( الموت هين )

::::::::::::::::::::
$$$$$$$$$$$
الموت هين البلا وش ورا الموت=عند الحساب يهون سهم المنايا
باكر نموت وتصبح قبورنا بيوت=وعقب القصور بضيقات الزوايا
في جوف الارض وكل من حولك سكوت=وتعاقبن بالقبر عوج الحنايا
يارب يامنجي نبيك من الحوت=سترك وعفوك يوم كشف الخفايا
باكر اليا جينا على داعي الصوت=شيبان واطفال وشباب وصبايا
ندعي وحنا بين باكي ومبهوت=ورحنا لها ننقاد مثل السبايا
يارب تهديني قبل لحظة الفوت=وتغفر ذنوبي ياكريم العطايا
اشكيلك همٍ داخل الصدر مكبوت=وأيامي الي بالخطايا ملايا
أن لاذ بك من كان طايع ومبخوت=في من يلوذ المرتكب للخطايا
يارب ياقادر على كل طاغوت=لا ياقف اللي وحدوبك خزايا
رحماك لامنا صحينا من الموت=واليا وقفنا عند بابك عرايا
::::::::
$$$$$$$
متعب التركي

أن لاذ بك من كـان طايـع ومبخـوت
فـي مـن يلـوذ المرتكـب للخطايـا

صح لسان الشاعر متعب التركي
ولاهنت اخوي ابو حمد على الاضافه الرائعه
تحيتي