ياطويق فاح العبير وفاحت الدله وحنا ورى حلمنا تركض خطاوينا
ياطويق راسك ركزنا العشق في ظله لا تلحِق الحال شرهه كل ماجينا
وش حيلة الخل دام أنه بغى خله=مدام هذي مطالبنا وأمانينا
ياطويق قلبي ماكل إنسان يقبلّه=لو العذارى تسوق الموج للمينا
عشت وشربت التعب دقه على جله=من شأن هقوة عزيزٍ هاقيٍ فينا
عشنا وكلن مع أيامه تخيل له=صوره لمستقبلٍ يرقب حراوينا
أثنين نطوي شريط العشق ونهله=ولو تنشد الشمس نادتنا بأسامينا
أنخاوي الليل ماتطري لنا الذله=وشواهد الحال فالدنيا مسارينا
وإليا سرى الشوق فالشريان وأحتله=عز الله إن البحر ماعاد يروينا
واليوم لغز التعب فالوجه من حله=مادامه الظلم يرفعنا ويرخينا
إندق هيل التعب بالعزم ونزله=من محجر العين لين العين ترثينا
ولو نعتذر عذرنا ماهو على المله=مستقبل العشق يشره فوق ماضينا
للوقت غدره وتجتاح العمر كله=شوفها فوق شوك الظلم ترمينا
يا أول الناس في قلبي ولا بله=إلا أخر إنسان يسكن فالشرايينا
عشنا نزف الغلا فالقلب ونجله=ونكبر وتكبر مع الدنيا هقاوينا
والوقت ظالم ولا لحظوظنا طله=وعمري وعمرك غدى ماظن يمدينا

اخوى
ابو الرجال
مشكور على الاختيار الرائع
صح لسان الشاعر ولاهنت اخوي على النشر
تحيتي

المشاركة الأصلية كتبت بواسطة غازى بن عجاب أبوزوايد (المشاركة 260497) وش حيلة الخل دام أنه بغى خلـهمـدام هـذي مطالبنـا وأمانينـا ياطويق قلبي ماكل إنسـان يقبلّـهلو العذارى تسوق المـوج للمينـا اخوى ابو الرجال مشكور على الاختيار الرائع صح لسان الشاعر ولاهنت اخوي على النشر تحيتي

المشاركة الأصلية كتبت بواسطة اسير الصدف (المشاركة 260578) رائعه راقت لي كثيرامشكور على النقل ابو الرجال،،،، ولا اقول الا ياحلو العشق حلواه وانا اخو حصه،،،،

المشاركة الأصلية كتبت بواسطة ابوحمد (المشاركة 260691) انتقاء جداً رائع شكراً ابو الرجال لاهنت