مجالس الفرده - مرقاء العلاء صعبٍ عسيرٍ صعوده

مجالس الفرده (http://www.alfredah.net/forum/index.php)

- مجلس فضاء الشعر (http://www.alfredah.net/forum/forumdisplay.php?f=4)

- - مرقاء العلاء صعبٍ عسيرٍ صعوده (http://www.alfredah.net/forum/showthread.php?t=38161)

مرقاء العلاء صعبٍ عسيرٍ صعوده

قصيده لمعالي الامير محمد الاحمد السديري
رحمه الله رحمة واسعه

القصيــــــــــــــــــــ ـــده :-

مرقا العلا خطرٍ عسيرٍ صعوده=مايطلعه من لاتجلد على الكود
والبيت مايبنى بليا عموده=والحيف يزعل من عن الحق مردود
والحر يجزع يوم توطأ حدوده=وتشرهه نفسه على الطيب والزود
ولايشتكي من لا تضره لهوده=إن شاف جور الحيف والعدل مفقود
والوقت شفنا كل بيضه وسوده=وشفنا نهاره مع لياليه مضهود
والغيم لو تسمع صواعق رعوده=لاممطرٍ وبلٍ ولا هوب مريود
يامدورين الطيب قيسو عدوده=والطيب عدٍ بين الأجواد مارود
والناس بأرض الله تراهم شهوده=وحق بلا فعل على الرجل مجحود
والنذل حيلات الردى ماتكوده=واليا بغا الطولات مايدرك الجود
عن المراجل قاصرات زنوده=طير العشا يصبر على كل منقود
الخيل ماتشكي مضاريب عوده=وبالقيض ماركب النضا مثل صاهود
يعيش في دنياه همه رقوده=ولا نفضنه قرح الخيل والقود
لا عل رحمة خالقه ماتعوده=وعساه مع زمرة هل النار بخلود
هـذا زمـان هايبات فهوده=والناس نادو عنترة بسم مسعود
واشوف لي رجلٍ يعدد جدوده=لو أن أبوه وجده اضعف من الدود
كلت من المأطاء رواسي حيوده=والبوم شاش ولابسٍ درع داوود
والنيص حط لهامة الراس خوده=عقب المذله له طوابير وجنود
ماكن شيء في زمانه يكوده=شاهد بها الدنيا سلامات وركود
وحتى الغراب اليوم يفخر بجوده=والفأر بذراعه قطع كل بالود
والشري والحرمل تباهت وروده=وقامت تشيل غصونه الماس وعقود

وســـــــــــــــــــــــ ــلامتــــــــــــــــكم