يافكري المشغول للشعر ميعاد=خلك معي ساعات والوقت محدود
أنا هنا بين على روس الاشهاد=موجود في الصورة ولا ني بموجود
تسري بي الأفكار واغيب وانقاد=وارحل عن الواقع ولا ودي أعيد
هنا كسبت إعجاب أحبة وحساد=وهناك لي موطن وتاريخ وحدود
ما ني بناسي صبح بغداد الامجاد=اللي حجب شمسة من الظلم بارود
أربع سنين وحزن بغداد يزداد=ساعاتها والناس وايامها سود
وان كان في التاريخ صورة لبغداد=هذي شوارعها عصابات وجنود
فيها العباد اجساد وثيابها الحاد=والموت بالمرصاد والرزق للدود
في مشهد ما يوم ما هو بينعاد=وماساتها من زود في زود في زود
الموت لو يرضى بشاعات الاحقاد=أهوالهأهوال تخلي الولد عود
يا خادم البيتين ياذخر الاسياد=يااللي برايك صامل الراى معقود
يا الحازم العادل ويا الصارم الحاد=يامزبن المضهود يا الشامخ الطود
لك سيرة امجاد قديمات وجداد=يفوح منها زاكي المسك والعود
ولك حكمة ترجم شياطين الاضداد=ولك هيبة يخضع لها كل نمرود
واليا ادلهم الخطب والعزم به باد=لك وقفة يفرح بها كل مضهود
تشفي غليل اكباد وتفتت اكباد=ويحيا بها الحق الذي كان موؤود
يا سيف الامة كان للحق ميلاد=إن ما انولد من سيف ما هو بمولود
قدامك المنظر ثلاثي الابعاد=مكشوف للعالم ولا هو بمحجود
على يدك توحيد صف أمة الضاد=وأنت الأمل لا قالوا الصبر محمود
يا قادة الأمة نبي منكم انجاد=ضاعف علينا وقتنا اغلال وقيود
شعب يعيش الغبن ويذل ويباد=فقير ومشردولاجئ ومفقود
تنخاكم آهات الثكالى بالاصفاد=وطريق مجد بالملمات مسدود
تنخاكم الآمال واحفاد الاجداد=اللي لها معكم مواجيب وعهود

المشاركة الأصلية كتبت بواسطة الفريدي (المشاركة 3019) قصيدة اكثر من رائعة مشكور اخوي على هذا النقل الرائع

يستاهل ابو متعب بيض الله وجه الشاعر على هالقصيده وبيض الله وجه الناقل

ودمتم بخير