|
رثاء في الشيخ فالح بن صلبي (رحمه الله) للشاعر :حمدان الشمري رثاء في فقيدنا ابو سلطان فالح بن صلبي (رحمه الله) للشاعر : حمدان بن ضحوي العديم الشمري
يافالح الحربي خذتك المقادير=واللي كتب لك ياابيض الوجه جالك اقفيت عنا مثل مايقفي الطير=راعيه شفق ودونه الليل حالك اقفيت ياريف الرجال المناعير=ياليتها لك مهلت لك لياليك الله يادنيا التعب والمخاسير =ياليت فالح سالم من حبالك رحتي برجل لح في وجه الخير =دربه على الناموس واضح وسالك ريف الخوي ريف الرجال المسايير=ريف لمن جاله من الوقت هالك تلقى النشامى عند بيته طوابير=بيت لياجيته على كيف بالك بيت فتح بابه بوجه الخطاطير=يشهد علي بالقول صفت دلالك وقت العنا ثابت مثل ظلعت النير = باللازمة ياطا الخطلر والمهالك انا يابو سلطان دمعي حوادير=حزين يومه غاب عنا خيالك ادله الخاطر بكثر التعابير=وفجأه كأني واقف في قبالك فقيدتك ماهي لحرب البواتير=حنا شكينا مثل شكوى خوالك وذودك حنينه بالضلوع المهاشير= لو يفتهم من كبر همه بكالك الناقة الوضحى شكت للمعاشير=وحيرانها تشكي من اللي جرالك الذود عقبك صايربه عواثير= لاراح راع الذود قام يتهالك نشوف شكله حاصل فيه تغيير =لو انت حي جالكم واتشكالك فقدك خساره يابعيد المشاوير= صار الامل بقاربك مع عيالك الله يبيحك يارفيق المشاهير=يافزعة الاقراب واللي عنالك عساك في جنات عدن المخاضير=تحشر بزمرة طيب الذكر مالك وصلاة ربي عد نبت النواوير=عليك يالشافع وصحبك وآلك رحمة الله عليك يابو سلطان (ابو سلطان بإذن الله انه من اهل الجنة وافعالة الطيبه ستبقى وتبقى إلى الاجيال التي تلينا والحمدلله فقد كان آخر شي فعلة ذهابه لنداء ربة وآخر كلمة نطقها الشهاده شهود الله في ارضه فلم اسمع رجل إلى يثني عليه بكل خير ) (نرجو الدعاء للفقيد ) |
مشاركة: رثاء في الشيخ فالح بن صلبي (رحمه الله) للشاعر :حمدان الشمري رحم الله ابوسلطان وقليل في حقه الابيات مهما بلغت وجزاك الله خير انت والشاعر |
مشاركة: رثاء في الشيخ فالح بن صلبي (رحمه الله) للشاعر :حمدان الشمري الله يرحمه ويرحم اموات المسلمين صح السانه وبيض الله وجهك من النامي |
مشاركة: رثاء في الشيخ فالح بن صلبي (رحمه الله) للشاعر :حمدان الشمري والله نه يستاهل ابو سلطان الله يرحمه ويبدل سيئاته حسنات ويجزاك خير يبن نامي |
مشاركة: رثاء في الشيخ فالح بن صلبي (رحمه الله) للشاعر :حمدان الشمري الله يرحمه ويبدل سيئاته حسنات ونعم الرجل اللهم ياكريم انك تعلم انه لو اتاني ابوسلطان ضيفاً لأكرمته وهو أتى إليك وأنت أهل الكرم والعفو والمغفرة فأكرم جنابه وارحم ضعفه وآنس غربته واجعل قبره روضة من رياض الجنة .. ان العين تدمع والقلب يحزن ولا نقول الا مايرضي ربنا الحمد لله على كل حال |
مشاركة: رثاء في الشيخ فالح بن صلبي (رحمه الله) للشاعر :حمدان الشمري جزاكم الله خير الجزاء على مروركم نرجو من الله له المغفرة والرحمة واكرر رجائي منكم بادعاء له |
مشاركة: رثاء في الشيخ فالح بن صلبي (رحمه الله) للشاعر :حمدان الشمري من النامي 0000 حياك الله يا ولد ابوي راشد 000 وقد سبقتني للخير جزاك الله خير000 لقد حصلت على نسخه من هذه القصيده الرائعه من اخوي الكبير وتاج راسي/ عبيد بن سعد الرعوجي 000 وكنت ناوي انزلها اليوم 000 مشكور ولد ابوي راشد 00 وسلمك الله من الحر والشر عرف بنفسك يا ولد نامي 0000
الناقة الوضحى شكت للمعاشير = وحيرانها تشكي من اللي جرالك
|
مشاركة: رثاء في الشيخ فالح بن صلبي (رحمه الله) للشاعر :حمدان الشمري صح لسان الشاعر ورحم الله ابن صلبي عطر الذكر وطيب السيره مشكور اخوي على النقل |
مشاركة: رثاء في الشيخ فالح بن صلبي (رحمه الله) للشاعر :حمدان الشمري من النامي اخي :احمد العود اخواني اعضاء مجالس الفرده والله ان الكلمات لتعجز عن شكركم ووقفتكم العظيمه تجاهنا في وفاة والدنا فالح بن صلبي اسكنه الله فسيح جناته ويعلم الله انكم تخففون عنا مصيبتنا في والدنا المرحوم احمدبن فالح بن صلبي |
مشاركة: رثاء في الشيخ فالح بن صلبي (رحمه الله) للشاعر :حمدان الشمري صح لسان الشاعر وبيض الله وجه الناقل وغفر الله لبو سلطان ابو سلطان الكل يذكره بخير وانتم شهود الله في ارضه اخونا العزيز أحمد بن فالح الصلبي والف نعم لك الفخر يابن فالح في ابوك وفي سيرته الطيبة ونحسبه انه من اهل الخير انشاء الله الي يعرفه والى مايعرفه يشهد له بالخير وانت انشاء الله تسير على نهج والدكم ومن جاب عيال مثلكم ومثل بقية اخونك ما مات والله يجمعكم بوالدكم في مستقر رحمته في ظل العرش اللهم آميـــــــــــــــــــن |
| الساعة الآن 11:15 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir