|
قصيدة المعلمه سارة يوم شافت حبيبها جاي يسجل بنته : قصيدة المعلمه سارة يوم شافت حبيبها جاي يسجل بنته : يانوره بالله اسمعي لاتصدين يابنت حرن مركزه بالصداره شي جرالي قسم القلب قسمين وابلا ملامه افهمي للعبارة باول دوام المدرسه يوم الأثنين معلمه في وجه باب الأداره وقفت باللجنه على سادس اثنين مثل المجند ينتظر للأشاره هاذي تنادي وهاذي ابله انا وين زحمه وتو اليوم بأول نهاره اصوت لثنتين وبيدي ثنتين نوره مضاوي عايشه مي ياره وسمعت صوتن رجع القلب لسنين صوت الذي اسمه بنقش السواره اختي عن اذنش ناقل البنت هالحين تفضلي الأوراق والأستماره عجزت لا اجاوب ولا ارمش العين طول سكوتي وهو طال انتظاره حسيت ان الدم مثل البراكين شريان قلبي وصل حد انفجاره ورفعت راسي وصارت العين بالعين ولمحت في عينه سواة الشراره هوهو والا واهمه ياالرزينين زوله ورفعة حاجبه مع سماره لا ماتغير فيه ياكود شيين حف الشنب والشيب زاد بوقاره اتلا علا قتنا ثلاثه وتسعين باول حلاة العمر قبل انكساره الشاهد الله ماحصل بيننا شين ولا يخدش احساس بنت وعذاره نعم الحبيب اللين الطيب الزين ونعم الرفيق اللي حفظ حق جاره ياوجه ابوي الوجه مرحب وسهلين لا يابعد روح ومعاليق ساره ودي المه وودي اصيح بس وين مثل الكسير اللي نشب وسط غاره مايستطيع المشي من دون رجلين وحوله جنودن تشتهر بالشطاره ياللأسف هالحين صرنا غريبين حكم القدر واصدر علينا قراره الهم والغربال والفقد والبين وانا اسيره تنتظر للزياره ويلي على لاماك ويلاه ياحسين يامن يجمعنا واسوق البشاره ساره وسكت له لحظه كنها سنين واقفا واشوفه يوم شب الزقاره رد حسين على قصيدهمعشوقته القديمه ساره يامرحبا ياغايتي ياهلاوين يابنت عودن فيه طيب ونعاره لا يابعد كل البنات المزايين يافرحت المظلوم يوم انتصاره من يوم ماغبتي وانا ماني بزين ضايق واحس القلب طال انتظاره دايم على بالي وانتي تمرين واقول يفدوها جميع العذاره لوالليالي ترجع لعشرة اسنين ماكان شفتي الشيب زاد بوقاره لا مانسيتك من ثلاثة وتسعين وشلون ابنسى حب واضح مساره تدرين شاللي هزني يوم الأثنين واللي ذبح قلبي بأول نهاره زولك لمحته يوم كنتي تمشين بين الصفوف اقبال باب الأداره وفز الخفوق وقلت ياربي تعين هي هي ولاهي شبيهه لساره جيتك وقلت ابنقل البنت هالحين تفضلي الأوراق والأستماره طول سكاتك والبلا العين بالعين ضقت واحس بضغط مدري حراره وخانتني الدمعه وطاحت من العين كني طفل يبكي مضيع دياره بحط بنتي عندك بسادس اثنين عشان اكثر جيتي بالزياره واليا دخلت الصف لازم تخشين اسمي لانه مسجلن بالسواره وامانتك انك عليها تخافين لحدن يضايقها بأيت عباره بصارحك في شي يمكن تحسين ان الزمن اقفى علينا قطاره انا سمعت اناكبر عيالك حسين وانتي اكيد انك سمعتي بساره رآآقت لي |
رد: قصيدة المعلمه سارة يوم شافت حبيبها جاي يسجل بنته : انا سمعت اناكبر عيالك حسين وانتي اكيد انك سمعتي بساره صح لسان القايل والناقل قصيده مؤثرة راق لي اخر بيت شاكر لك ابو الرجال |
رد: قصيدة المعلمه سارة يوم شافت حبيبها جاي يسجل بنته : قصائد مؤثره جداً شكراً على الاختيار لاهنت |
رد: قصيدة المعلمه سارة يوم شافت حبيبها جاي يسجل بنته : اخوى ابو الرجال هذا والله الموقف صحت السنتهم ترجمو الموقف قصائد اشكرك على النشر تحيتي |
رد: قصيدة المعلمه سارة يوم شافت حبيبها جاي يسجل بنته : الف شكر لكم ومروركم العاطر وتواجدكم في مصفحي |
رد: قصيدة المعلمه سارة يوم شافت حبيبها جاي يسجل بنته : ابو الرجااال بيض اللة وجهك على هاااالاختيااار الحلووووو والى الامااام داااايم اخى العزيز |
رد: قصيدة المعلمه سارة يوم شافت حبيبها جاي يسجل بنته : اقتباس:
ووجهك ابيض دام تواجدك المتميز شكرا جزيلا لك اخوي فزاااع |
رد: قصيدة المعلمه سارة يوم شافت حبيبها جاي يسجل بنته : تسلم على النقل قصيده مؤثره وعشق عفيف نقي وتحديد التاريخ 93 رغم تحفظي على الوزن ولكن نمشيها والف شكر على الاضافه والجهود ابوالرجال هلابك |
رد: قصيدة المعلمه سارة يوم شافت حبيبها جاي يسجل بنته : سلمت على النقل الجميل |
رد: قصيدة المعلمه سارة يوم شافت حبيبها جاي يسجل بنته : ابو الرجال الله يعطيك العافيه على هذا النقل لهذه القصيده الموثر في قافيتها ووصفها للموقف الصادق وصح اللسان العشاق الاثنين وقصيده جميله بكل ما تحمله المقاييس وتقبل مرور واحترامي موقف صعب صعب صعب الله لايحط الصديق فيه |
| الساعة الآن 09:28 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir