقابي تركض وراه وتقل ترميه بحجار = لو شاف نسره كن بالخرج دابي ينسى الجمايل ويتنكر تنكار = نفسه قزازه قابله للخرابي ياما على دربه تجاوزت الأوعار = وأصيح وأومي له وهو ما شقابي وقال :
ماني مسود لحيتي لو غدت شيب = ولا ني مغير بأسود الصبغ شيبي لا عاد لا عاشق ولا ني بخطيب = حقي من الخفرات حاشه نصيبي البيض مالي من وراهن مطاليب = مالي بهن لو جوّدني بجيبي وطرد الهوى مابه ملامة ولا عيب = ليا صار بحدود الشرف مايعيبي وأنا غرامي رفقة الطير والجيب = وشوف الحباري وقع ولا هريبي ومد النظر في نايفات المراقيب = وقص الأثاري مع جناب الشعيبي مع الرجال مكملين المواجيب = ما ارافق الا كل رجلٍ نجيبي وقال :
العشق مالي في مجاله وظيفه = مسلمه للي يبا العشق تسليم هواي لا عديت راس المنيفه = والطير صايم وأخويايه شغاميم وقال :
أنا على المقناص قلبي يرفي = فتره ونرجع يم أهلنا مناكيف بديار لفروق الحباري تلفي = جنوب من حزم الجلاميد وطريف الطير هو غاية مرامي وشفي = أقدره تقدير الأجواد للضيف من كبر قدره شايله فوق كفي = وأرعاه تسع شهور بالقيض والصيف وقال :
قلبي مولع بالصقور القواطيع = من عرفتي للعلم هذي طبوعي اللي على بيض الدواغر هواليع = لا فرعوهن للهدد عقب جوعي بأرضٍ بها غير البذيرة طواليع = قفرٍ بها بيض الدواغر ارتوعي لا شافهن طير السعد عقب تطليع = هذي تكوبر له وهذي تقوعي بأرضٍ بها روس الزبيدي مصاليع = ما دوجت فيها الغنم والنجوعي قفرٍ يداعبها نسيم الذعاذيع = فيها غمير العام مثل الزروعي هذا هوايه يا بعيد المراميع = حب الولع معلق بقلبي ولوعي مادام انا بالسوق لا أشري ولا أبيع = قنعان بالمقسوم ما ني بشوعي ودنيا الفناء خليتها للطماميع = لا حصل ستر الحال منها قنوعي وقال :
ولعت قلبي يا ابراهيم توليع = وذكرتني دوري مع الطير هزاع وحب الطيور هوايةٍ مالها ريع = إلا الوناسه مع طويلين الأبواع يوم الولع ينعش قلوبٍ مواليع = والصيد مادونه حوامي ومناع تلقى الجوازي بالصحاري مخاضيع = والبر فيه اشكال من كل الأنواع واليوم ماحتى نشوف الجرابيع = يم الديار اللي بها صيد وإسباع مقناص بس نضيع الوقت تضييع= نقفي ونقبل بين وديان وتلاع |
رد: شاركونا-- أبيات مختارة في الطير عبد العزيز بن عبلان يعطيك العافية وصح لسان المرحوم بندر بن سرور أبو عبد العزيز لاهنت لاهنت وصح لسان الشاعر غازي المطيري ابن ردمان يعطيك العافية لاهنت وتمنيت أن تدون إسم الشاعر منصور الوسوس عافاك الله على هذه القصائد الجميلة لشاعر من شعراء القبيلة |
رد: شاركونا-- أبيات مختارة في الطير عذراً خطأ غير مقصود ولانساك يامنصور دايم على البال*****ومن عندنا والله رفيعن وقارك |
| الساعة الآن 10:38 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir