|
صعب لا منك فشلت وصعب لا منك لقيت=ان من يكره نجاحك يدري انك ما نجحت قصيده رغم الحزن العميق فيها إلا ان لها لمسة جمال ,,
صــعب لا منــــك فشلت وصـــعب لا منك لقيت=ان من يكره نجاحك يدري انك ما نجحت امس ضقـــت ورحـــت اقلب ذكرياتي وانتهيت=عند صورة طفل صوته مثل صوتي لانجرحت وش مثــــل؟؟ لا والله الا هذا انا يـــــوم ابتديت=انطق حروف تلعثم في لساني لا مدحت هذا انا يـوم الحـــياة في نظـــرتي عشرين بيت=ومسجدين ومدرسة من طين كم فيها اصطبحت هذا انا واصبــحت اتمتم هــــذا انا حتـــى بغيت=اختنق بس القدر عيا على موتي وطحت وصاح صوت الطفل فيني انت من وين ارتميت=قلت انا المستقبل اللي فيه كم همت وطمحت امس كنت ابيـــــك تكبر بس والله لـــــــو دريت=اني اللي عشت لاجله مت عندك واسترحت لو دريت ان الزمــــان يجــــر رجلــــى ماعديت=ولو دريت ان البحور بلا مواني ماسبحت كـــــان دربك لي طويــــل وكـــل ماشفتك هويت=قلتلك كبوه جواد وماكبيت الا جمحت ليــــــه تسمعنــــي وتمشى اه ليتــــــك مامشيت=واه ليتك من كثر عثرات الايام انتصحت ضاعت احلامي وظل الحزن فيني واهديت=للطريق اللي يوديني على دمعي ورحت يالحزن ليتك مثل دمعي وتنزل لارقيت=بس اعرفك لومسحت الدمع تبقى ماانمسحت كان حلمي في وجود انسان يبكي لابكيت=وصار حلمي في وجود انسان يفرح لافرحت كنت اشوف الناس مثلي كل ماجعت وضميت=ومادريت ان الاوادم ناس فوق وناس تحت اه يااول ذكرياتي خذني في حضنك نسيت=لاسالك عن وجه ابوي اللي معه ياما سرحت خذني في حضنك بغفى يااااه مبطي ماغفيت=وان لمحت دموع عيني سو نفسك مالمحت خذني بحضنك وبعثر في جروحي وان قضيت=هز لي كتفي وقل عيب تبكي لو سمحت اضحك وعلم زماني من انا ومن وين جيت=طق باب الحزن واصرخ في لامني فتحت وضمني يمك وكمل ضحكتك لامن بكيت=ودي اذكر كيف كانت ضحكتي لامن فرحت |
رد: صعب لا منك فشلت وصعب لا منك لقيت=ان من يكره نجاحك يدري انك ما نجحت صح لسانك يا خوي بقايا انسان على هذه القصيدة الحزينة والجميله ويا ليت تراجع القصيدة مرة اخراء فية احساس عند قافية البيت (( 12 )) او مدر انا يمكن ان الشاعر كاتبها كذا على العموم دام عزك وسلمت يمينك |
رد: صعب لا منك فشلت وصعب لا منك لقيت=ان من يكره نجاحك يدري انك ما نجحت صح بدنكـ ولاهان شاعرها احتمال بس القصيده ما أعلم عن شاعرها حصلتها بالنت ,, لاهنت على المرور |
رد: صعب لا منك فشلت وصعب لا منك لقيت=ان من يكره نجاحك يدري انك ما نجحت صح لسآآآآآنه وصح نقلك تقبل مروري تحياتي لك |
رد: صعب لا منك فشلت وصعب لا منك لقيت=ان من يكره نجاحك يدري انك ما نجحت صح بدنكـ ولاهان الشعر شاكر لمروركـ |
رد: صعب لا منك فشلت وصعب لا منك لقيت=ان من يكره نجاحك يدري انك ما نجحت صح لسانك واشكرك على هذة القصيدة المميزة |
رد: صعب لا منك فشلت وصعب لا منك لقيت=ان من يكره نجاحك يدري انك ما نجحت قصيده قصيده ... ماشالله ياقو القصيــده قواااه .. عيني عليها بارده.. |
| الساعة الآن 03:48 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir