هات القلم نرسم من الحبر مكتـــــوب=وأرجي الولي يرجع لنفسي شفاها
والصبر يذكر بالدلايل على صــــوب =والنفس تغــــدي من تتبع هواهــــا
عندي خبر صبر الفتى يقضي النــوب = والنار توجع من برجله وطاهــــا
ودنياك هذي بالمشقلب ومقلــــوب = وعجزت أميز وجهها من قفـاهـــا
وان سانعت لك سنعّت كل مطلـوب = وتسقيك من لذة مشارب حــــلاهـــا
وإن عاكست عن السنع تغلق البوب = تمشيك ممشى الليل وأنت بضحاها
مابين شرق وغرب تفتح لك دروب = وتقدرعلى الانسان وهو مـاقواهــا
وتاعد له الدنيا مواعيد عـرقـــــــوب = وتقفي كما خيل(ن) تبارق حذاهــــا
والصبر معروف وللأجواد ماجـــوب = وكلن يموت وحاجته مـا قضاهــــا
أنالقيت الطيب بالعــفن عــــذروب = ولوأنت تسوي طيبة(ن) ماشتهاها
هراج بالوجهين حشاش عرقــوب = يفرح بغــرات العرب يالقــاهـــــا
ياللي شفيت من المرض حالة أيوب =من علة(ن) له ضرته واشتكاهــا
عبدك وابن عبدك له احسان وذنوب = ياللي عليك النفس تبدي خطاهــــا

رحم الله بن مجلاد
ولاهنت على النشر لهذه القصيده الشامله
شكراً لك الاضافه الرائعه
تحيتي